Барилга угсралт, зураг төсөл, үл хөдлөх хөрөнгө, барилгын материалын үйлдвэрлэл зэрэг чиглэлээр үйл ажиллагаагаа явуулж буй аж ахуйн нэгжүүдийг нэгтгэсэн Барилгын салбарын нэгдсэн шинэ жилийн цэнгүүн 2018 барилгын салбарын нэгдсэн шинэ жилийн цэнгүүн болж өндөрлөлөө. Энэхүү арга хэмжээг Монголын Барилгын Үндэсний Ассоциациас санаачлан Барилга.МН хамтран зохион байгуулсан бөгөөд Цэнгүүнд Монгол Улсын Барилга, хот байгуулалтын Сайд Х.Баделхан болон салбарын төрийн бус байгууллагуудын удирдлагууд оролцож, барилга, бүтээн байгуулалтын салбар ИХ БАРИЛГА 2017 оны шилдгийн шилдгүүдээ тодрууллаа.


2017 ОНЫ ШИЛДГҮҮД:

 

Шилдэг Зураг төслийн байгууллага номинаци – ИНТЕЛЛЕКТ ТАУЭР ХХК

Компани нь барилгын зураг төсөл зохиох чиглэлээр 2012 оноос үйл ажиллагаа явуулж байгаа бөгөөд Кэй Би Тауэр 24-н давхар барилгын бүтээцийн гүүр, хонгил, гадна лифтний ажлууд, дотор инженерийн шугам сүлжээ, өөрчлөлтийн ажлын бүрэн зургууд, Наадам центрийн Авто зогсоол үйлчилгээний барилгын ажлын иж бүрэн зургийг амжилттай гүйцэтгэсэн. Түүнчлэн Нарны хорооллын 2,3-р ээлжийн хотхоны барилгын техникийн зураг, ажлын иж бүрэн зургуудыг хийж гүйцэтгэжээ.
 

Шилдэг Төсөл санаачлагч байгууллага номинаци – ХАРАА СҮМБЭР ХХК

Компани нь барилгын материалын хуурай хольц, цийдмэг будаг, EPS полистролон блокны үйлдвэртэй бөгөөд жилд 3,900 тонн хуурай хольц, 390 тонн цийдмэг будаг, 117,000 м² EPS полистролон блок үйлдвэрлэх хүчин чадалтай хамгийн сүүлийн үеийн техник, технологиос бүрдсэн байгаль орчинд хор нөлөөгүй үйлдвэрлэлийг нэвтрүүлсэн.

Шилдэг Ханган нийлүүлэгч байгууллага номинаци – УЛЬТРАСОНИК ХХК

Компани нь Холыооны Бүгд Найрамдах Герман улсаас амины орон сууц, өрөө тасалгааны цахилгаан халаалт, халуун усны шийдэл, шугам хоолойн шийдэл, цэвэрлэх байгууламжийн шийдэл бүхий хамгийн сүүлийн үеийн дэвшилтэт ногоон техник, технологиудыг импортлож, Улаанбаатар хот төдийгүй Монгол даяар өөрийн үйл ажиллагаагаа явуулж байна.
 

Компани нь дэлхийн жишигт нийцсэн сүүлийн үеийн технологи бүхий тоног, төхөөрөмжөөр тоноглогдсон бүрэн автомат, стандартын чанарын шаардлагыг хангасан, хаягдалгүй, байгаль орчинд ээлтэй эко хөнгөн бетон блокны үйлдвэрлэлийг эрхэлдэг бөгөөд үйлдвэрлэл нь дулаан зарцуулалт, уур, ус, цахилгааны эрчим хүчийг 10-20 хувиар бууруулдаг онцлогтой. 
 

Шилдэг үйлдвэрлэгч байгууллага номинаци – ПИРАМИД ИНДАСТРИ ХХК

Компани нь Монголын барилгын материалын салбарт бүтээгдэхүүн үйлдвэрлэх зорилтыг таван дулаалгын хөөсөнцөр хавтан чулуун өнгөлгөөний материалыг Монгол анхлан нэвтрүүлэв.


 

- Барилгын бүтээцийн угсралт -БҮТИ ХХК

Компани нь 2017 онд “Кэй Би Тауэр” оффисийн барилгын дотор заслын ерөнхий гүйцэтгэгч, Төваймгийн Зуунмод хотын 1000 айлын орон сууц “Гүнжийн хотхон” 30 айлын таун ахаус төслүүдийн барилга бүтээцийн ерөнхий гүйцэтгэгчээр ажилласан. Түүнчлэн Улаанбаатар хотын Шинэ нисэх онгоцны буудал барих төслийн үндсэн болон туслах нийт 27 барилгуудын төмөр бетоны ажлыг төслийн техникийн шаардлага, стандарт, норм дүрмийн дагуу чанарын өндөр түвшинд гүйцэтгэв.
 

- Инженерийн хангамж, дэд бүтцийн угсралт -ЧММ ХХК

Компани нь өнгөрөгч 2017 онд БХБЯ-ны захиалгаар “БГД-ийн 10, 11, 12-р хорооны гадна шугам сүлжээг өргөтгөх, шинээр Дулаан дамжуулах төв барих” төслийг маш богино хугцаанд буюу нийт 45 хоногийн хугацаанд чанарын өндөр түвшинд хийж гүйцэтгэсэн нь 7-р бичил хороолол орчмын утааны эх үүсвэрийг бууруулахад үнэтэй хувь нэмэр оруулсан болно.
 

Шилдэг орон нутгийн бүтээн байгуулалт – МОНГОЛЫН ХОТ БАЙГУУЛАЛТЫН ХӨГЖЛИЙН ТАНХИМ

Монголын хот байгуулалтын хөгжлийн танхимаас санаачлан “Хот төлөвлөлтийн хүрээлэн” ХХК, “Их шовх” ХХК, “МАК” ХХК, “БиЭС” ХХК-иуд нэгдэн үндэсний хэмжээнд хэрэгжүүлэх зорилготой Эко дулаан, барилгын төвлөрсөн шийдэл бүхий 24-н айлын “Жишиг сууц” төслийг Хэнтий аймгийн Баян-овоо суманд хэрэгжүүлсэн.

Шилдэг хөрөнгө оруулагч байгууллага номинаци – ХУРД ГРУПП ХХК

“Хурд Групп” ХХК нь 2017 онд “Кэй Би Тауэр” оффисын төсөл, “Наадам центр” төсөлд нийт 135 тэрбум төгрөгийн хөрөнгө оруулалтыг хийж төслийн хугцаанд 254 гүйцэтгэгч болон ханган нийлүүлэгч байгууллагатай гэрээ байгуулан 1500 хүнийг шууд ажлын байраар ханган ажилласан шилдэг хөрөнгө оруулагч юм.
 

Салбарын шилдэг манлайлагч – Л.АРИУНБОЛД

Бизнесмен, инженер, технологич Монгол Улсын Шилдэг зохион бүтээгч Л.Ариунболд. Монголын анхны галд шатдаггүй чулуун хөвөн тусгаарлагч материалын үйлдвэрлэлийн төслийг санаачлан Basaltwool брэндийг бий болгосон нь Монголын үйлдвэрлэлийг дэлхийд гайхуулах бүтээгдэхүүн болсон юм. Тэрбээр дулаалгын аяныг эхлүүлэн агаарын бохирдолтой тэмцэхэд үнэтэй хувь нэмрээ оруулаад зогсохгүйгээр “Шарк танк” нэвтрүүлэгч хөрөнгө оруулагч, шүүгчээр ажиллан хамгийн их буюу 650 орчим сая төгрөгийн хөрөнгө оруулалтыг хийсэн болно.
 

ИХ БАРИЛГА 2017 Гранпри – НОМИН КОНСТРАКШН ДЕВЕЛОПМЕНТ ГРУПП

1997 оноос хойш барилгын чиглэлээр үйл ажиллагаа явуулж байгаа бөгөөд Монголын №1 ногоон хотхон болох Ривер гарден 1 болон 2 төсөл, Тайм Скүэр төсөл, Гарден Сти төслүүдийг өөрийн хөрөнгө оруулалтаар хэрэгжүүлэхдээ дэлхийн стандартад нийцсэн чанар, дэвшилтэт техник технологийг нэвтрүүлж, ногоон үйлдвэрлэл, эко бүтээн байгуулалтыг цогцлоон, нийгмийн өмнө хүлээсэн хариуцлагаа бүрэн дүүрэн хэрэгжүүлэхийг эрхэм зорилгоо болгон ажилласан шилдэг бүтээн байгуулагч юм.

Шагнал авсан зарим байгууллагын төлөөллөөс сэтгэгдэлийг нь сонсов.
 

 

- Бид бүхэн “Шилдэг гүйцэтгэгч байгууллага” болсондоо туйлын их баяртай байна. 2017 онд бүхий л салбар хүндхэн байдалтай байж, барилгын салбар дорвитой сэргээгүй нэг тийм энгийн жил байлаа. Гэвч цаашдаа салбар маань сэргэж, хөрөнгө оруулалтууд нэмэгдэж, барилга бүтээн байгуулалтын ажлууд сайжирна гэдэгт итгэж байна. Өнгөрсөн хоёроос гурван жилд компани, аж ахуйн нэгжүүд яг үнэндээ тэсч, тэвчиж үлдэхийг л хичээж, зүтгэсэн. Юутай ч хямралын жилүүдийг давж туулж чадлаа. Хөрөнгө оруулалт, эдийн засгийн байдал сайжирч, нэлээд нааштай болж сайхан цаг ирж байна. 
Ирэх он ажил хөдөлмөр оргилсон жил байх болов уу. Манай компани хөрөнгө оруулагчтайгаа эцсийн тохироонд хүрч, спорт комплексийн төслөө эхлүүлнэ гэдэгт итгэж байна. Мөн олон компани, захиалагчдаас ажил гүйцэтгэх томоохон саналуудыг хүлээж авсан учир бидний хувьд ажил ид өрнөх байх.
2018 оны нэгдүгээр сарын нэгнээс мөрдөгдөж эхлэх нийгмийн даатгалын шимтгэл, зарим татварууд нэмэгдэх гэгчлэн сөрөг зүйлс бий л дээ. Миний хувьд төр засаг татвараа нэмэх биш, харин ч иргэдээ ажилтай орлоготой байлгаж, идэвхтэй үйл ажиллагаа явуулж буй компаниудаа харин ч дэмжиж, хөнгөлөлт урамшуулал үзүүлдэг байгаасай гэсэн эсрэг байр суурьтай байна. Энэ мэт шийдвэрүүдээс болж далд эдийн засаг хөгжиж, ихэнх компаниудын үйл ажиллагаа зогсчих гээд байна л даа. Тэгэхээр энэ шийдвэрүүдээ эргэн харж, ажил олгогч байгууллагууддаа ээлтэй жил байгаасай. 


         
        “Пирамид индастри” ХХК-ийн Барилга хариуцсан захирал Н.Нямсүрэн:
Энэ хаврын “Барилга Экспо 2017” арга хэмжээнээс “Дотоодын шилдэг барилгын материал үйлдвэрлэгч” болсон. Энэ удаад мөн шинэ оны босгон дээр өмнөх амжилтаа бататган салбарын нэгдсэн шинэ жилийн цэнгүүнээс “Шилдэг үйлдвэрлэгч байгууллага” цомыг гардан авлаа. Та бүхэн баяр хүргэе.
Тийм ээ. Манай үйлдвэр 25 жилийн турш үйл ажиллагаагаа явуулж буй барилгын дулаалгын хөөсөнцрийн болон чулуут өнгөлгөөний анхны үйлдвэр. Бид цаашид импортыг орлох олон нэр төрлийн бүтээгдэхүүнийг үйлдвэрлэх болно. Нийт харилцагч байгууллагууд, хамтран ажиллагч нөхдөдөө шинэ оны мэнд хүргэе.