Барилгын салбарын шилдгүүдийг шалгаруулахад 3 хоног үлдлээ

Барилгын салбарын шилдгүүдийг шалгаруулахад 3 хоног үлдлээ
    Улс орны хөгжил дэвшлийн гол тулгуур болсон барилга, бүтээн байгуулалтын салбарын 2017 оны нэгдсэн шинэ жилийн цэнгүүн зохион байгуулагдах гэж байна. Тус арга хэмжээ нь барилга угсралт, зураг төсөл, үл хөдлөх хөрөнгө, барилгын материалын үйлдвэрлэл зэрэг чиглэлээр үйл ажиллагаагаа явуулж буй аж ахуйн нэгжүүдийг нэгтгэсэн 2017 оны салбарын хамгийн том шинэ жилийн цэнгүүн болж буйгаараа онцлогтой.

      Энэхүү цэнгүүнд Монгол Улсын Барилга, хот байгуулалтын Сайд Х.Баделхан, нийслэлийн Засаг дарга бөгөөд Улаанбаатар хотын Захирагч С.Батболд болон салбарын төрийн бус байгууллагуудын удирдлагууд оролцож барилга, бүтээн байгуулалтын салбарын 2017 оны шилдгийн шилдгүүдэд шагнал гардуулах болно.

      Иймд улс эх орны бүтээн байгуулалтын эзэд болсон Та бүхнийг шинэ жилийн нэгдсэн цэнгүүндээ оролцож, салбарын тэргүүлэгчидтэй хамтдаа хуучин оны амжилт бүтээл, туршлагаа дүгнэж, шинэ оноо угтах гайхалтай нэгэн үдшийг өнгөрүүлэхийг урьж байна.

 
"ИХ БАРИЛГА 2017" шагналд нэр дэвшигчдийн материалыг хүлээн авч байна

  12 дугаар сарын 12-ны өдөр One Event Hall хүлээн авалтын танхимд зохион байгуулагдах 2017 оны Нэгдсэн шинэ жилийн цэнгүүний үеэр оны шилдэг байгууллага, хувь хүнийг тодруулан, "ИХ БАРИЛГА-2017" шагналыг гардуулах юм.

  "ИХ БАРИЛГА-2017" шагналын сонгон шалгаруулалтыг Шалгаруулах комиссийн баталсан журмын дагуу явуулах ба комиссийн бүрэлдэхүүнд Барилга, хот байгуулалтын яам, Монголын барилгын үндэсний ассоциаци, Барилгын зураг төсөл зохиогчдын холбоо, Монголын Барилгачдын нэгдсэн холбоо, Монголын Барилгын инженерүүдийн холбоо, Монголын Барилгын материал үйлдвэрлэгчдийн холбоо, Монголын Барилгын гүйцэтгэгч байгууллагуудын холбоо, МҮХАҮТ-ын Барилга, дэд бүтцийн зөвлөлийн төлөөлөл нар орж ажиллаж байгаа болно.

  Иймд салбарын оны шилдгийг шалгаруулах "ИХ БАРИЛГА-2017" шагналд нэр дэвших сонирхолтой байгууллага, хүвь хүний материалыг 2017 оны 12 дугаар сарын 05-ны өдрийн 18:00 цаг хүртэл Монголын Барилгын үндэсний ассоциаци дээр хүлээн авах тул Та бүхнийг материалаа ирүүлэхийг урьж байна.

Жич: Дэлгэрэнгүй мэдээллийг Монголын Барилгын үндэсний ассоциацийн Ажлын албаны байр, www.mcud.gov.mn болон www.barilga.mn цахим хуудаснаас авна уу.

TAX: 180.000 ₮
Afterparty: MINT night club tax free
Холбоо барих: 7011-1515, 9595-4173, 9997-9799

 
Эвентэд нэгдэх бол ЭНД дарна уу.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.