Хот руу шилжих хөдөлгөөнийг бууруулах зорилгоор 23 сая ам.долларын төсөл хэрэгжүүлнэ

Хот руу шилжих хөдөлгөөнийг бууруулах зорилгоор 23 сая ам.долларын төсөл хэрэгжүүлнэ
 

Хүнс, хөдөө аж ахуй, хөнгөн үйлдвэрийн яам, Нэгдсэн Үндэстний Байгууллагын суурин зохицуулагч, НҮБ-ын Хөгжлийн Хөтөлбөрийн суурин төлөөлөгч хатагтай Биата Транкман, НҮБ-ын Хөгжлийн хөтөлбөрийн суурин зохицуулагчийн орлогч хатагтай Даниела Гаспарикова, НҮБ-ын Хөгжлийн хөтөлбөрийн Байгаль орчны асуудал хариуцсан мэргэжилтэн хатагтай Б.Бүнчингив болон Уур амьсгалын өөрчлөлтийн асуудал хариуцсан тусгай элч З.Батжаргал нарыг өнөөдөр хүлээн авч уулзлаа.

НҮБ-ын Хөгжлийн хөтөлбөрийн суурин зохицуулагч хатагтай Биата Транкман Олон улсын уур амьсгалын ногоон санд өргөн барьж буй, “Хөдөөгийн иргэдийн уур амьсгалын өөрчлөлтөд дасан зохицох чадавхыг бэхжүүлэх” төслөө танилцуулав. Энэ төслөөр малчдын амьдралыг дэмжих, ус, газрын нөөцийн менежмент, мал аж ахуйд суурилсан иргэдийн амьдралыг сайжруулах, бүтээмж нэмэгдүүлэх, эрсдэл бууруулах зорилготой юм байна.

23 сая ам.долларын буцалтгүй тусламжаар хэрэгжүүлэх төслийн дараагийн зорилго нь ядуурлаас үүдэлтэй шилжилт хөдөлгөөнийг багасгахад чиглэжээ.

ХХААХҮ-ийн сайд Б.Батзориг энэхүү төслийг дэмжин хамтран санхүүжүүлэх талаар ярилцаж, Сангийн яамтай холбогдон мэдээлэл солилцоноо гээд “Тогтвортой хөгжлийн зорилт 2030”-ийн хүрээнд цаашид НҮБ-тай хамтын ажиллагаагаа бэхжүүлж хамтран ажиллахаа илэрхийлжээ.

Эх сурвалж: ХХААХҮЯ

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.