Microsoft компани 2,500 барилга бүхий жижиг хот байгуулна

Microsoft компани 2,500 барилга бүхий жижиг хот байгуулна

  Microsoft компани бол технологийн тэргүүлэгч компани төдийгүй нийгмийн хариуцлагаа дээд зэргээр ухамсарласан, ажилтнуудынхаа ажиллах таатай орчныг ихээхэн санаачилгатайгаар бүрдүүлж чаддагаар нь уншигчид сайн мэдэх биз ээ. Тэгвэл саяхан тус компаниас Редмондын 500 акр буюу 202 га газарт Microsoft хэмээх мини хот байгуулах гэж буй талаараа зарласан билээ. Энэхүү хотдоо 18 шинэ барилга, хоёр акр газарт нээлттэй үйлчилгээний төв, жижиглэн худалдааны хэсэг, алхалтын болон хөлбөмбөгийн хоёр талбай, крикетийн талбай, төмөр замын жижиг буудал зэргийг байгуулах аж.

  Компанийн зүгээс энэхүү хотхоныг илүү нээлттэй, албаны бус таатай орчинг бүрдүүлэхэд анхаарч, олон нийтийн төвүүд, гэрэл гэгээтэй оффисуудыг байгуулж, харин гадна талбайд ажилтнуудад зориулсан амралтын байгууламжуудыг байгуулах гэнэ. Хотхонд 18 барилга шинээр барьж, 47,000 хүнд зориулсан ажлын байр бий болгож, нэмэлт 8,000 хүн байрлуулах орон зайг шийдэх юм. Редмонд хотхон нь хэдийнээ “Zero Waste” гэрчилгээг авсан бөгөөд энэ нь хог хаягдлыг бууруулах санаачилгад ихээхэн хувь нэмэр оруулна гэж үзжээ.



 Ногоон тээврийн хэрэгсэл хэрэглэхэд анхаарахын хажуугаар автомашинуудыг газар доорх зогсоолд тавьдаг байхаар шийдсэн нь ажилтнуудыг хотхоны талбайд чөлөөтэй аялж алхах, дугуйгаар зугаалах боломжийг бүрдүүлэх ажээ. 2023 он гэхэд хөнгөн галт тэрэгний системийг нэвтрүүлэх гэнэ. Мөн хотхон хооронд ажилтнууд явган болон дугуйгаар явах гүүр байгуулж буй нь мөн ногоон тээврийг хөгжүүлэх нэг алхам болж байгаа юм. Энэ нь 2023 онд Редмонд технологийн транзит буудлыг хөнгөн галт тэрэгний буудалтай холбогдох гэнэ.



  Microsoft-ийн ерөнхийлөгч Брэд Смитийн мэдэгдсэнээр уг төслийг 150 сая ам.доллараар хэрэгжүүлэх бөгөөд 2,500 барилгыг дахин сэргээж, ажлын байруудыг нэмэгдүүлэхээр төлөвлөсөн байна















Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.