Монголын материал судлал, гагнуурын нийгэмлэг, “Эрчим хүчний хөгжлийн төв” ТӨҮГ, “Хасу Мегаватт” ХХК-ийн хамтран зохион байгуулсан Гагнуурчдын улсын аварга шалгаруулах дөрөв дэх удаагийн тэмцээн дөрвөн төрлөөр дөрвөн өдөр өрсөлдөж дүнгээ гаргав.

  Тус тэмцээнд нийт 42 байгууллагын 140 гагнуурчин оролцсон ба “Дулааны цахилгаан станц-4” ТӨХК, “Дулааны цахилгаан станц-3” ТӨХК, “Эрчим хүчний хөгжлийн төв” ОНӨҮГ, “Оюу-Толгой” ХХК, “Лайнюкс” ХХК, “НИК Ойл” ХХК, Улаанбаатар төмөр замын Төв засварын үйлдвэр зэрэг долоон байгууллагад ажилладаг гагнуурын мэргэжлийн есөн шүүгч олон улсын стандартын дагуу ил үзлэг хэмжилт үл эвдэх сорил (X-ray) аргаар дүгнэсэн байна.



Мэргэжлийн гагнуурчдын улсын аварга шалгаруулах тэмцээний шилдгүүдээр:

111/SMAW төрөлд

I байр – Г.Эрдэнэбаяр /”ДЦС-3″ ТӨХК-ийн гагнуурчин/
II байр – Х.Бямбажав /”MCS” ХХК-ийн гагнуурчин/
III байр – Т.Сарантөгс /”ДЦС”-3 ТӨХК-ийн гагнуурчин/

135/GMAW төрөлд

I байр – М.Ганхуяг /”ДЦС-3″ ТӨХК-ийн гагнуурчин/
II байр – Ж.Мягмарсүрэн /”ДЦС-3″ ТӨХК-ийн гагнуурчин
III байр – Д.Нямрагчаа /”ГММСҮТ ХХК”-ийн гагнуурчин/

141/GTAW төрөлд

I байр – Ч.Агваандэмбэрэл /”ДЦС-4″ ТӨХК-ийн гагнуурчин/
II байр – Н.Энхбат /”NBIK ХХК”-ийн гагнуурчин/
III байр – С.Тэнүүн /”Мегастийлфабрикаторс ХХК”-ийн гагнуурчин/ тус тус шалгарлаа.

311/OFW буюу хийн гагнуурын төрөлд байр эзлэх гагнуурчин гараагүй бөгөөд тус төрөлд өрсөлдсөн “Дулааны цахилгаан станц-4” ТӨХК-ийн гагнуурчин Э.Батсүх, “Багануур ХК”-ийн гагнуурчин Г.Отгонбаяр нарт тусгай байрын шагнал олгожээ.



  Мөн Монголын материал судлал гагнуурын нийгэмлэгээс шилдгээр шалгарсан 35 нас хүрээгүй залуу 9 гагнуурчдад 2018 онд Бээжин хотод болох Олон Улсын “ARC CUP” тэмцээнд оролцох эрхийн бичиг олгосон байна.