NCD Group Азийн Шилдэг Бүтээн байгуулагчаар шалгарлаа

NCD Group Азийн Шилдэг Бүтээн байгуулагчаар шалгарлаа
Азийн үл хөдлөх хөрөнгийн салбарын дээд шагнал болох "ASIA PROPERTY AWARDS”-ын шагнал гардуулах ёслолын ажиллагаа энэ сарын эхэнд Сингапур улсад болж, Монголоос Номин Констракшн Девелопмент Групп бүс нутгийнхаа “Шилдэг Бүтээн Байгуулагч”, “Тогтвортой Хөгжлийг Дэмжигч, Хэрэгжүүлэгч”-ээр шалгарсан байна. Бүс нутгийнхаа хамгийн шилдэг үл хөдлөх хөрөнгийг шалгаруулдаг энэхүү арга хэмжээг зүйрлэж хэлбэл кино урлагийн дээд шагнал Оскар, Каннын кино наадамтай жишиж болохуйц. “2006 оноос хойш зохион байгуулагдаж буй уг ёслолын ажиллагаа салбартаа ийм нэр хүндтэй болсон шалтгаан нь ил тод, шударга шүүлт, түүний найдвартай байдал юм” гэж BDO-ийн партнер Пол Ашберн онцолж байсан.


Энэхүү ёслолын ажиллагаа Азийн 14 улсын үл хөдлөх хөрөнгө, барилга бүтээн байгуулалтын салбарын компаниудыг хамарснаас Монгол, Шри Ланка, Хонконг, Макаогоос энэ жил анх удаа оролцсон байна.

Холбоотой ЛИНК: http://www.asiapropertyawards.com/singapore-property-awards/


Аварга болох хэцүү ч аваргаа батлах бүр хэцүү

Монголоос анхалж NCD Group олон улсад өрсөлдөж, бүс нутгийнхаа хэмжээнд чансаагаараа гайхуулсан талаарх мэдээллийг хагас жилийн өмнө бичиж суусан сэтгүүлчийнхээ хувиар би “Аварга болох хэцүү ч аваргаа батлах бүр хэцүү” гэх үгийг дахин хэлмээр байна. "ASIA PROPERTY AWARDS”… Энэ бол NCD Group-т буухиалан ирж буй олон улсын зургаа дахь шагнал. Өмнө нь тэд “Ривер Гарден” хотхоны төслөөрөө INTERNATIONAL PROPERTY AWARDS-с 2017 оны “Орчин Нөхцөлийг Хамгийн Сайн Бүрдүүлсэн Орон Сууцны Хотхон”, “Таван Одтой Шилдэг Орон Сууцны Төсөл” болон “Таван Одтой Интерьертэй Орон Сууцны Төсөл” гэсэн шагналыг тус тус хүртэж байсан. Өнгөрсөн онд мөн л Ривер Гарден хотхон олон улсын таван одтой, шилдэг орон сууцны төслөөр шалгарч байв. 

ХОЛБООТОЙ НИЙТЛЭЛ:  РИВЕР ГАРДЕН 2 ХОТХОН INTERNATIONAL PROPERTY AWARDS-Д 2 ДАХЬ ЖИЛДЭЭ АМЖИЛТТАЙ ОРОЛЦОЖ ШИЛДГЭЭР ШАЛГАРЛАА

Азийн үл хөдлөх хөрөнгийн дээд шагналын босго хэр өндөр вэ?
ASIA PROPERTY AWARDS-ийн хараат бус шүүх бүрэлдэхүүн нь үл хөдлөх хөрөнгийн бүхий л чиглэлийн шилдэг экспертүүдээс бүрдэхээс гадна тухайн улс бүрт ажилладаг, итгэмжлэгдсэн төлөөлөгчдөөс авсан мэдээлэлдээ үндэслэн шилдгүүдийг тодруулдаг. Ингэхдээ дэлхийн 152 улсын 1,300 гаруй оффист 60 мянга гаруй ажилчидтай нягтлан бодох чиглэлийн дэлхийн тэргүүлэх сүлжээ  BDO-ийн тусламжтайгаар бүс нутгийн үл хөдлөх хөрөнгийн төслүүдийг ил тод, шударга шүүж, шилдгүүдийг сонгодог байна. Тиймдээ ч тус шагнал өнөөдөр Азийн үл хөдлөх хөрөнгийн дээд шагнал гэгдэж, бүсийн үл хөдлөх хөрөнгийн зах зээл дэх алтан хэмжүүр, чанарын стандарт болжээ.

Таны хийж бүтээсэн бүтээл таны хувьд юугаар ч солишгүй үнэтэй, зөвхөн бүрэн төгс, шударга системээр шалгагдаж шагнагдах ёстой гэдгийг бид ойлгодог. Тиймээс энэхүү шагналын цохилох зүрх нь шударга шүүлт, нээлттэй процесс юм.

Терри Блакберн,
Азийн үл хөдлөх хөрөнгийн дээд шагнал,
Үүсгэн байгуулагч & Удирдах захирал 

 
Тэгвэл энэ өндөр босгыг NCD Group хэрхэн давав?
Нэг талаас энэ хамт олны “Ногоон Ирээдүй”-г бүтээхийн төлөөх 20 жилийн хөдөлмөр. Нөгөө талаас нийгмийн хариуцлагынхаа хүрээнд эх дэлхийнхээ төлөө тэдний эхлүүлсэн ажил. Энэ нь л олон улсад данслагдсан бахдам амжилтынх нь үндэс болсон гэхэд хилсдэхгүй биз.
 
Тэд одоогоор өндөр бүтээмжит технологиор жилдээ НЭГ САЯ мод тарих хүчин чадал бүхий мод үржүүлэх үйл ажиллагааг эхлүүлж, 67,000м2 буюу 10 хөл бөмбөгийн талбайтай дүйцэхүйц газарт зүлэгжүүлэлт хийгээд байна. Мөн Туул голын эрэг дагуу, Богд Хан уулын ар хормойд, СХД-ийн 20-р хорооны нутаг дэвсгэр, Баянголын ам зэрэгт нийтдээ 52,000 ширхэг мод, бут тарьж ургуулжээ.
 
Дэлхийн стандартад нийцсэн дэвшилтэт техник, технологийг эх орондоо нэвтрүүлж, жишиг болохуйц ногоон байгууламж, хотхоны тохижилтын стандартыг Ривер Гарден , Тайм Скүэр, Гарден Сити хотхонд хэрэгжүүлэн ажиллаж байна. 

Холбоотой нийтлэл:  NCD ГРУППИЙН ХЭРЭГЖУУҮЛЖ БУЙ ТӨСЛҮҮД 

NCD групп  нь Дотоодын хөрөнгө оруулалттай гүйцэтгэгч компаниуд, Монгол инженерүүдийн ур ухаанаар дизайны шинэлэг шийдэл бүхий River Garden 2 хотхоны сүүлийн ээлжийн 401, 402-р барилгын ажлыг эхлүүлж, ирээдүйн оршин суугчдаасаа захиалгаа авч эхлээд байгаа юм байна.


Garden City хотхон захиалга авч байна
GARDEN CITY цогцолбор хотхон нь Яармагт ирээдүйд үнэ цэнэ нь өсөн нэмэгдэх байршилд аюулгүй байдал, тав тухыг дээд зэргээр хангасан байгаль орчин, хүний эрүүл мэндэд ээлтэй технологийн дагуу, Евро стандартад нийцсэн материал тоноглолуудыг ашиглан шилдэг  архитектур болон дизайны шийдлээр сүндэрлэж буй орон сууцны хотхон юм. Та Garden City хотхоны 47-108 м2 бүхий 2-4 өрөө орон сууцнаас “5 ОД” хөнгөлөлт урамшуулалтайгаар захиалаад 48.0 сая төгрөг хүртэлх шууд хөнгөлөлтийг орон сууцны нийт үнийн дүнгээс хасуулан тооцох боломжтой гэж NCD групп мэдээллээ.

Холбоотой нийтлэл:  ГАРДЕН СИТИ ХОТХОН 5 ОД ХӨНГӨЛӨЛТ УРАМШУУЛАЛТАЙГААР ЗАХИАЛАГ АВЧ БАЙНА  

 

Сэтгүүлч: Ч.Саранзаяа

Эх сурвалж: NCD GROUP

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.