Үндэсний үйлдвэрлэгчид дотоодын цементийн хэрэгцээгээ 100 хувь хангадаг боллоо

Үндэсний үйлдвэрлэгчид дотоодын цементийн хэрэгцээгээ 100 хувь хангадаг боллоо


  Барилгын гол материал болсон цементийн хэрэгцээгээ дотоодын үйлдвэрлэгчдээсээ бүрэн хангадаг боллоо. Импортын цементээс гол эх үүсвэрээ хангадаг байсан үе ард хоцорч, байгалийн гаралтай түүхий эдээр чанар, стандартын дагуу үйлдвэрлэсэн, “Буух эзэнтэй, буцах хаягтай” цементээ тогтвортой үнээр авах боломж бүрдэж байна.

  2013 оноос эхлүүлсэн үнэ тогтворжуулах хөтөлбөрийн хүрээнд хэрэгжүүлсэн төслүүд биелэлээ олж, өнөөдөр “Цемент шохой” ХК, “Монцемент бьюлдингс материал” ХХК, “МАК евроцемент” ХХК, “Мөнхийн баян гал” ХХК, “Налгар түшиг” ХХК үйлдвэрүүд Монголдоо цемент боловсруулах үйлдвэрлэл эрхлэн дотоодын хэрэгцээгээ бүрэн хангаж буй.

  2014 оны байдлаар цементийн эрэлт хоёр сая тонн байсан бол эдийн засгийн хүндрэлтэй байдлаас шалтгаалан 2015 онд 1,3 сая тонн, 2016 онд нэг сая орчим тонн байжээ. 2017 онд цементийн хэрэгцээ 1,6 сая тоннд хүрчээ. Цаашид хөрөнгө оруулалтын орчин сайжирч, зах зээл дэх борлуулалт нэмэгдэж 2018 онд цементийн эрэлт 2,2 сая тонноос давна гэж Монголын барилгын материал үйлдвэрлэгчдийн холбооноос үзэж байна. Дотоодын үйлдвэрлэгчид одоогоор хүчин чадлынхаа 50 хувийг ашиглана, цаашид зах зээлийнхээ эрэлтээс шалтгаалан нэмэгдүүлнэ гэсэн төлөвлөгөөтэй ажиллаж байгаа аж. Мөн хэрэглэгчдийн хэрэгцээ шаардлагаас хамаараад одоогоор зөвхөн OPC-42.5 маркийн цементийг л үйлдвэрлэж байгаа.



  Тэгэхээр дотоодын үйлдвэрлэгчдийн цемент, бүтээгдэхүүнийг хэрэглэгчдэд үйлдвэрийн үнээр шууд хүргэх дөт замыг бий болгож, маркетинг сурталчилгаа борлуулалтыг нь идэвхжүүлэх шинэлэг үйлчилгээг “Барилгачин” групп явуулж байгаа юм.

  Тус групп нь цемент үйлдвэрлэгчидтэй албан ёсны гэрээт борлуулагчаар хамтран ажиллаж, стандартын шаардлага хангасан чанар сайтай цементийг тогтвортой үнээр зорилтот хэрэглэгчдэд нь хүргэн борлуулж, хэдийнээ хэрэглэгчдийн талархлыг хүлээж эхэллээ.

  Цементийг жижиглэн болон бөөнөөр авах аж ахуйн нэгж байгууллага, хувь хүмүүсийн цаг завыг хэмнэж “Барилгачин” групп нь онлайн ба утсаар захиалга авч, хүргэж үйлчилж байна. Мөн их хэмжээгээр захиалга өгвөл харилцан тохиролцож үнийн дүнгээс хөнгөлөлт үзүүлэх аж.

“Барилгачин” группийн борлуулж буй цементийн үнийн санал (₮-өөр)



  “Барилгачин” групптэй хамтран ажилласнаар та үйлдвэрийн үнээр, тээвэр ложистикийн эрсдэл хүлээхгүйгээр цементээ шууд хүргүүлэн авах боломжтой.

Дэлгэрэнгүй мэдээллийг www.barilgachin.mn вэб сайтаас авна уу.

Эх сурвалж: Барилгачин групп

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.