Нугалмал хөнгөн төмөр ган каркасан барилгын давуу талууд

Нугалмал хөнгөн төмөр ган каркасан барилгын давуу талууд
       Эрс тэс уур амьсгалтай Монгол орны хувьд эрчим хүч бага зарцуулдаг, дулаан, тав тухтай барилга нэн шаардлагатай байгаа өнөө үед орчин үеийн төмөр каркасан барилга нь дээрх шаардлагыг хангаж чадах шилдэг технологи юм.

Газарзүйн ямар ч бүс бүслүүрт баригдах боломжтой төмөр каркасан барилга нь хүйтэн, сэрүүн, эрс тэс уур амьсгалтай, газар хөдлөлтийн бүс, өндөрлөг онцлог бүхий газруудад барих болмжтойгоор давуу талтай. Төмөр каркасан барилга нь бусад барилгын хийцтэй харьцуулахад дулаан алдагдал багатай дулаалгын материал, хашлага хийцийн материалуудыг  хүссэнээрээ сонгон ашиглах боломжтой байдаг учраас эрчим хүчийг төдий чинээ бага зарцуулдаг.
 
Төмөр каркасан байшин  нь дараах давуу талуудтай.
 
  • Хүссэн үедээ дотор өрөөний зохион байгуулалтыг хялбархан өөрчлөх,  ханыг задалж шилжүүлэх, нэмж хасах
  •  
  • Гадна ханын өнгөлгөөний хавтан, дулаалгын материал нь олон төрлийн өнгө, дизайны сонголттой байх тул гадна үзэмж маш гоёмсог байх боломжтой.
  • Баригдсан байшинг өргөтгөж томруулах, нүүлгэн шилжүүлэх, давхар нэмэх, багасгаж хуваагаад олон жижиг байшин болгох газар хөдлөлтөд тэсвэртэй. АНУ-ын Хавайн арал, Калифорния муж, Хятад улсын Сы Чуан, Чин Хай муж, Япон улс зэрэг газар хөдлөлтийн онцгой бүс нутагт энэ технологийг өргөн хэрэглэж байна.
  • Төмөр каркасын материал нь галваньжуулалт хийж, 450°C-д хайлуулсан цинкээр өнгөлсөн байдаг тул удаан жилийн турш зэврэлт өгдөггүй. Ийм төмөр эдлэл 200 жилийн настай гэж АНУ-ын барилгын экспертүүд тооцоолжээ.
  • Төмөр каркас нь мод шиг чийгэнд муудахгүй, хөгцөрч мөөгөнцөрдөхгүй.
  • Төмөр каркастай байшингийн дулааны эсэргүүцэл модон каркастай байшинтай харьцуулбал 3-9 хувь доогуур байдаг ч  чанартай дулаалгын материалаар илүү  дулаан байшин барих боломжтой. 
  • Төмөр каркасан байшингийн хаших хийц нь тоосгон байшин шиг суулт өгөх, гажиж муруйх, хагарч гэмтэх зэрэг эвдрэлд ордоггүй. Иймд мөнх цэвдэгтэй газар барьсан ч дулааны алдагдалгүй байж чадна.
  • Төмөр каркасан байшинг зөөж, угсрах боломжтой.
  • Барилга барих үед хортон шавьжны хамгаалалт хийх, цавуудаж наах зэрэг хамгаалалт хийх шаардлагагүй
  • Барилгыг буулгах үед хуучин төмрийн хаягдал болгон тушааж болно.
  • Байшинг бариулахдаа цэвэр бохир усны систем, халаалтын хэмнэлттэй систем /нарны халаалт, цахилгаан халаалт, шалны халаалт, бойлер/, суурилуулах боломжтой.
  • Хана, шал, тааз, дээвэр хавтан, дулаалгын материалууд, хаалга, цонх гэх мэт материалын өргөн сонголттой.
Эх сурвалж: ЭХБУТ ХХК

Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Oyungerel 2017-11-12 10:39 183.177.101.234

    Hoorondoh holbogch ni ymarhuu ym baigad ve yaj holbogdoj avah ve 99191657
    Oyungerel 2017-11-12 10:39 183.177.101.234

    Hoorondoh holbogch ni ymarhuu ym baigad ve yaj holbogdoj avah ve 99191657