Ангараг гариг дээр шинжлэх ухааны хот байгуулна

Ангараг гариг дээр шинжлэх ухааны хот байгуулна

  Арабын Нэгдсэн Эмират улс Ангараг гариг дээр хүн амьдрахад тохирохуйц уур амьсгалыг бүрдүүлсэн 176,515 ам метр талбай бүхий хот байгуулах төлөвлөгөөг гаргаснаа зарлалаа.

  “Ангараг” шинжлэх ухааны хотыг улаан гариг дээр 2117 он гэхэд байгуулж дуусахаар зорилго тавин ажиллаж буйгаа тус улсын засгийн газар мэдэгджээ. “The National” сэтгүүлийн дамжуулснаар, тус хотыг байгуулах ирээдүйн төлөвлөлтүүдийг эхний жилийн байдлаар тоймлон гаргасан аж. Төсөлд 500 сая дирхам (АНЭУ-ын мөнгөн тэмдэгт) буюу 136.1 сая ам.долларын санхүүжилтийг зориулахаар болжээ. Хотын дотор талд, судалгааны лабораториуд Ангараг дээр дээрх колоничлогчдод зориулсан хоол хүнснээс авахуулаад ус, эрчим хүч үйлдвэрлэх аргыг судлах юм.



  Арабын Нэгдсэн Эмират улсын дэд ерөнхийлөгч Рашид Аль Мактум, “Ангараг шинжлэх ухааны хот нь үндэсний хэмжээний гайхамшигтай том төсөл мөн” хэмээн твиттер хуудсандаа жиргэж, хэд хэдэн зураг оруулжээ. Тэдгээр нь элсэн цөл дэх том био байгууламжид хэдэн эрдэмтэд судалгааны ажил хийж буйгаар дүрсэлсэн зургууд байж.



  Ангарагт хот байгуулах энэхүү төслийнхөө хүрээнд Арабын Нэгдсэн Эмират улсын 50 жилийн ойг тохиолдуулан “Итгэл найдвар” сансрын хөлгийг 2020 онд бүтээж, 2021 онд Ангараг гариг руу хөөргөх аж. Энэ нь лалын шашинт улсаас сансарт судалгааны ажил хийх гэж буй анхны тохиолдол юм.



  Энэ оны эхээр “Ангараг 2117” төслөө зарлаж, улаан гариг дээр зуун жилийн дотор хот байгуулах зорилгоо анх танилцуулж байсан билээ. Харин Ангараг хотыг байгуулахад олон улсын шинжлэх ухааны хүрээлэнгүүдийн тусламж хэрэгтэй байгаагаа мэдэгдэж байсан юм. Тус хот нь Ангараг дээр хүн амьдрахад тохиромжтой орчныг эрдэмтэд илүү гүнзгий түвшинд судлах анхны алхам болно гэж “The National” сэтгүүл онцолжээ.
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.