Монголын 3 дахь салхин цахилгаан станцыг байгуулна

Монголын 3 дахь салхин цахилгаан станцыг байгуулна
      Монгол улсад сэргээгдэх эрчим хүчний гурав дахь төсөл болж буй салхин цахилгаан станцыг Дорноговь аймгийн төв Сайншанд сумын нутагт барьж байгуулах гэж байна.

Төслийг албан ёсоор нээх үйл ажиллагаа өчигдөр АСЕМ Вилла цогцолборт болов. Монголын талаас “Сайншанд салхин парк” компани Францын эрчим хүчний ENGIE болон Германы төсөл хэрэгжүүлэгч “Ferrostaal” компаниуд, Данийн Уур Амьсгалын Хөрөнгө Оруулалтын сантай хамтран хэрэгжүүлнэ. Салхин цахилгаан станцыг байгуулах энэ төсөлд нийт 120 сая ам.долларын хөрөнгө оруулахаар тооцоож буй.

Хөрөнгө оруулалтыг Европын хөрөнгө оруулалтын банк, Европын сэргээн босголт хөгжлийн банк, Данийн экспортын хөгжлийн агентлаг хийх олгох юм. Төслийн санхүүжилт, хөрөнгө оруулалтын гэрээг талууд энэ оны наймдугаар сард үзэглэсэн билээ.

Салхин цахилгаан станцын ерөнхий гүйцэтгэгчээр БНХАУ-ын CMEC корпораци ажиллах бөгөөд 2018 оны аравдугаар сард ашиглалтад оруулахаар төлөвлөж байна. Төслийг хэрэгжүүлснээр нийт 55МВт-ын суурилагдсан хүчин чадалтай эрчим хүчний үйлдвэрлэлийг бий болгож, төвлөрсөн эрчим хүчний сүлжээнд холбон жилд 100 мянга гаруй айл өрхийн цахилгааны хэрэглээг хангахаар тооцоолжээ. Ингэснээр эрчим хүчний үйлдвэрлэлээс жил бүр 200 мянган тонн нүүрс хүчлийн хийн ялгаруулалтыг бууруулах, 50 мянган тонн нүүрс хэрэглээ болон 1.2 сая шоо метр цэвэр усыг хэмнэх аж.
 
Эх сурвалж: mongolian mining journal

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    albaker 1 өдрийн өмнө 93.65.89.201

    Сайхан өдөр , Та зээл хайж байгаа, хувийн зээл хайж байна уу? зээл, орон сууцны зээл, автобусны зээл, оюутны зээл, нэгтгэлийн зээл, үл баталгаажсан зээл, хамтарсан хөрөнгө гэх мэт. Та банкны зээл эсвэл санхүүгийн мөн үү? нэг буюу хэд хэдэн шалтгааны улмаас татгалзах. Та авах боломжтой газар байна Зээлийн шийдэл! Би хувийн зээлдүүлэгч, би компаниудад зээл олгодог бага хүүтэй, бага хүүтэй 2%. И-мэйлээр бидэнд хандаарай: albakerloanfirm@gmail.com