Оюун ухаан, бүтээлч сэтгэлгээг хөгжүүлэх хамгийн том ЛЕГО байшин нээлтээ хийлээ

Оюун ухаан, бүтээлч сэтгэлгээг хөгжүүлэх хамгийн том ЛЕГО байшин нээлтээ хийлээ

  Нэлээд олон сарын өмнөөс дэлхий нийтийн анхаарлыг татаад байсан хамгийн том ЛЕГО байшин албан ёсоор нээлтээ хийж, зочдоо хүлээн авлаа. Дани улсын Биллунд хэмээх жижигхэн хотод баригдсан уг Брик хаус нь хүрэлцэн ирсэн зочдодоо ЛЕГО тоглоомын үзэсгэлэн худалдаа, ЛЕГОгоор хийсэн архитектурын бүтээлүүдийн үзвэрээс гадна зоогийн газар, бусад үйлчилгээний заалаар үйлчлэх ажээ.

  Ердөө өнгөрөгч Бямба гаригт нээлтээ хийсэн уг байшинг 25 сая ЛЕГО блокоор дөрвөн жилийн турш барьсан байна. Энэ нь нийт 12 мянган м.кв талбайтай бөгөөд жилдээ 250 мянган төлбөртэй зочин хүлээн авч үйлчлэхээр төлөвлөжээ. Энд олны анхаарлыг татахуйц сонирхолтой, аварга том хэмжээтэй 21 ширхэг ЛЕГО тоглоом байрлуулсан байна.



  Эдгээр тэгш өнцөгт блокууд нь шавар бүтэцтэй хавтангаар бүрэгдсэн бөгөөд дээврийн хэсэгт олон нийт чөлөөтэй нэвтэрч, цагийг тав тухтай өнгөрүүлэх боломжтой. Мөн дотор заслыг илүү гэгээтэй байлгаж, байгалийн гэрлийг нэвтрүүлэхийн тулд нээлттэй, олон цонхтой болгон төлөвлөжээ. Барилгад задгай террасууд, ЛЕГО талбайнууд, зоогийн газрууд, дэлгүүрүүд байрлах юм. Барилгын гол хэсгүүдэд зорчиход төлбөртэй тасалбараар үйлчлүүлэх аж.
Ерөнхийдөө үзэсгэлэн яармагийн хоёр хэсэгтэй бөгөөд хоёр өнгөөр кодолсон бүсүүдэд тоглоомын дөрвөн хэсгийг хуваарилжээ. Улаан хэсэг нь бүтээлч чадварыг хөгжүүлэхэд, хөх өнгийн хэсэг нь танин мэдэхүйн чадварыг хөгжүүлэхэд зориулагдсан байна.



  “Зочдодоо зориулан тэдний бүтээлч сэтгэлгээг хөгжүүлэх ЛЕГО төвийг байгуулах нь олон жилийн минь мөрөөдөл байсан. ЛЕГО байшинтай болсноор бид тоглоомоор дамжуулан оюун ухаанаа хөгжүүлж, бүтээлч болоход ихээхэн нөлөөтэй. Хүүхдүүд үүгээр тоглож байхдаа бүтээлч хамтын ажиллагаа, асуудлыг шийдэх гээд өөрсдөдөө хэрэгтэй гол чадваруудыг эзэмшихэд маш их хэрэгтэй” хэмээн ЛЕГО-ийн гурав дахь үеийн эзэмшигч Кжелд Кёрк Кристиансен ярьсан юм.

  ЛЕГО байшин нь гурван зоогийн газар, ЛЕГО дэлгүүр, хурлын танхим, 2000 м.кв талбайтай ЛЕГО талбайтай аж. 









Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.