Барилгын салбарт ажил эрхлэхэд тань хууль эрх зүйн ямар асуудлууд тулгарч байна вэ?

Барилгын салбарт ажил эрхлэхэд тань хууль эрх зүйн ямар асуудлууд тулгарч байна вэ?
  Барилгын салбарын бизнес эрхлэгчдэд зориулсан “БАРИЛГЫН САЛБАР-ЭРХ ЗҮЙН ОРЧИН” сэдэвт сургалт семинар 2017 оны 9 дүгээр сарын 21-ний өдөр болох гэж байна.

  Тус сургалтыг Barilga.MN вэбийн зүгээс уг сургалтыг гишүүн компаниуд болон барилгын салбарт үйл ажиллагаа явуулж буй байгууллагууддаа зориулан Барилга, Хот Байгуулалтын Яам, Өмгөөллийн “Барристер Кастос” ХХН-тэй хамтран зохион байгуулах юм.

  Энэхүү сургалт семинар нь барилгын ажил эрхэлж, аль нэгэн байгууллагаар ажил гүйцэтгүүлэх, бартерын гэрээ хийх гээд барилгын салбарт ажил явуулахад бизнес эрхлэгчдэд өдөр тутам тулгарч байдаг зөрчил, хууль эрх зүйн асуудлуудыг хөндөн, тэдгээрийг хуулийн хүрээнд хэрхэн шийдэж болох талаар ойлголт өгөх зорилготой юм.

  Энэ чиглэлээр хууль эрх зүйн зөвлөгөө, тусламж авах шаардлага гардаг ч мэргэшсэн байгууллагуудтай тэр бүр холбогдож чаддаггүйгээс ажил олгогч болон ажил эрхлэгчид эд хөрөнгө, эрүүл мэндээрээ хохирох, цаг хугацаа алдах гээд олон асуудал тулгарч байдаг.

  Сургалт семинарт Барилга, Хот Байгуулалтын Яамны хуулийн эрх зүйн мэргэжилтнүүд төрөөс гаргаж буй шинэ хууль тогтоомж, дүрэм журмуудын талаар мэдээлэл өгч, Өмгөөллийн “Барристер Кастос” ХХН-ийн хуульчид нийтлэг тулгарч буй Ажил гүйцэтгэлийн гэрээ болон Бартерын гэрээний асуудлаар зөвлөгөө мэдээлэл өгч оролцоно.

  Цаг үедээ нийцсэн хууль эрх зүйн мэдээлэл хүлээн авахын зэрэгцээ өөрт тулгарч буй асуудлаар зөвлөгөө авахыг хүссэн хэн бүхнийг сургалтад урьж байна.

Хэзээ:  2017 оны 9-р сарын 21-ний 14 цаг 30 минутад
Хаана: Barilga.MN оффис, 304 тоот
Холбоо барих: 77113333, 99907814


 
Бүртгүүлэх бол  ==>>>    дарна уу


 
Эх сурвалж: Барилга.МН

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.