Дөрвөн жилийн өмнө анх яригдаж, төлөвлөгдсөн ЛЕГО барилга энэ сард нээлтээ хийхээр болжээ. Дани улсад “Bjarke Ingels Group” компанийн хэрэгжүүлж буй уг төсөл ихээхэн хүлээлт үүсгээд байсан бол тун удахгүй ашиглалтад орж, олон хүний эргэлзээг тайлах нээ.

  Хүүхдийн тоглоом мэтээр төсөөлж байсан эдгээр блокнуудыг амьдрал дээр жинхэнэ ЛЕГО байшин барих санааг хэрэгжүүлж буй анхны тохиолдол нь энэ юм. Нийт 21 блок, 12,077 м.кв талбай бүхий энэхүү барилга энэ сарын 28-ны Данийн Биллунд хотноо нээлтээ хийх аж.



  Тус ЛЕГО байшинг харуулсан дрон дүрс бичлэг өнгөрсөн зуны эхээр олон нийтэд цацагдсан билээ. Одоогоор тус барилгад туршилтын аялал хийж, компанийн ажилтнууд болон тэдний гэр бүлийнхнийг аялуулах юм байна.

  ‘Home of the Brick,’ хэмээн нэрлэж буй уг музей нь ЛЕГО блокнуудыг хэрхэн ашиглаж болохыг харуулсан үзэсгэлэн худалдааны танхимууд, гурван зоогийн газар, уулзалтын өрөөнүүд, дэлгүүр үйлчилгээ гээд 2,045 м.кв талбайг олон нийтийн хэсэгт зориулжээ. Эдгээр онцолбол 6.3 сая ЛЕГО тоосгоор хийгдсэн 15.24 метр өндөртэй, 20 тонн жинтэй “Tree of Creativity” гэх бүтээл юм.



  Жил тутам “Home of the Brick” байгууламжид 250,000 зочин айлчилна гэж төслийн зохион байгуулагчид үзэж байгаа аж. Олон нийтийн зарим хэсэгт явуулах арга хэмжээ нь үнэ төлбөргүй явагдах бөгөөд тэдгээрт хүссэн иргэдийг нь чөлөөтэй оролцуулах юм байна. Харин тасалбаруудыг дөрвөн өнгөний кодоор ялгаж, худалдаанд гаргах гэнэ. Давуу эрхтэй тасалбаруудыг зөвхөн LEGO House вэб сайтаараа худалдан аж.