Шинэ орон сууцны үнэ буурсан дүнтэй гарчээ

Шинэ орон сууцны үнэ буурсан дүнтэй гарчээ

  Монголбанк болон үл хөдлөх хөрөнгийн “Тэнхлэгч зууч” компаниас сар бүр хамтран гаргадаг Орон сууцны үнийн индексийн 7-р сарын мэдээллийг хүргэж байна.

  Өнгөрөгч сард орон сууцны үнийн индекс өмнөх сараас 0.7 хувиар, өмнөх оны мөн үеэс 1.2 хувиар тус тус буурчээ. Ийнхүү орон сууцны үнийн индекс буурахад тухайн сард зах зээлд нийлүүлэгдсэн шинэ болон хуучин орон сууцны үнэ хямдарсан нь нөлөөлжээ. Тухайлбал, БЗД-ийн 14-р хороонд байрлах Цагаан хуаран хотхонд 2016 оны 7-р сард орон сууцны нэг м.кв-ийн үнэ 1,672,659 төгрөг байсан бол энэ оны мөн сард 1,641,324 төгрөг болж, өмнөх оны мөн үеэс 1.9 хувиар буурсан байна.

  Шинэ орон сууцны үнийн тухайд 7-р сард 1 м.кв-ын дундаж үнэ нь 2,022,000 төгрөг болсон нь өмнөх сараас 0.71 хувиар, өнгөрсөн оны мөн үеэс 0.56 хувиар буурсан үзүүлэлт юм. Тухайлбал, Хан-Уул дүүрэгт шинэ байрны нэг м.кв-ын дундаж үнэ хамгийн өндөр, Сонгинохайрхан дүүрэгт хамгийн хямд байжээ.

  Түүнчлэн өнгөрөгч сард хуучин 2 өрөө байрны дундаж үнэ 72,698,000 төгрөг болсон нь өмнөх сарынхаас 0.5 хувь, өнгөрсөн оны мөн үеэс 6.16 хувиар тус тус буурчээ. Үүнээс хуучин байрны үнэ Сүхбаатар дүүрэгт хамгийн өндөр, Сонгинохайрхан дүүрэгт хамгийн хямд байжээ.



Эх сурвалж: Үл хөдлөх хөрөнгийн "Тэнхлэг Зууч" ХХК

Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Medee 29 өдрийн өмнө 36.38.86.174

    Ireh jil une ushuu buurhuu sudalgaa hij bnuu