Бохирын септик системийг суурилуулах тухай

Бохирын септик системийг суурилуулах тухай
      Хөрсний бохирдлыг шийдэх хамгийн үр дүнтэй арга нь айл өрх бүр нүхэн жорлонг зориулалтын стандартын зөв септик технологиор шийдвэрлэсэн бохирын системтэй болох юм.

Бохир усны септик систем нь бие даасан, боловсронгуй бохирын систем юм. Энэ систем 120 гаруй жилийн өмнө Францын нэгэн зохион бүтээгч санаачилсан бөгөөд анхны хэрэглэгчид нь Америкчууд байлаа. Халдваргүйжүүлэгч бохирын систем нь 1920 он гэхэд АНУ-д нийтлэг хэрэглээ болж, 1940-өөд оноос төвийн холболтгүй газарт баригдсан барилгын хөгжилд чухал нөлөө үзүүлж, улам боловсронгуй болсоор ирсэн ба эдүгээ тус улсад л гэхэд 40 сая ийм систем ашиглагдаж байгаа бөгөөд Канад, Австрали, Европын холбооны орнуудад өргөн хэрэглэж байна.

Системийн зорилго нь бохир хаягдлыг ялган задалж, ялгаран тунасан шингэн хэсгийг нь газрын хөрсөөр дамжуулан бүрэн цэвэршүүлэн шүүж, улмаар хөрсний усанд тэнцэх халдваргүйжуулсэн усыг гаргадаг. Иймд бохирын сав (танк) дотор бохирын хатуулаг лаг тунаж, үүнийг 3-4 жилдээ ганц соруулах тул септик систем нь хэрэглээний зардал бага, газрын үнэлгээгээ нэмэгдүүлэх урт хугацааны хөрөнгө оруулалт юм.


Энэ удаад танилцуулж буй септик системийн давуу тал:
  • Даац болон битүүмжлэл сайн,
  • Эдэлгээний хугацаа урт Монголдоо үйлдвэрлэсэн PVC хуванцар
  • Бохирыг халдваргүйжүүлж, шүүрүүлэх талбайгаар хөрс рүү саарал усыг шингээх технологи (Зөвхөн лаг, хатуулаг танканд тунаж үлдэх тул дундаж усны хэрэглээтэй өрх 3-4 жилд ганц соруулна)
  • Хөлдөлтийн төвшинөөс доор булдаг тул хөлдөхгүй
  • Агааржуулалтын хоолойтой (Үнэр гаргахгүй)
  • Танк сав дахь хяналтын худаг 
1тн-10тн хүртэл багтаамжтай PVC хуванцар сав үйлдвэрлэдэг бөгөөд суурилуулахдаа усны хэрэглээнээс шалтгаалан савны хэмжээг тогтооно. Дундаж хэрэглээтэй айлд 2 тонн септик танк тохиромжтой.



Ажлын үйл явц:
  • Экскаватороор газар ухах (4 метр гүн)
  • Шаардлагатай бол септик танк болон хоолойг дулаалах
  • Шүүрүүлэх талбай дээр хайрга дэвсэх
  • Септик сав, хоолой, шүүрүүлэх хоолой, хяналтын худаг, агааржуулалтын хоолой суурилуулах
  • Булах, газар тэгшлэх
 
Бохир цэвэршүүлэх үе шат:

1. Механик цэвэрлэгээ. Онолын хувьд, 24-48 цагийн дотор тунгаагч сав руу урсан орсон бохирын хүнд хэсэг нь тунгаагч савны ёроолд лаг давхарга болон тогтож, хөнгөн хөөс, тостой хэсэг нь хөөсөн давхарга болж, дээгүүрээ хөвдөг бөгөөд дээрх хоёр давхаргын дунд ялгаран тогтож, шүүгдсэн усан давхарга нь тунгаагч савны гарах хоолойгоор дамжин шүүлтүүрийн хэсэг рүү урсах ёстой. Үүнийг “механик цэвэрлэгээ” гэдэг. Үүгээр зогсохгүй бохир нь анаэробик бактерийн нөлөөгөөр хатуу хаягдал буюу хөөсөн болон лаг давхаргын 90 орчим хувь нь байнгын задралд орж нягтарч байдаг. Тунгаагч савны эзлэхүүн болон хэрэглэгчийн тооны харьцаанаас шалтгаалан тунгаагч савыг 3-5 жилд 1 удаа цэвэрлэх шаардлагатай.

2. Биологийн цэвэрлэгээ. Бохир ус, хаягдал нь шууд тунгаагч сав руу урсан ордог. Тунгаагч саван дахь агааргүй орчинд орсны дараа бохирын найрлага дахь хүчилтөрөгчийн процесс зогсож, бохир хаягдлын хэсгүүд хүчилтөрөгчгүй орчинд амьдарч чаддаг микро организмууд болж хувирдаг. Дээрх микро организмууд буюу анаэробик бактери нь гаднаас орж ирж байгаа бохир усан дахь бусад бактериудыг идэж устгаснаар “Биологийн цэвэрлэгээ” явагддаг.

3. Хөрсний цэвэрлэгээ. Шүүлтүүрийн хэсэг нь урсан ирсэн саарал усыг бүгдийг нь байнга соруулах давтамж үүсгэлгүйгээр газрын хөрсөнд аажмаар бүрэн цэвэршүүлэн тархаах үүрэгтэй. Тархаж буй ус нь газрын хөрсөнд шингэх явцад үлдсэн бохирдуулагч бодисууд нь хөрсний молекулуудын гадаргуу дээр наалдаж, хөдөлгөөнгүй үлдэж тогтдог ба тэдгээр хэсгүүдийн ихэнх нь микробын ялзрал болон шүүрүүлэх явцаар цэвэршдэг. Микробын ялзрах процесс явагдсанаар эцсийн буюу “хөрсний цэвэрлэгээ” хийгддэг юм.






Холбоо барих:
Баруун 4 зам, Рокмон бьюлдинг-605, Үндэсний хуулийн гудамж, Баянгол дүүрэг “Атмор” ХХК
Утас: 99104380, 88014380
 
Эх сурвалж: Барилга.мн сэтгүүл

Сэтгэгдэл (3)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 2017-08-01 14:48 122.201.23.66

    Манайх арай дэндүү хаданд гарсан үнэ хэлээд айл өрх зуслан болон гэр хороололд суурилууж чадахгүй байна ш дээ, тэгээд ойролцоо үнэ ч байхгүй заавал утсаар гэнэ
    Зочин 2017-08-01 15:33 202.70.41.114

    Тэр ч яг үнэн шүү үнээ бүүр монополдчихсон нитийн хэрэгцээнд таарсан үнэ гэж байхгүй тэд тэгээд л болоо авбал ав чадахгүй бол боль гэсэн сэтгэлгээтэй
    Зочин 2017-08-01 16:31 122.201.23.66

    Учир тоймгүй их ашиг олох гээд байлгүй, ард түмнийхээ амьдралыг ойлгоод өөрснийгөө ч хохироочихгүй үнээр суурилуулж өгч байвал байгаль эх дэлхийдээ мөн их буян болно доо та нарын үйл. Авбал ав, байвал бай гэхээр өөрснөө ч таг зогсоод, айл өрх ч авч байгаа юм байхгүй баахан л рекламдах юм, хичнээн рекламдаад яахав дээ хүмүүс үний нь дийлэхгүй байгаа юм чинь. Авах баян айл цөөхөн ш дээ. Хэдхэн хулгайчуудынх л биз. Манай гуанз, ресторанууд ч гэсэн махны үнэ буусан ч хоолны үнээ буулгахгүй, махны үнэ нэмэгдвэл хурдан нэмчихэж чадна, харин буулгахыг бол ёстой ярихгүй, ингэж байж яаж бизнес хийнэ дээ, тэгээд хүний төлөө сэтгэл юу ч байхгүй, юугаар ч хамаагүй хоол хийгээд хонины мах гээд л худлаа бичнэ.