Хөөсөнцөр хавтангийн угсралт

Хөөсөнцөр хавтангийн угсралт

     Хөөсөнцөр хавтан нь цахилгааны болон дулааны зардалыг бууруулж, дуу чимээнээс тусгаарлах, засвар үйлчилгээний зардлыг бууруулдаг гээд таны тав тухтай орчинг бүрдүүлэхэд ихээхэн үр ашигтай тусгаарлагч материал бөгөөд үүнийг манай улсад ч өргөнөөр ашигладаг билээ. Хөөсөнцөр хавтан нь дулааны эсэргүүцэл маш өндөр (5R). Энэ нь өвөлийн хүйтэн шөнө халаалтын зардлыг 50 хувь хүртэл хэмнэх ач холбогдолтой.

Хөөсөнцөр хавтанг сонгохдоо галд тэсвэртэй нягтрал сайтайг сонгоорой. Учир хөөсөнцөрийг 1м3-д хэдэн кг жинтэй байгаагаар нь нягтралын хэмжээг тогтоодог. Жишээ нь: 1м3-16кг аас эхлээд 1м3 38кг хүртэл жин дардаг байна. Мөн хөөсөнцөр хавтангийн зузааныг дурын хэмжээгээр зүсүүлэн авах боломжтой байдаг.

Хөөсөнцөр хавтанг суулгахын өмнө дараах зүйлсийг бэлдсэн байх шаардлагатай.  Үүнд:
  1. Бэлтгэл ажил
Дараах дурдсан зүйлсийн цоморлог зургийг оруулах/
  • Хөөсөнцөр хавтан
  • Цавуут зуурмаг/хар замаска/
  • Дюбель /Тэлэгчтэй шруп
  • Булангийн тор
  • Хөдөлмөрийн аюулгүй байдлын багаж хэрэгсэл
Багаж, хэрэгсэл:
  • Резинэн алх
  • Хавтан зүсэх хөрөө
  • Өрмийн машин
  • Өрмийн холигч
  • Тэгш ус
  • харандаа
  • Шат
  • Хувин
  • Булан гаргагч ниви
  • Шүдэт ниви
  • Ган ниви /татагч/
  • Цохилттой өрөм
  • Цохилттой өрөмний хошуу
  • Шавар зуурагч
  • Тэлэгчтэй шруп боох дриль
  • Өргөн багс, өнхрүүш
Дулаалгын ажлыг гүйцэтгэхдээ бэлтгэл ажил буюу дулаалах хана, бүтээцийн гадаргууг тэгшлэх нь хамгийн чухал. Хөөсөнцөр хавтанг суулгахаасаа өмнө ханын гадаргууг сайтар цэвэрлэх, шавар болон бусад зүйлсийг хусах ёстой. Мөн жигд бус гадаргууг зориулалтын  зуурмагаар тэгшлэх арга хэмжээг авна. 
 
          2. Цавуут зуурмаг түрхэх/Хар замаска/
 
Зуурмагийг үйлдвэрийн аргаар бэлтгэж, хуурай байдлаар савласан байдаг. Цавуут зуурмагийг сонгохдоо гадна, эсвэл дотор хэрэглэдэг зуурмаг эсэхийг анхаараарай. Гадна талд хэрэглэдэг зуурмаг нь гадна агаартай шууд харьцдаг учраас температурын болон чийгийн нөлөөлөлд илүү тэсвэртэй бөгөөд дотор хэрэглэдэг зуурмагийг бодвол илүү үнэтэй.

Энэ үед та ниви, болон багаж, хэрэгслүүдээ ашиглан цавуут зуурмагаа 1-2.5 см түрхэнэ. Наах явцад үүссэн хавтангийн ирмэг хэсгийн зай завсраар хүйтэн агаарын урсгал үе үүсч цанталт, хөлрөлт үүсэх тул сайтар шалгаарай.

               3. Хөөсөнцөр хавтанг суулгах буюу хананд бэхлэх       
     

Хавтан суулгах бүрт үр ашиггүй материал зарахгүйн үүднээс ажлын явцад байнга тэгш ус ашиглах хэрэгтэй. Угсрахдаа ам дарах хэлбэрээр угсарна. Гадна өнцөг ба дотор буланд хавтангуудыг наахдаа ам дарж наах нь илүү тогтвортой бөгөөд борооны ус нэвтрэхгүй байх нөхцөлийг хангадаг.


             4. Булан ба цонх хаалганы ирмэгт хамгаалалт наах
 
Хөөсөнцрийг бэхэлсний дараа хаалга, цонхны эргэн тойрон болон барилгын хурц ирмэгтэй хэсгүүдэд зориулалтын хуванцар, металлтай булангийн тор хийнэ. Ингэхдээ ирмэгийн тор наах хэмжээг авч бэлтгэнэ. Дотор булангийн торыг хийсний дараа цонхны булангийн хэсгийг нэлэнхийд нь цавуудна. Дараа нь торыг шавартаа сайтар суулгах маягаар дулаалгын хавтандаа хүргэхгүй байршуулна.

Хавтанг суулгаж байх явцад 5мм-ээс бага зай гарвал завсраар нь өргөн хэрэглээний дулаалгын шахмал нөхөж болно. Харин том хэмжээтэй завсрыг өөрөөр нь нөхөх замаар хийж гүйцэтгэнэ.

 
          5. Бэхлэгч тэлэгчтэй шрупээр бэхлэх
 
Бэхлэгч шрупны урт нь ханадаа 5-10см орж байх нь зохимжтой ба шруп  хоорондын хэмжээ 40см, дулаалгын захаас 10см байна.

         6. Тор наах
 
Тор наах цавууг жигд түрхсэнээр гадаргууг тэгшлэх хавтангуудыг хооронд нь холбох нь ус чийгээс хамгаалах, дараагийн үеийг тогтоох бэлтгэл ажил болдог. Булангийн торыг наасантай ижил зуурмагандаа сайн суулгах замаар хавтандаа хүргэхгүйгээр тогтооно. Ингэхдээ гадны механик үйлчлэлээр тор хуурч унахаас сэргийлж, 10см-ээс багагүйгээр зөрүүлж наана.  


             7. Дулаалгын гадна өнгөлгөө хийх
 
Тор нааж, цавууг хатсаны дараа хөрсжүүлэгч хийнэ. Эцэст нь та өөрийн хүссэн өнгөөр будах буюу шавардахад бэлэн болно. 



       Дээрх бүх ажил дарааллын дагуу хийгдсэний дараа хана дараах бүтэцтэй болсон байна.

Холбоотой мэдээ