REAL ESTATE ФОРУМ-2017 болж өндөрлөлөө

REAL ESTATE ФОРУМ-2017 болж өндөрлөлөө
    REAL ESTATE ФОРУМ-2017 арга хэмжээг МҮХАҮТ, МҮХХЗНХ, "Тэнхлэг зууч" ХХК, Ард санхүүгийн нэгдэл хамтран зохион байгууллаа. "Тэнхлэг Зууч" компанийн Гүйцэтгэх захирал Д.Должинсүрэн, "Контент маркетинг" компанийн захирал Д.Гэрэлт-Од, Ард санхүүгийн нэгдэл-Ард менежмент ХХК-ийн Гүйцэтгэх захирал Б.Золбоо нар илтгэл тавьж, хэлэлцүүлэг хийсэн юм.
 

"Тэнхлэг Зууч" компанийн Гүйцэтгэх захирал Д.Должинсүрэн Монгол Улсын барилгын салбарын өнөөгийн зогсонг, удааширсан байдлыг судалгааны үндсэн дээр танилцуулж, үүний гол шалтгааныг дийлэнх төслүүд зах зээлийн эрэлт хэрэгцээг тодорхойлоогүй, судалгаан дээр үндэслээгүй хийдэгтэй холбон тайлбарлаж байлаа. Мөн бусад салбарт тулгамдаж буй олон чухал асуудлыг хөндөж, түүнийг гарах арга замын тухай өгүүлсэн юм. Тухайлбал,

  • Монгол Улсад үл хөдлөх хөрөнгөө бүртгүүлэх, татвар төлөхгүй тохиолдлууд түгээмэл байна, 
  • Үл хөдлөх хөрөнгийн үнэлгээний нэгдсэн тогтолцоо байхгүйгээс бизнес эрхлэгчид, банк зэрэг субъектүүд өөрсдийн дураар үнэлгээ тогтоож буй асуудал
  • Үл хөдлөх хөрөнгө нь өөрөө урт хугацаатай зээл, түүгээр баталгаажсан үнэт цаасны барьцаа хөрөнгө гэдэг утгаараа зах зээлийн үнэ цэнээ урт хугацаанд алдахгүй байхад анхаарч мэргэжлийн байгууллага ажиллах
  • Үл хөдлөх хөрөнгийн албадан дуудлага худалдааг зохион байгуулахад холбогдох мэргэжлийн байгууллагын оролцоог нэмэгдүүлэх, хяналттай болгох асуудлыг судлан шийдвэрлэх,
  • Энэ төрлийн зах зээлийг хөгжүүлэхэд төрийн байгууллагын оролцоо эрх, үүргийн тодорхойгүй байдал зэрэг нь салбарын хөгжилд тушаа болж байгааг дурдлаа.




    Түүнчлэн орон сууцны зах зээлийн сүүлийн үеийн судалгааг танилцуулав. Тодруулбал, Улаанбаатар хотын хэмжээнд 2017 оны 5-р сарын байдлаар 389 төслийн 82,698 айлын орон сууцны төсөл хэрэгжиж байгаагаас 49 хувь нь буюу 263 төслийн 40 мянга гаруй айлын орон сууцанд захиалга авч байгаа аж. Эдгээр захиалга авч байгаа орон сууцны захиалагчийн 9 хувь нь иргэн, 91 хувь ААН байгаа бол 2017 онд нийт 11 мянга гаруй орон сууц ашиглалтад орох юм. Тэдгээрийн дийлэнх нь дундаж стандартын орон сууц байна. Харин барилгын ажил нь түр зогссон 50 төсөл байгаа ба үүнээс ХУД-т хамгийн олон буюу 17 төсөл байна гэжээ.

Орон сууцны дундаж үнэ 2,016,000 мянган төгрөг байна. Нэг зээлдэгчид ногдож буй зээлийн дундаж хэмжээ 59,4 сая төгрөг.

Орон сууцны үнийн индекс энэ оны 5 сард суурь үе буюу 2013 оны 1 сараас 1,44 хувийн бууралттай гарлаа. Өнөөдрийн ханшаар орон сууцны дундаж үнэ 2,016,000 мянган төгрөг байна

Ипотекийн зээлийн тухайд сүүлийн 12 сарын байдлаар 861,6 тэрбум төгрөг олгосноос 78,2 хувь нь ОСИСТТБХөтөлбөрийн зээлээр, 21,8 хувь нь Арилжааны банкнуудын өөрийн эх үүсвэрээр олгосон зээл эзэлжээ. Нэг зээлдэгчид ногдож буй зээлийн дундаж хэмжээ 59,4 сая төгрөг.


Холбоотой мэдээ