Гацаанд орсон ГХДТөлөвлөлтийн дэд бүтцэд 70 сая доллар зарцуулна
Өнгөрсөн хавар Монгол Улсын Засгийн газар БНХАУ-д албан ёсны айлчлал хийх үеэр тус улсаас хоёр тэрбум юанийн буцалтгүй тусламж авахаар болсон. Энэ мөнгийг бүхэлд нь барилгын салбарынханд тодруулбал, агаарын бохирдлыг бууруулах зорилгоор гэр хорооллын дахин төлөвлөлтөд зарцуулахаар болжээ. Энэ тухай өнөөдөр БХБЯ дээр болсон хэвлэлийн хурал дээр ярилаа.
Хуралд БХБ-ын Сайд Г.Мөнхбаяр болон холбогдох албаныхан, Нийслэлийн Засаг дарга бөгөөд Улаанбаатар хотын Захирагч С.Батболд, түүний орлогч дарга П.Баярхүү тэргүүтэй, барилгын гүйцэтгэгч компанийн төлөөллүүд оролцов.
Энэхүү санхүүжилтийг эхний ээлжинд гэр хорооллын дахин төлөвлөлтийн гацаанд орсон дэд бүтцийн ажилд 70 сая доллар зарцуулах гэнэ. Түүнчлэн сeрвис цeнтр байгуулах, жижиг м.кв-тай амины орон сууц барих ажлыг дэмжиж, орон сууцны борлуулалтыг дэмжсэн бодлого явуулахаар төлөвлөж байгаа аж.
Хуралд БХБ-ын Сайд Г.Мөнхбаяр болон холбогдох албаныхан, Нийслэлийн Засаг дарга бөгөөд Улаанбаатар хотын Захирагч С.Батболд, түүний орлогч дарга П.Баярхүү тэргүүтэй, барилгын гүйцэтгэгч компанийн төлөөллүүд оролцов.
Энэхүү санхүүжилтийг эхний ээлжинд гэр хорооллын дахин төлөвлөлтийн гацаанд орсон дэд бүтцийн ажилд 70 сая доллар зарцуулах гэнэ. Түүнчлэн сeрвис цeнтр байгуулах, жижиг м.кв-тай амины орон сууц барих ажлыг дэмжиж, орон сууцны борлуулалтыг дэмжсэн бодлого явуулахаар төлөвлөж байгаа аж.
Амины орон сууцны төслийг Азийн хөгжлийн банктай хамтран “Орлогод нийцсэн орон сууцны хөтөлбөр” нэртэйгээр хэрэгжүүлэхээр эцэслэн тохирсон
Ипотекийн зээлийн тухайд энэ жил 600 тэрбум төгрөгийг төсөвлөөд байсан ч төсөв хэлэлцэх явцад 300 тэрбум төгрөгийг зарцуулахаар болжээ. Энэ тухайд БХБ-ын Сайд, “Өнөөгийн орон сууцны эрэлт, нийлүүлэлтийн байдлыг харахад жилд нэг удаа наяд төгрөгийн ипотекийн зээлийн зардал шаардлага байгаа ч эдийн засаг, төсвийн байдлаас хамаарч 300 тэрбум төгрөгийг найман хувийн зээлд зориулахаар боллоо. Цаашид энэхүү санхүүгийн эх үүсвэрийг нэмэгдүүлэхэд анхаарч ажиллана” хэмээн онцлов.
Энэ өдөр онцлох бас нэгэн сэдэв нь иргэд өөрсдийн эзэмшлийн газартаа амины орон сууц барих тохиолдолд найман хувийн зээлд хамруулахаар төлөвлөж байгаа тухай яригдсан. Амины орон сууцны төслийг Азийн хөгжлийн банктай хамтран “Орлогод нийцсэн орон сууцны хөтөлбөр” нэртэйгээр хэрэгжүүлэхээр эцэслэн тохирсон гэлээ. Улаанбаатар хотын тухайд дахин төлөвлөлтөд хамруулсан байршлыг жижиглэж, 76 хэсэг болгон, тэдгээр төсөл дээр ажиллах компаниудыг хуваарилж, ойрын хугацаанд бүтээн байгуулалтын ажлыг эхлүүлнэ хэмээн Нийслэлийн засаг дарга С.Батболд хэлсэн.
Уулзалтын төгсгөлд дахин төлөвлөлтийн хүрээнд ажил авсан аж ахуйн нэгжүүд өөрсдөд тулгараад буй асуудлыг өгүүлж, албаныхнаас тохирох хариултаа авав.
