Цемент худалдан авахдаа анхаарах зүйлс

Цемент худалдан авахдаа анхаарах зүйлс

   Барилгын хамгийн чухал бүрэлдхүүн хэсэг бол цемент бөгөөд энэ нь барилгын элементүүдийг барьцалдуулагч зуурмагийн түүхий эд юм. Түүх сөхвөл, Эртний Ромчууд шохойг шатааж, буталсан чулуутай холих аргаар энгийн цементийг бүтээж, анхны бетонд хэрэглэж эхэлжээ.

   Түүнээс хойш XIX зууны эхэн үед Британид цементийг ашиглах болж, Портландын чулуу гэх нэршлээрээ олонд танигдсан байна. Цемент нь устай урвалд орж хатуурч бэхжин бусад материалуудыг хооронд нь холбож, нэг цул биет болгоно.
 
   Цементийг хурааж хадгалахдаа газраас 45см-ээс дээш өндөрт хийсэн шалтай, ус чийг нэвтрэхээргүй битүү агуулахад хадгална. Хэрэв цемент нь цаасан болон нийлэг савлагаатай бол 2 метрээс өндөргүй давхарлан хураах шаардлагатай. Мөн цементийг нунтаг байдлаар нь хадгалах тохиолдолд 1м2 гадаргууд 1,3-1,5 тн байхаар тооцоолж, овоолж хадгална.


 
   Цементийг үйлдвэрлэснээс хойш 60 хоногийн дотор хэрэглэхээр тооцож хадгална. Хэрэв энэ хугацаанаас хэтэрвэл цементийн идэвхжил буурч, чанарт нь өөрчлөлт ордог.
 
   Манай улс 2008 онд баталсан “MNS 974:2008” стандартаас хойш цементийн маркийн нэр томъёонд өөрчлөлт орсон гэдгийг дашрамд дуулгая. Энэ марк нь латин үсгүүд болон цифрээс бүрдэнэ.
 
Та цемент худалдаж авахдаа ОРС 42.5 гэсэн тэмдэглэгээг ойлгодог уу?

Тэгвэл энэ нь:
  • PC- Портландцемент
  • OPC- Эрдэс идэвхт нэмэлттэй портландцемент
  • PSC- Шаарган нэмэлттэй портландцемент
  • PPC- Пуццолан портландцемент
  • CPC- Холимог нэмэлттэй портландцемент


 
42,5 - Бат бэхийн ангилал 42,5МПа (400кг/см2) гэсэн утгыг илэрхийлнэ.

Жишээлбэл:
  • PC 42.5 - Барилгын өргөн хэрэглээний зориулалттай бетон, төмөр бетон хийц эдлэхүүн, угсармал хийц хэсгүүд, гүүр далангийн барилга, цутгамал хийц, зам барилга г.м-д ашиглана.
  • PC 52.5 - Өндөр даралт тэсвэрлэх, угсармал хийц урьдчилан хүчитгэсэн конструкц төмөр замын бетон дэр, өндөр хүчдэлийн шон, төмөр бетон цутгамал байгууламж г.м-д ашиглана.
  • OPC - Бүх төрлийн зам барилга, засварын ажилд ашиглана.
 
Дэлгэрэнгүй мэдээллийг ЭНД дарж лавлана уу.
Эх сурвалж: www.barilgachin.mn

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.