​Усан сангаа өөрсдөө хийцгээе

​Усан сангаа өөрсдөө хийцгээе
    Гэр бүлээрээ цагийг зугаатай өнгөрүүлэх, хашаандаа өнгө үзэмж нэмэх тохижилтын гол чимэг болсон усан сангаа өөрсдөө хийцгээе. Мэдээж энэ төрлийн байгууламжийг өөрсдөө хийнэ гэдэг амаргүй ажил. Гэхдээ заавал мэргэжлийн хүнээр бариулах албагүй шүү дээ. Иймд амины орон сууцны гадна талбайд хийхэд тохиромжтой, энгийн бөгөөд хялбар усан сангийн жишээг танилцуулъя.

    Зурагт үзүүлж буй усан санг 15*20 м хэмжээтэй, 1,5-3 метр гүн хийхэд дунджаар 20 орчим сая төгрөгийн зардал гарах болно.  

Алхам 1.
Хөрсний судалгаа. Ус нь өөрөө хүнд төлөв учраас буурь хөрсөө судалж, дараа нь суурийн ажлаа эхлэх нь зүйтэй. Хөрс хэт шаварлаг зөөлөн тохиолдолд буурийг хиймлээр үүсгэх хэрэгтэй гэдгийг санаарай.



Алхам 2.
Газар ухах. Хэмжээ, суурийн гүнийг тэмдэглэн, сууриа ухаж бэлэн болгоно. Танд шаардлагатай барилгын тоног төхөөрөмж байхгүй тохиолбол түрээсээр авах боломжтойг санаарай. 



Алхам 3.
Суурийг бат бөх болгохын тулд сайтар нягтаршуулж, хайргаар буурийг тэгшилнэ.



Алхам 4.
Бүхэлд нь 12-14мм-ийн диаметртэй сеткэн тор хийнэ. Ингэхдээ хананд бетон цутгах өндрийн хэмжээг тэмдэглээрэй. 



Алхам 5.
Ус сэлгэх сантехникийн шугам хоолойг байршуулна. Зориулалтын ус шахах насос худалдан аваарай.
Алхам 6.
Гэрэлтүүлгийн утас татна. Зурагт үзүүлсэн дөрвөн ширхэг ногоон хоолой нь цахилгааны /гэрлийн/ утсыг ус, чийг гэх мэт гадны нөлөөллөөс хамгаалах үүрэгтэй. Энэ алхмыг хийхдээ мэргэжлийн хүнээс заавал зөвлөгөө аваарай.



Алхам 7.
Сууриндаа бетон цутгаж, ханыг тоосгоор бүрнэ. Эсвэл бүхэлд нь дан бетон цутгасан ч болно.



Алхам 8.
Тоосгоны гадна талаар ус чийг үл нэвтрүүлэгч гялгар тор эсвэл тосон түрхлэг хийнэ. Үүний дараа плитагаар өнгөлнө.
Алхам 9.
Бассейнынхаа амсрыг чулуу, плита, сеткэн төмрийн аль алинаар нь хийж болно. 



Алхам 10.
Ингээд бэлэн болсон бассейнаа усаар дүүргэснээр бэлэн боллоо. Танд амжилт хүсье.

 
Бэлтгэсэн: С.Баярмаа

Холбоотой мэдээ