"Barilga Expo 2017"-ийн онцлох бүтээгдэхүүнээс

    “Barilga Expo 2017 олон улсын үзэсгэлэн яармаг Барилгын материал, дэвшилтэт технологийн чиглэлээр өнөөдөр хоёрдох өдрөө үргэлжилж байна.  Үзэсгэлэнд 80 гаруй компанийн 1000 гаруй төрлийн бараа материал танилцуулагдаж байгаа бөгөөд зарим бараа бүтээгдэхүүн, оролцогч компаниудаас онцолбол:

   “Пирамид Индастри” ХХК-ийн чулуут өнгөлгөөний материалыг танилцуулъя.
Тус компани нь Солонгосын барилгын материалын тэргүүлэгч үйлдвэр болох “Daebo Housing” компанийн албан ёсны патентын эрхтэйгээр, тус компанийн төхөөрөмжөөр тоноглогдсон Монголын анхны чулуут өнгөлгөөний материалын үйлдвэрийг ашиглалтад оруулан зах зээлд бүтээгдэхүүнээ нийлүүлж байгаа юм.  Энэ төрлийн материал нь хөлдөхгүй, мөөгөнцөр хөгцрөлд тэсвэртэй, хүссэн өнгөөр захиалах боломжтой гээд олон давуу талтай.

    “T and G” дээврийн материалын төв. Эднийхээс төрөл бүрйн хүссэн загвар хийцийнхээ дагуу дээврийн материалаа захиалах боломжтой.

    Дараагийн онцлох бүтээгдэхүүнд ханын залгуур, унтраалга орж байна. Эрчим хүчний маш жижиг, энгийн хэрэглэл мэт боловч өндөр ач холбогдол өгч, зөв сонголт хийхгүй бол галын эрсдэл гарах хамгийн өндөр магадлал хэсгүүд юм. Иймд үзэсгэлэнд хүрэлцэн ирснээр загварын төгс шийдэл бүхий найдвартай, удаан эдэлгээтэй бүтээгдэхүүнүүдээс сонголтоо хийгээрэй.

    “Вагнер Ази” группээс зам, барилга, уул уурхай, аж үйлдвэр, бетон зуурмаг, агуулах, хот тохижилтын ажил гээд төрөл бүрийн ажилд шаардагдах тоног төхөөрөмжийг түрээсэлж мөн худалдаалж байна.

    Монголын зах зээлд угсардаг дрож, хивсэнцэрийн хэрэглээ өсөн нэмэгдэж байгаа билээ. Хивс, ноосон эдлэл тоос хуримтлуулдаг, хүний эрүүл мэндэд сөрөг нөлөөтэй гэсэн ойлголтыг үгүй хийж буй тус угсардаг хивс хивсэнцэр нь эсрэгээрээ хүний эрүүл мэндэд маш сайн, тоосыг нь соруулахад тоосоо хурдан өгдөг, өөртөө шингээдэггүй илүү дэвшилтэт болжээ. Энэ төрлийн бүтээгдэхүүнийг “Renove ABBS Mongolia” худалдаалж байна.

    Эдгээр болон бусад сантехникийн хэрэгсэл, хөөсөнцөр, сендвичин хавтан, хаус, блок, цонх, хаалга, шилэн пассад, төрөл бүрийн шал, шаллагааны материал, тагтны хаалт, ажлын хувцас, хэрэглэл, халаагуурын шийдлүүд гээд 1000 гаруй бараа, материал танилцуулагдаж байгаа дахин дуулгая.

Амралтын эдгээр өдрүүдэд та Мишээл экспод болж буй “Barilga Expo 2017” ОУ-ын үзэсгэлэн яармагаар ороод гараарай. Үзэсгэлэн маргааш буюу 2017.05.07-ны өдөр дуусах тул та яараарай.




Эх сурвалж: барилга.мн

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.