Орон сууц, барилгын материалын “BARILGA EXPO 2017” үзэсгэлэн нээлтээ хийлээ

Орон сууц, барилгын материалын “BARILGA EXPO 2017” үзэсгэлэн нээлтээ хийлээ
             Бүтээн байгуулалтын нөр их цэцэглэх энэ цаг хугацаанд уламжлал болсон “BARILGA EXPO 2017” Олон улсын үзэсгэлэн яармагийн “Орон сууц, ногоон барилга”-ын үзэсгэлэн өнөөдөр нээлтээ хийж байна.

       Энэ удаагийн үзэсгэлэн нь "Барилга, нийтийн аж ахуйн удирдах ажилтны зөвлөгөөн 2017"-н хүрээнд зохион байгуулагдаж байгаагаараа онцлог бөгөөд нээлтэд Барилга, Хот Байгуулалтын Яамны Хөрөнгө Оруулалт, Үйлдвэрлэлийн Хэлтсийн Дарга С.Эрдэнэбаатар, ХБГХБГ-ын дарга Б.Гүнбол НХОГ-ын дарга Ц.Ариунбаяр, орлогч дарга Ш.Алтангэрэл, А.Хаянхярваа, МҮХАҮТ-ын Ерөнхийлөгч Б.Лхагважав, МБҮА-ийн гүйцэтгэх захирал Л.Хулан, "Барилга Экспо 2017" ОУ-ын үзэсгэлэн яармагийн зохион байгуулах хорооны дарга Г.Батсүх нар оролцож, баярын туузыг хайчилсан юм.



       Энэ өдөр нийслэл хотынхоо өнгө үзэмжид чимэг нэмж бүтээн байгуулалтыг өрнүүлж буй шинэ орон сууцны 40 гаруй төсөл, бартерийн хямд байр,  банк, үл хөдлөх хөрөнгийн газар зэрэг байгууллагууд оролцож, ипотекийн зөвлөгөө, байгууллагуудын хувь зээл гэх мэт өргөн цар хүрээтэй мэдээллийг танилцуулж, иргэдэд үйлчилж байна.

   "Барилга Экспо 2017” үзэсгэлэн яармагийн Ерөнхий зохион байгуулагчаар Барилга.МН, Ерөнхий ивээн тэтгэгчээр Барилгачин групп, хамтран зохион байгуулагчаар БХБЯам, Нийслэлийн Засаг Даргын Тамгын Газар, Монголын Барилгын Үндэсний Ассоциаци зэрэг байгууллагууд дэмжиж ажиллаж байна.
 
“BARILGA EXPO 2017” Олон улсын үзэсгэлэн яармагт иргэд та бүхнийг хүрэлцэн ирэхийг урьж байна.

 

Холбоотой мэдээ