Иргэдийн тав тухтай амьдрал, гэр бүлийн амин чухал хэрэгцээ болсон барилга, орон сууцны хэрэгцээ өсөн нэмэгдэж байгаа өнөө үед олон нийтийг мэргэжлийн зөвлөгөө, хэрэгцээг нь хангахуйц шинэлэг бөгөөд үнэн бодит мэдээ мэдээллээр тогтмол хангах зорилгоор "Барилга.МН" сэтгүүлийг 2010 оны 3 сараас эхлэн бэлтгэн хүргэж эхэлсэн бөгөөд өдгөө байнгын уншигчид, хамтран ажилладаг байгууллага, хэвлэлтийнхээ тоогоор салбартаа тэргүүлж байна.
  Уншигчид маань даацтай, жинтэй, хамгийн шинэлэг мэдээлэл авахын зэрэгцээ ахуйн зөвлөгөө, хэн бүхэн уншихуйц сонирхолтой шинжлэх ухааны ололт, бүтээл, хүний хөдөлмөрийг хөнгөвчилсөн дэвшилтэт технологи, барилгын шинэ соргог материал гээд цаг үеэ дагасан олон сонирхолтой мэдээлэл болон салбарт тулгамдаж буй асуудал хөндсөн нийтлэл зэргийг бүгдийг нэг дор багтаан таны ширээний сэтгүүл болгон хүргэж ирсэн.
  Түүнчлэн амины орон сууцыг чанартай барьж гүйцэтгэхэд шаардлагатай сууриа ухах, цутгах, угсралтын ажлыг хийх, дулаалгыг хэрхэн шийдэх, халаалт агааржуулалт, эрчим хүч, цэвэр бохирын асуудлаа цогцоор нь боломжийн өртөг зардалтайгаар шийдэж болох тухай гээд бүх талаас нь зөвлөмж болгож байгааг уншаарай.
  Мэдээж байр авах гэж буй уншигчиддаа шинэ орон сууц худалдан авахад анхаарах ёстой зүйлс, үл хөдлөх хөрөнгөө хэрхэн борлуулах тухай, үнэ ханшийн бодит мэдээлэл, мэргэжлийн хүний зөвлөгөөг зориулж байна.
 

Манай сэтгүүлтэй хамтран ажиллахыг хүссэн хэн бүхэнд редакцийн үүд хаалга үргэлж нээлттэй байх болно.