Гэр хорооллын “дүнсгэр” байшингаа “Тав тух”-аар солих нь

Гэр хорооллын “дүнсгэр” байшингаа “Тав тух”-аар солих нь
      Монгол Улсын 3 сая хүн амаас 1.4 сая нь Улаанбаатар хотод амьдардаг, үүний 204,0 мянган өрх гэр хороололд оршин сууж байна. Тэдгээрийн галлагаанаас үүссэн хүхэрлэг хий, тоосонцор нь нийслэлийн агаарын бохирдлын 60 хувийг дангаар эзэлж байна. Харин “Эм Ай Эйч” Групп болон ”Юу Си Ди” компани уг асуудлыг цогцоор нь харж олон талт түншлэлд тулгуурлан, зөв шийдэл гарцыг олох зорилготойгоор 2014 оноос “Зохицол” төслийг санаачлан хэрэгжүүлж эхэлжээ.

Тодруулбал, гэр хорооллын хашаа байшин бүхий өрхийн газар дээр өөрчлөлт хийн хөгжүүлж, инженерийн дэд бүтцийг иж бүрэн шийдсэн амины орон сууцнууд болгон барих, дулаалах болон уг үйл ажиллагааг санхүүжүүлэх загварыг тодорхойлон, тогтвортой хөгжих бизнесийг бий болгох зорилготой.

         
       Төслийн эхний шат амжилттай хэрэгжиж, Баянзүрх дүүргийн 21-р хороо (Дарь-Эх), Сэлбийн 25-р гудамж, 593 тоот хашаанд туршигдсан 40 гаруй төрлийн технологид суурилсан 5 айлын АОС-ыг автомашины 4 гражтай, инженерийн дэд бүтцийг бүрэн шийдсэн бичил хотхон барьжээ. Газрын хэмжээ 700м.кв бөгөөд 6х7 харьцаатай хуучин шпалан байшин байсан аж. Мөн барилгын нийт материалын 70-с илүү хувийг дотоодын барилгын материал үйлдвэрлэгчдээс худалдан авснаараа онцлогтой.  Эдгээр байшинг барих зардал 23-70 сая орчим төгрөг болжээ. Одоогоор худалдан борлуулах үнийг тодорхойлоогүй гэнэ.

        Загвар хотхоны тухай



      Энэхүү 5 айлын сууцнаас 2 нь үйлчилгээ эрхлэх боломжтой (дэлгүүр, нийтийн байр) буюу байшинг худалдан авах айл өрхүүд нь өөрийн орлогын түвшинг нэмэгдүүлэх боломжийг олгож байгаа аж.




Тасалгааны дулаан алдалтыг хэмжих туршилтын явцад агаарын температурын хэмжилтийг 2016 оны 1-р сараас 3-р сар болон 2017 оны 11-р сараас өнөөдрийг хүртэлх хугацаанд хийж байна. Ингэхдээ зөвхөн шөнийн цагаар халаалт өгсөн ба өдрийн цагаар халаагаагүй. 

      Дээрх судалгаанаас байшингийн тасалгааны агаарын температур нь халаалтгүй үед 4 цаг тутамд 2 хэмээр буурч байгааг харж болно. Энэ нь байшин сийгэлт багатай, дулаан алдагдал бага байгааг харуулж байна.

Туршилтаар байшингийн хана болон таазаар дулааны алдагдал бага гарсан. Халаалтад зарцуулах эрчим хүчний хэрэглээний судалгааг өвлийн улиралд 22 хоногийн хугацаатай хийсэн.

Төслийн 1-5 хувилбар загвар байшингуудын халаалтын зардал нь ижил талбайтай байшинг нүүрс, модоор халаах зардлаас 36-66 хувиар бага байна. 
 

Үргэлжлэлийг Барилга.МН сэтгүүлийн
гуравдугаар сарын дугаараас....

Холбоотой мэдээ