Өнөөдөр БХБЯ, МБҮА-ийн хамтарсан “Барилгын салбарын өнөөгийн байдал, барилгын материал үйлдвэрлэлд тулгамдаж буй асуудал” сэдэвт хэлэлцүүлэг болж өндөрлөв. Хэлэлцүүлэгт БХБ-ын Сайд Г.Мөнхбаяр, орлогч сайд Ш.Лхамсүрэн, тус яамны газрын дарга Д.Занабазар, МБҮА-ийн Ерөнхийлөгч болон салбарын аж ахуйн нэгжүүдийн удирдах албан тушаалтан, төлөөллүүд оролцлоо.

Хэлэлцүүлгээр салбарын цаг үеийн асуудлыг танилцуулахаас гадна голчлон гэр хорооллын дахин төлөвлөлт түүний санхүүжилт, шинэ цэвэрлэх байгууламж барих, барилгын материал үйлдвэрлэлийг хэрхэн дэмжиж байгаагаа болон ипотекийн зээлийн санхүүжилтийн тодорхой хувийг гаднаас авах болсон тухай ярьсан юм.


       
        МУЗГ-ын 2016-2020 оны үйл ажиллагааны хөтөлбөр, Эдийн засгийг сэргээх хөтөлбөрт нэгэн чухал заалт тэмдэглэгдсэн нь:

“Барилга байгууламжийн өөрийн өртгийг бууруулах, барилгын үйлдвэрлэлийн хугацааг сайжруулахад чиглэсэн барилгын материалыг хөгжүүлэх бодлого боловсруулж  хэрэгжүүлэх” тухай заасан байв. Энэхүү зорилтын хүрээнд гол нэрийн 4 материалын үйлдвэрийн төслийг дэмжиж, импортыг орлох бүтээгдэхүүн үйлдвэрлэнэ хэмээн Сайд ярилаа. Үүнд,

      БХБ-ын сайдын хувьд, гэр хорооллын дахин төлөвлөлтийн төсөл хэрэгжүүлэгчдийн одоо ажиллаж байгаа том талбайг хувааж, олон тооны компани зэрэг ажиллах боломжоор хангах, улсын болон нийслэлийн хөрөнгө оруулалт, гадны зээл тусламжаас дэд бүтцэд ихээхэн хэмжээний хөрөнгө оруулалт хийх... гэхчлэн төлөвлөж байгаа ажлуудаасаа танилцууллаа.

Мөн гэр хорооллын дахин төлөвлөлтөд хамрагдсан айл өрхүүдийг түр суурьшуулах 1000 орчим айлын орон сууцыг хотын зах хэсгүүдэд барихаар төлөвлөж байгаа тухай ярьсан.

Санхүүгийн хүндрэлийн улмаас орон сууцны төсөл нь зогссон төсөл хэрэгжүүлэгчид БХБЯаманд хандаж, Засгийн Газарт уламжилж, тогтоол гаргуулж болно. Ингэсэн тохиолдолд “Манай төсөл Засгийн Газрын тогтоолоор батлагдсан. Та бүхэн дэмжиж хөрөнгө оруулж өгнө үү” гэсэн хүсэлт гаргахад хөрөнгө оруулалт шийдэгдэх сайн талтай гэж сайд илтгэлдээ дурдаж байлаа.        

Түүнчлэн чөлөөт бүсүүдийн үйл ажиллагааг эрчимжүүлэх, гадаад, дотоодын хөрөнгө оруулалтыг дэмжиж ажиллах гэсэн заалтын дагуу барилгын материалын бөөний худалдааны сүлжээг Алтанбулаг, Замын-Үүд, Хөшигийн хөндийн чөлөөт бүсэд байгуулахаар төлөвлөж байгаа аж.


       
       Төсвийн тухай хуульд нэмэлт өөрчлөлт оруулах тухай саналд Ипотекийн зээлд 111,0 тэрбум төгрөгийг зарцуулахаар тусгажээ. Уг санхүүжилт ирэх 4-р сараас эхэлж санхүүжүүлэхээр тооцож байна. Энэ тооцоогоор 2017 онд:

Барилгын материалын үйлдвэрийн 60 гаруй хувь нь Улаанбаатарт байршилтай байдаг бөгөөд зүүн бусэд энэ төрлийн үйлдвэрлэл хөгжиж чадаагүй. Нарийвчлан авч үзвэл улсын хэмжээнд 700 гаруй үйлдвэр үйл ажиллагаа явуулж байгаагаас дийлэнх нь буюу 300 нь цонх, хаалганы үйлдвэр, 146 нь бетон зуурмаг, 100 нь элс, хайрга байна.



        БХБ-ын Сайд Г.Мөнхбаяр,
“Өнөөдрийн байдлаар Улаанбаатарт 50 төслийн барилгын ажил бүрэн зогсонг байдалд орсон. Үүний дийлэнх нь БЗД, ХУД-т төвлөрсөн байна.
 
Одоогоор Ипотек эргэн төлөгдөх санхүүжилтээрээ хэвийн явагдаж байгаа. Энэ нь жилдээ ойролцоогоор 25-30 тэрбум төгрөг гэсэн үг юм. Цаашдаа жилд 300 тэрбум, сард 200 орчим өрх хамрагдах байдлаар тооцоолж байна. Харин хүүгийн хувьд бууруулах боломжгүй. Харин ипотекийн зээлд хамрагдах боломжгүй иргэдэд зориулж газраа барьцаанд тавьж, АОС-аа сайжруулах нөхцөлийг энэ төрлийн зээлд хамруулах болно.”