АНУ-ын Үндэсний аюулгүй байдлын зөвлөл гэмтэл болон нас баралтын тайланг жил бүр гаргадаг байна. 2014 онд хийсэн судалгаагаар зам тээврийн ослын 26 хувийг зөвхөн гар утас хэрэглэх үед тохиолддог болох нь тогтоогджээ.

Дийлэнх нь гар чөлөөтэй байх үеийг ашиглан чихэвчгүйгээр утсаа барьж ярих, тэр дундаа мессеж бичих нь осол гаргах шалтгаан болдог байна.

Хүмүүс ухаалаг гар утастайгаар гаргадаг нийтлэг алдаа



        Нидерландын Бодегравен хот энэ асуудалд анхаарал хандуулж, нэгэн төхөөрөмжийг бүтээжээ. Одоогоор туршилтын шатанд байгаа бөгөөд ганц уулзварт гэрэл ассан үед явган зорчигч гишгэсэн тохиолдолд анхааруулах төхөөрөмжийг суурилуулсан байна.



Тус төхөөрөмжийг үйлдвэрлэсэн компанийн хэвлэлийн төлөөлөгчийн хэлснээр, "Өнөө үед явган зорчигч болон дугуйчдын ухаалаг гар утасны хэрэглээ нь гол асуудал болоод байна. Үүнийг шийдвэрлэх үүднээс гэрэл ассан үед хөдөлгөөнд оролцох гэвэл тухайн хүний гар утсанд “Автомашин ирж байна. Яаралтай зогсох хэрэгтэй” гэсэн утга бүхий сануулах мессеж гарч ирдэг." гэж байлаа.


Гэхдээ зөвхөн Бодегравен хотод энэ төрлийн арга хэмжээг авч буй цорын ганц хот биш юм. Доорх бичлэгт Германы Аугсбург хотод хэрэгжүүлдэг ижил төрлийн аргыг үзүүлж байна.
Гар утсанд донтогсдод зориулж, гэрлэн дохио, засмал замын уулзварын өмнө, газарт LED гэрэл бүхий төхөөрөмжийг суурилуулжээ. Энэ нь авто тээврийн хэрэгсэл ирж байгаа тохиолдолд сануулга өгөн анивчиж дохио өгдөг. Бусад үед унтардаг гэнэ.

Ухаалаг гар утас хэрэглэгчдэд зориулсан гэрлэн дохио