Залуу архитекторуудын зөвлөл хуралдлаа

Залуу архитекторуудын зөвлөл хуралдлаа

   Залуу архитекторуудын зөвлөлийн хуралд МАЭ-ийн Ерөнхийлөгч Э.Хүрэлбаатар, Хүндэт ерөнхийлөгч архитектор Б.Батжав, УЗ-ийн гишүүн Д.Зориг нар оролцож, Залуу архитекторуудад МАЭ-ийн үйл ажиллагааны талаар, МАЭ Төрийн чиг үүргийг гүйцэтгэж байгаа тухай мөн Архитекторуудын давтан сургалт, бакалаврын дараах сургалт буюу лицензийн сургалтын хөтөлбөр, мэргэшлийн зэрэг олгох сургалтын хөтөлбөрийн талаар МАЭ-ийн Ерөнхийлөгч Э.Хүрэлбаатар дэлгэрэнгүй танилцуулж, санал солилцлоо.

    Архитекторын зөвлөх үйлчилгээний олон улсын дүрэм, түүний хэрэгжилтийн талаар, Архитектор хүний ёс зүйн асуудлаар Хүндэт ерөнхийлөгч архитектор Б.Батжав дэлгэрэнгүй ярилаа.

   Залуу архитекторуудын зөвлөлийн Удирдах зөвлөлөөс уг зөвлөлийн даргаар сонгогдсон архитектор Д.Золзаяа гишүүддээ Тус зөвлөлөөс 2017 онд хийж гүйцэтгэх, зохион байгуулах арга хэмжээний талаар мэдээлэл өгч, ЗАЗ-ийн үйл ажиллагааг эрчимжүүлэх, залуу архитекторуудын ур чадварыг хөгжүүлэх чиглэлээр бүхий л боломжоо дайчлан ажиллах тухайгаа ярилаа.

   Залуу архитекторууд олон нийтийн үйл ажиллагаанд идэвх, санаачилгатай оролцох, ОУ-ын арга хэмжээнд оролцох, хийх ажлын төлөвлөгөөгөө батлан ажиллахаар боллоо.

   Хурлаар Залуу архитекторуудын зөвлөлийн Удирдах зөвлөлд нэмж н.Бизъясүрэн, н.ЦэндАюуш, н.Сувд-Эрдэнэ нарыг сонголоо. ЗАЗ-ийн үйл ажиллагааг идэвхжүүлэх хүрээнд доорх бүтцийг байгуулж, хариуцан ажиллах гишүүдийг томиллоо. Үүнд: 
  • Дотоод ажлын асуудал хариуцсан хороо – Д.Золзаяа, М. Өнөрбаяр
  • Гишүүнчлэл хариуцсан хороо – Бизъясүрэн
  • Сургалт хариуцсан хороо – Ө. Алтанзаяа
  • Гадаад харилцааны асуудал хариуцсан хороо – Номин-Эрдэнэ 
  • Олон нийтийн арга хэмжээ зохион байгуулах 
  • асуудал хариуцсан хороо – Н. Энхжин 
  • Нарийн бичгийн даргаар А.Дэлгэрмаа нарыг томиллоо.













 

Холбоотой мэдээ