Байр шинээр авах гэж буй иргэддээ зориулсан “Орон сууцны хямдрал, урамшуулалт өдөрлөг” өнөөдөр нээлтээ хийж байна. Мишээл барилгын их дэлгүүр дэх Орон сууцны биржид тогтмол зохион байгуулагддаг уг өдөрлөг 2017 оны 2-р сарын 3-5-ны өдрүүдэд үргэлжлэх юм.

   Улаанбаатар хотод хэрэгжиж буй 80 гаруй төслийг иргэдэд танилцуулах уг өдөрлөг нь байр авах худалдан авагчид болоод орон сууцны борлуулагчдыг холбох гүүр нь болж, уян хатан нөхцөлөөр харилцан тохиролцож, худалдаа хийх боломжийг нь олгодгоороо чухал онцлогтой.

   Өдөрлөгт хүрэлцэн ирснээр та бүхэн борлуулагч компанийн ажилтантай биечлэн уулзаж, ипотекийн найман хувийн зээлд хамрагдах, компанийн зээлд хамрагдах боломжийн талаар мэдээлэл авахын зэрэгцээ цагаан сард зориулсан онцгой хөнгөлөлтийг эдлэн байраа худалдаж авч болно. 

 Түүнчлэн Худалдаа хөгжлийн банк, "Хас", "Голомт" банкны төлөөлөгчид биечлэн оролцож, өөрсдийн жилийн 1,65 хүртэлх хувийн хүүтэй орон сууцны хувь зээлийн талаар танилцуулж, зөвлөгөө мэдээлэл өгөх юм. 

   Энэ дашрамд хүрэлцэн ирсэн үзэгч та Мишээл барилгын их дэлгүүрт явагдах Цагаан сарын үзэсгэлэн худалдаанд оролцож, сар шинийн бэлтгэлээ нэг дор базаах боломжтой.