“Best of Mongolia 2016 - Оны шилдэг сайт"-аар “Barilga.mn” шалгарлаа. 

 Монголын Хэвлэл Мэдээллийн Бизнес Эрхлэгчдийн Холбоо, www.bestofmongolia.mn өдгөө тав дахь жилдээ зохион байгуулж буй “Best of Mongolia-2016” шилдгүүдийг шалгаруулах ёслолын үйл ажиллагаа өчигдөр болж өндөрлөлөө. Энэхүү арга хэмжээ нь салбар тус бүрийн оны шилдэг байгууллага, аж ахуйн нэгжийг олон нийтийн цахим санал асуулгаар тодруулдгаараа онцлогтой билээ.

   Тус цахим санал асуулгад 650 гаруй байгууллага өрсөлдөж, давхардсан тоогоор 1.3 сая хүн хандаж, нийт 500 мянга орчим санал өгснөөр салбар салбарын шилдгийн шилдгүүд шалгарч, батламжаа гардан авлаа. Тэдгээрийн нэг цахим ертөнцийн шилдгээр "Barilga.mn" сайт шалгарсан юм.

     Barilga.mn сайт нь 2007 оноос үйл ажиллагаагаа явуулж эхэлсэн, барилгын салбарын мэргэжлийн цор ганц мэдээллийн хэрэгсэл билээ. Өдгөө салбарын 400 гаруй гишүүн байгууллагатай, 1000 гаруй харилцагчтай болоод байна. 

   Мөн барилгын байгууллагууд, барилгын материал үйлдвэрлэл ба импорт, Улаанбаатар хотод баригдаж байгаа шинэ орон сууцны мэдээлэл, барилгын салбарт сүүлийн үед зарлагдсан тендер, зөвлөгөө, байр, орон сууцны үнэ ханш зэрэг олон талын мэдээллийг цаг алдалгүй уншигчдад хүргэн ажиллаж байна.