“БАРИЛГА.МН” агаарын бохирдлыг бууруулах уриалгад нэгдэж байна

Б.Бурмаа
Нэмсэн: 2017-01-11

“БАРИЛГА.МН” агаарын бохирдлыг бууруулах уриалгад нэгдэж байна

   “БАРИЛГА.МН” сэтгүүл, www.barilga.mn вэб нь “www.gogo.mn”-ний зүгээс уриалсан “Бүх хэвлэл мэдээллийн хэрэгслийг агаарын бохирдлын эсрэг дуу хоолойгоо нэгтгэх уриалга”-д нэгдэж буйгаа илэрхийлж байна.

   Уриалгад нэгдсэнээр 2017 оны нэгдүгээр сарын 11-нд өдөр тутмын сонинууд тэргүүн нүүрэндээ, вэб сайтууд Онцлох хэсэгтээ утааны эсрэг зураг нийтлэх, телевизүүд энэ өдрийн 19 цаг 50 минутад эфиртээ оргил утаатай хэсгийн зургийг 30 секунд үзүүлэх ёстой юм. Энэхүү уриалгыг бидний зүгээс дэмжиж, утааны эсрэг зургийг вэбийн онцлох хэсэгтээ нийтэлж байна.

   Түүнчлэн “БАРИЛГА.МН” сэтгүүлийн нийтлэл, мэдээлэл нь ямагт утаа, агаарын бохирдлын эсрэг буюу гэр хорооллын яндангийн тоог цөөлөх, барилгажилтыг эрчимжүүлж, иргэдийг орон сууцжуулах, ус дулаан, халаалтын цогц шийдэлтэй амины орон сууц барих уриалга, үйлсэд ямагт чиглэж байдаг билээ.

   Мөн www.barilga.mn вэб нь ипотекийн зээлийн санхүүжилтийг нэмэгдүүлэхэд төр засгийн анхаарлыг хандуулах тал дээр идэвхтэй хичээн ажиллаж, энэ сэдвээр дагнасан нийтлэлийг бэлтгэж байгаа юм.

   Аюулын харанга дэлдээд буй Бээжин хотын агаарын бохирдлоос 3 дахин их хортой агаар, утаагаар амьсгалж байгаа Улаанбаатарчууд бид бүгдээрээ энэхүү уриалгад нэгдэж, дуу хоолойгоо хүргэх учиртай, бас үүрэгтэй.

   Тиймээс “утааны эсрэг” гэсэн нэрийдлээр олон арван тэрбум төгрөг завшиж, өнөөдрийн энэ хүнд нөхцөл байдалд оруулсан албан тушаалтнуудад хариуцлага тооцохыг хатуу анхааруулахын зэрэгцээ энэ асуудлыг шийдвэрлэх хатуу шаардлагыг өнөөгийн эрх баригчдад тавих нь олон нийтийн хэвлэл мэдээллийн хэрэгслүүд, тэдгээрт ажиллаж буй ажилтан нэг бүрийн үүрэг юм.

Иймд маргаашийн гэрэлт ирээдүй, эрүүл саруул хойч үеийнхээ төлөө нэгдэн, дуу хоолойгоо хүргэж ажиллахаа бид илэрхийлж байна.
Эх сурвалж: Барилга.МН

Сэдэв: агаарын бохирдол


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


“BARILGA EXPO 2017” Олон улсын үзэсгэлэн яармагаас таны олж авах мэдээ... “BARILGA EXPO 2017” Олон улсын үзэсгэлэн яармагаас таны олж авах мэдээлэл
Жил бүр уламжлал болгон зохион байгуулдаг“BARILGA EXPO 2017” Олон улсын үзэсгэлэн яармаг... 1 өдрийн өмнө
“Ногоон технологитой хороо” төслийн эхний шалгаруулалт боллоо “Ногоон технологитой хороо” төслийн эхний шалгаруулалт боллоо
Гэр хорооллын суурьшлын бүсэд ногоон технологи дээр суурилсан, бие даасан дэд бүтэцтэй, хэсэгчилсэ... 2 өдрийн өмнө
“BARILGA EXPO 2017” Олон улсын үзэсгэлэн яармагт урьж байна “BARILGA EXPO 2017” Олон улсын үзэсгэлэн яармагт урьж байна
Жил бүр уламжлал болгон зохион байгуулдаг “BARILGA EXPO 2017” Олон улсын үзэсгэлэн яар... 5 өдрийн өмнө
Зөвшөөрөлгүй барилгуудыг буулгаж эхэллээ Зөвшөөрөлгүй барилгуудыг буулгаж эхэллээ
Нийслэлийн Засаг даргын 2016 оны 09 дүгээр сарын 21-ний өдрийн А/669 дугаартай захирамжаар “... 6 өдрийн өмнө

Дээшээ буцах