Өндөр өртөгтэй хотуудыг орон сууц, оффисийн үнэ ханшаар нь харьцуулдаг

Б.Бурмаа
Нэмсэн: 2017-01-04

Өндөр өртөгтэй хотуудыг орон сууц, оффисийн үнэ ханшаар нь харьцуулдаг

   Хүний ажиллаж, амьдрахад хамгийн өндөр өртөгтэй хотуудыг жагсаахад, Их Британийн нийслэл Лондон хот тэргүүлжээ. Тус хотын амьжиргааны өртөг зардал нь АНУ-ын Лос-Анжелес, Австралийн Сидней хотуудынхаас хоёр дахин их байгаа аж. Үл хөдлөх хөрөнгийн “Savills” компанийнхан энэхүү жагсаалтыг гаргахдаа, дэлхийн хамгийн үнэтэй 20 хотын орон сууц, оффисийн түрээсийн өртгийг харьцуулан дүгнэсэн байна.

   Жил тутам нэг хүнд ногдох зардал нь 80,777 фунт стерлинг байгаа Лондон хот нь 2014 оноос хойш энэхүү жагсаалтыг тэргүүлж байгаа билээ. АНУ-ын хамгийн үнэтэй 20 хотын нэг Нью-Йорк нь Лондонгийн удаах байранд оржээ. Тус хотын нэг хүнд ногдох жилийн өртөг нь 79,000 фунт стерлинг аж.

   Жагсаалтад багтсан 20 хотын байр болон оффис түрээслэх нэг хүнд ногдох жилийн зардал нь дунджаар 40,641 фунт стерлинг байгаа юм. Эдгээрээс Рио Де Жанейро хамгийн боломжийн хотод тооцогдож байна.

   “Savills” индекс нь дэлхий дээрх хотуудад амьдрангаа ажиллах өртгийг тооцоолж, амьдралдаа тусгахад нь тус болох зорилготой аж. Тус компанийн Олон улсын судалгааны тэргүүн Йоланд Барнес, “Эдгээр хотуудын бүтээмж, олон улсын бизнесийн орон зай дахь тэдгээрийн үнэ цэнэ зэрэг нь түрээсийн өртөг, амьжиргааны зардалд ихээхэн нөлөөлж байдаг” хэмээн ярьжээ.



   Тийм ч учраас Лондон, Нью-Йорк зэрэг бүтээмжээрээ тэргүүлж буй хотууд ажиллаж, амьдрахад хамгийн өндөр өртөгтэй байдаг аж. Түүнчлэн дэлхийн хотуудын зэрэглэл болон дижитал шинэ эрин рүү хурдацтай орж буй Берлин, Дублин зэрэг арай жижиг хотуудын хөгжлийг Йоланд Барнес онцолсон байна.
Эдгээр хотуудад оффис болон орон сууцны нийлүүлэлтийг нэмэгдүүлэх шаардлага тулгарч байгааг хэлээд Барнес, “Түрээсийн үнийн өсөлт, амьжиргааны зардал нэмэгдэж буй байдлаараа дэлхийн хотууд өөрсдийн хөгжил цэцэглэлтийн хохирогч болж байна” гэсэн юм.

   Мөн Рио Де Жанейро, Мумбай, Лагос зэрэг хөгжингүй хотуудын эгнээнд хүч түрэн орж ирж буй хотуудад тав тухтай, боломжийн ажлын байрыг нэмэгдүүлэх шаардлагатай байгааг онцолжээ. Гэхдээ оффисийн талбай нь олон улсын түвшний шилэн фасадтай, архитектурын гоёмсог хэв маягтай байх шаардлагагүй, ихэнх газарт жижгэвтэр хэмжээтэй, энгийн оффисууд байх нь илүү тохиромжтой гэдгийг судлаачид нь тайлбарлалаа.
 
Эх сурвалж: Барилга.МН

Сэдэв: Үл хөдлөх хөрөнгө


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


Токио хотноо аварга автомат машинаар 3D цамхаг барина Токио хотноо аварга автомат машинаар 3D цамхаг барина
Ирээдүйд байшин барилга барих ажил улам бүр амар хялбар болох бололтой. Токио хотын хүн амын нягтр... 8 өдрийн өмнө
Эко технологийг ашигласан спорт цогцолбор байгуулахаар болжээ Эко технологийг ашигласан спорт цогцолбор байгуулахаар болжээ
Их Британийн ногоон эрчим хүчний “Ecotricity” компаниас Английн Строуд хотноо байгуула... 15 өдрийн өмнө
Миланд 300 хос өмдөөр хуучны түүхэн барилгыг чимжээ Миланд 300 хос өмдөөр хуучны түүхэн барилгыг чимжээ
Миланы алдарт Palazzo Litta барилгыг 300 хос жинсэн өмдөөр чимсэн өвөрмөц явдал боллоо. Учир нь ур... 17 өдрийн өмнө
Босоо ой “Bosco Verticale”-иас үлгэр жишээ авах нь Босоо ой “Bosco Verticale”-иас үлгэр жишээ авах нь
Байгаль дэлхийг чимэн сүндэрлэдэг босоо ойг амьдралд бодитоор хэрэгжүүлж, тэр ч байтугай хотын төв... 21 өдрийн өмнө

Дээшээ буцах