2017 оны салбарын эдийн засгийн урьдчилсан таамаг гарчээ

С.Баярмаа
Нэмсэн: 2017-01-03

2017 оны салбарын эдийн засгийн урьдчилсан таамаг гарчээ
        “Барилга.МН” сэтгүүлийн шинэ оны анхны дугаар худалдаанд гарлаа. Тус сэтгүүл нь уншигчиддаа хүрээд 80 дахь дугаараа буюу долоо дахь жилээ угтаж байгаа бөгөөд энэ сарын дугаарт “2016 оны эдийн засаг, барилгын салбарын төлөв байдал, 2017 оны чиг хандлага” сэдвийг онцлов. Ингэхдээ ипотек, салбарын зээлийн нөхцөл байдлын тухай холбогдох албаныхны яриа, улс орны эдийн засгийн тухайд олон улсын байгууллагуудын гаргасан төсөөллийг харьцуулан үзүүлсэн юм.



           Түүнчлэн салбарын түүчээ болсон хөдөлмөрч залуусыг онцолж, БЗТЗХ-ны Дэд ерөнхийлөгч, “Хатанбаатар” ХХК-ийн захирал М.Батбаяр болон Монголдоо анхдагч, шинэлэг үйлчилгээг нэвтрүүлсэн “Орон сууцны бирж”-ийн үйл ажиллагааг явуулж буй “Биржийн эзэгтэй” хэмээгдсэн Б.Наранмандах нарыг урьж, оролцууллаа.


       “НЭГ СЭДВЭЭР”- Гэр хорооллын дахин төлөвлөлтийн төслийн хэрэгжилтээс үүдсэн асуудал, хууль эрхзүйн орчныг бүрдүүлээгүй Төр засгийн алдаатай бодлогоос болж олон мянган айл өрх орох оронгүй болох аюул нүүрлээд байна хэмээн олон улсын хүний эрхийн “Эмнести Интернэшнл” байгууллагын мэдэгдсэний дагуу холбогдох мэргэжилтнүүдээс авсан тодруулга, сурвалжлагыг тэнцвэртэйгээр хүргэж байна.











           Иргэд бидэнд хаалттай мэдээлэл- Энэ онд барилга, дэд бүтцийн салбарт улсын төсвөөр хийгдэх ажил, барилга, байгууламж, төслүүдийн санхүүжилтийн мэдээлэл, хуулийн үүднээс шийдвэрлэх асуултын тэмдэг үлдээсэн зарим мэдээллийг 80 дахь дугаартаа багтаалаа.






 
Харах өнцөг: Хөрөнгө оруулалтын төслүүдийн тухайн жилийн санхүүжилтийн хэмжээг бууруулан баталсан нь он дамжсан дуусдаггүй барилгууд бий болох үндэс суурь болохоос гадна төсөвт өртөг ихээр нэмэгдэх нөхцөлийг бий болголоо. Энэ нь төсвийн хөрөнгө оруулалтын үр ашиг, гүйцэтгэлийг сааруулах нэг хүчин зүйл болж байна.





            Тэгвэл барилгын салбарт байгаа нийтлэг алдаанд таны бодлоор ямар асуудлууд багтах вэ? Энэ бүхнийг эмх цэгцтэйгээр, товч агуулга дор МУ-ын зөвлөх инженер, тэргүүлэх төсөвчин, итгэмжлэгдсэн захиалагч Л.Түмэндэмбэрэл бодит баримтад тулгуурлан бичсэнээ манай “ХӨНДӨХ СЭДЭВ” буланд ирүүлжээ.

            “АМИНЫ ОРОН СУУЦ” булангаас байшингийн суурийн хэсэг, хана, дээвэр, сангийн болон цахилгаан, бохирын, дотор заслын материал гээд нарийн төсөв тооцоог гаргасан сууцны төлөвлөлт, мөн “ХЭРЭГЛЭГЧИЙН БУЛАН”-гийн хувийн орон сууцаа хэрхэн төлөвлөх тухай схемчилсэн мэдээлэл зэрэг нь барилга барих хүсэлтэй хэн бүхний сонирхлыг татах болно.
Энэ мэт салбарын мэдээлэл, иргэддээ хамгийн хэрэгтэй зөвлөмжүүдийг хүргэж байдаг “Барилга.МН” сэтгүүлээ уншаарай. 

 
Эх сурвалж: Барилга.МН сэтгүүл

Сэдэв: Барилга.МН Сэтгүүл


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


“BARILGA EXPO 2017” Олон улсын үзэсгэлэн яармагаас таны олж авах мэдээ... “BARILGA EXPO 2017” Олон улсын үзэсгэлэн яармагаас таны олж авах мэдээлэл
Жил бүр уламжлал болгон зохион байгуулдаг“BARILGA EXPO 2017” Олон улсын үзэсгэлэн яармаг... 1 өдрийн өмнө
“Ногоон технологитой хороо” төслийн эхний шалгаруулалт боллоо “Ногоон технологитой хороо” төслийн эхний шалгаруулалт боллоо
Гэр хорооллын суурьшлын бүсэд ногоон технологи дээр суурилсан, бие даасан дэд бүтэцтэй, хэсэгчилсэ... 2 өдрийн өмнө
“BARILGA EXPO 2017” Олон улсын үзэсгэлэн яармагт урьж байна “BARILGA EXPO 2017” Олон улсын үзэсгэлэн яармагт урьж байна
Жил бүр уламжлал болгон зохион байгуулдаг “BARILGA EXPO 2017” Олон улсын үзэсгэлэн яар... 5 өдрийн өмнө
Зөвшөөрөлгүй барилгуудыг буулгаж эхэллээ Зөвшөөрөлгүй барилгуудыг буулгаж эхэллээ
Нийслэлийн Засаг даргын 2016 оны 09 дүгээр сарын 21-ний өдрийн А/669 дугаартай захирамжаар “... 6 өдрийн өмнө

Дээшээ буцах