Тэдний ширээний сэтгүүл-“Барилга.МН”

С.Баярмаа
Нэмсэн: 2017-01-11

Тэдний ширээний сэтгүүл-“Барилга.МН”
 
       Сүүлийн жилүүдэд Монголын хэвлэл мэдээллийн салбар хурдацтайгаар хөгжиж, ширүүн өрсөлдөөн бий болсны дунд өөр өөрсдийн өнгө төрх, бичиглэлийн жанр, үнэт зүйлс, үзэл баримтлал бүхий “Тоглогчид” бий боллоо. Тэдгээрт барилгын салбарын сар тутмын тайлан гэж хэлж болох “Барилга.МН” сэтгүүл зүй ёсоор тооцогдож байна. Хэвлэгдэн гарснаасаа хойш зургаа дахь жилдээ тасралтгүй уншигчиддаа хүрч, оны шилдгийг шалгаруулах олон нийтийн санал асуулгын “Best of Mongolia 2014” наадмын “Шилдэг сэтгүүл”-ээр тодроод амжсан юм. Тус сэтгүүлийн уншигчдаас ирүүлсэн зарим сэтгэгдлийг дамжуулж байна.

           УИХ-ын гишүүн асан С.Дэмбэрэл

     "Барилга.МН" сэтгүүл гурван талын ач холбогдолтой. 1-рт, бодлого боловсруулагчдад хэрэгтэй. Учир нь барилгын чиглэлийн мэдээллээс гадна энэ салбарын хувийн хэвшлийн дуу хоолой гардаг. 2-рт, бизнесийн бүх төрлийн мэдээлэл гардаг учир бизнес эрхлэгчдэд хэрэгтэй. Эцэст нь, Монголд баригдаж байгаа барилгын мэдээлэл иж бүрэн байдлаар гардаг учир хэрэглэгч, иргэдэд хэрэгцээтэй. Тиймээс энэ сэтгүүлийг өргөнөөр захиалан унших, эндээс ялангуяа монгол хэрэгжиж байгаа төслийн талаарх мэдээллийг авах боломжтой, сайн сэтгүүл юм.
Сэтгүүлийн захиалга орон даяар явагдаж байна.

      Монголын Барилгын Үндэсний Ассоциацийн Тэргүүн дэд ерөнхийлөгч Н.Баярсайхан

       “Барилга.МН” сэтгүүл нь барилгын салбарын төрийн байгууллага, бизнес эрхлэгчид хүлээн зөвшөөрөгдсөн сэтгүүл юм. 1-рт, Барилгын салбарт тогтвортой үйл ажиллагаагаа явуулж буй мэргэжлийн сэтгүүл тун ховор. Харин "Барилга.МН" сэтгүүл нь зургаа дахь жилдээ тасралтгүй гарч байгаагаараа онцлогтой. 2-рт, салбарын мэдээллийг хамгийн шуурхай, бодитойгоор бэлтгэн хүргэдэг. 3-рт, Монгол Улсын барилгын салбар дэлхийн өндөр хөгжилтэй улс орнуудын хөгжлийн зам, тэдний туршлагыг судалж байж бидний өрсөлдөх чадвар дээшилнэ. Иймд тэдгээр улсуудын барилгын салбарт нэвтэрч байгаа шинэ техник технологи, мэдээ, мэдээллийн хамтаар эх хэл дээрээ түргэн шуурхай бэлтгэдэг онцгой сайн үүрэг гүйцэтгэж байгаа сэтгүүл юм.

      МУ-ын Зөвлөх инженер, Тэргүүлэх төсөвчин, итгэмжлэгдсэн захиалагч Л.Түмэндэмбэрэл

     Өнөөдөр “Барилга.МН” сэтгүүл салбартаа хэвлэлийн магнай болж чаджээ. Тус сэтгүүл нь сүүлийн хоёр жилийн дотор утга, найруулга зүйн хувьд эрс сайжирч шинэчлэгдсэн миний шимтэн уншдаг сэтгүүл маань болоод байгаа. Тэр дундаа салбарын хүндхэн асуудлыг хамгийн гол нь баримттайгаар, сонирхолтой найруулгаар бичдэг “Хөндөх сэдэв” булан болон салбарт тухайн сард болсон үйл явдлын тойм мэдээллийг унших дуртай.
Инженер, техникийн ажилтан бидний хувьд энэ талын мэдээллийг авах суваг тун ховор. Дээхэн үед бол “Техникийн мэдээлэл” хэмээх сэтгүүл гардаг байлаа. Харин одоо энэ талаарх мэдээллийг Барилга.МН сэтгүүлээс авч байна. Салбарын мэргэжилтэн, албан хаагчдын үзэл бодол, тушаал тогтоолыг тусгасан, техникийн шийдэл болохуйц асуудлыг бичдэг “Индэр” болоод байна.
 
"Сүүлийн дугаарын мэдээллийг ЭНДЭЭС  үзнэ үү. "

       “Барилга корпораци”-ийн Ерөнхийлөгч, Монгол Улсын гавьяат барилгачин Л.Шагдаррагчаа

Миний булан бүрийг нь шимтэн унших дуртай Барилга.МН сэтгүүл нь Монголын барилга, хот байгуулалтын салбарын мэдээллийн орон зайд байр сууриа нэгэнт эзэлсэн, чадварлаг хамт олонтой, хүчирхэг сэтгүүл гэж би хувьдаа үздэг.

                Иргэний Нисэхийн Ерөнхий Газрын Аж ахуйн тасгийн Барилгын инженер О.Дашхорол

Танай толилуулж байгаа “Барилга.МН” сэтгүүл нь манай орны барилгын салбарын ажилтан болон бусад иргэд сонирхогчдын сонирхолд нийцсэн толь бичиг гэж ойлгодог.
Манай салбарын орчин үеийн мэргэжилтнүүдийн санал санаачилга болон барилгын салбарын шинэ мэдээллийг бүх иргэд олон түмэнд түгээн дэлгэрүүлж, барилгын шинэ техник технологи, барилгын материалын  талаарх шилдэг бүхнийг сурталчлан танилцуулж, дамжуулах гүүр болж хүмүүсийн эрэлт хэрэгцээний чухал хэсэг болсон орон сууцны хэрэгцээ шаардлагыг амины орон сууц барих, бусдаар бариулах зэрэгт нийцсэн чухал  мэдээллийг хүргэж байгаа нь чухал ач холбогдолтой гэж үзэж байна.
Надад ерөнхийдөө бүх мэдээлэл чинь таалагддаг онцгойлон барилгын үнийн талаарх болон сэтгүүлч С.Баярмаагийн нийтлэлүүд  таалагддаг. Иймд цаашдаа улам их мэдээллийг өгч амжилттай ажиллахыг хүсэн ерөөе.

              БЗД-ийн иргэн Д.Батзориг

Сар тутмын болох үйл явдлын мэдээлэл нь салбарт ажиллаж буй иргэдэд мэдээллээ түргэн шуурхай авахад дөхөм болдог. “Дугаарын зочин” булангийн ярилцлагууд их таалагддаг. Тухайн ярилцагчаас хүнд зөв мэдээлэл өгөхийг зорин ажилладаг нь тухайн сэтгүүлийн давуу тал гэж бодож байна.  

              БГД-ийн иргэн Ш.Дулам

Энэ сэтгүүлийг би 3 дахь жилдээ захиалж байна. Барилгын инженер мэргэжилтэй болохоор барилгын салбарын мэдээллээс хоцрохгүйн тулд уншдаг. Олж авсан мэргэжил, туршлага дээрээ үндэслэн ширээнийхээ энэхүү сэтгүүлд идэвхтэн бичигчээр орж, материал өгөхөөр бэлтгэж байгаа. “Барилга.МН” сэтгүүлийн хамт олонд цаашдын ажил, үйлсэд нь өндөр амжилт хүсье.
 
 

 
Эх сурвалж: Барилга.МН

Сэдэв: Барилга.МН Сэтгүүл


Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Bilegt 2016-12-13 22:40 103.212.119.144

    sain setguul shuu. amjilt husie.
    Ө.Дашхорол 2017-01-02 08:55 202.55.191.76

    Та бүхэнд шинэ оны мэнд хүргэхийн ялдамд сэтгүүлч С.Баярмаадаа шилдэг сэтгүүлч болсонд баяр хүргэж цаашдынх нь ажилд улам их амжилт хүсч, ирэх ондоо олон шинэ мэдээлэл түгээж уншигч биднийгээ цэнэглэж улс орныхоо хөгжилд хувь нэмрээ оруулж залуу хүний эрч хүч дайчин чанараа харуулаарай АМЖИЛТ
}

Холбоотой мэдээ


Монголын архитектурын өв соёлыг хадгалж хамгаалах талаарх миний бодол Монголын архитектурын өв соёлыг хадгалж хамгаалах талаарх миний бодол
Монголд аялахаар ирсэн аянчин, гийчин хөндлөнгөөс биднийг хэрхэн дүгнэдэг вэ? Нийслэл хот маань ... 4 минутын өмнө
“Орлогод нийцсэн орон сууц” хөтөлбөрийн төлөвлөлтийг танилцууллаа “Орлогод нийцсэн орон сууц” хөтөлбөрийн төлөвлөлтийг танилцууллаа
Нийслэлийн Засаг даргын орлогч П.Баярхүү болон холбогдох албаны хүмүүс “Орлогод нийцсэн орон... 4 өдрийн өмнө
"Barilga Basketball-2017" бүртгэл эхэллээ "Barilga Basketball-2017" бүртгэл эхэллээ
Хаврын урин дулаан ирж, салбарын маань ажил өрнөж эхлэж буй энэ үед"Barilga Basketball" сагсан... 5 өдрийн өмнө
Орон сууцны, хямдрал урамшуулалтай өдөр Орон сууцны, хямдрал урамшуулалтай өдөр
“ОРОН СУУЦНЫ БИРЖ”-ээс тогтмол Улаанбаатар хотод байрлалтай шинэ орон сууцыг танилцу... 6 өдрийн өмнө

Дээшээ буцах