Монголын Барилгын Инженерүүдийн холбооны 20 жилийн ойн баярын мэнд дэвшүүлье

Монголын Барилгын Инженерүүдийн холбооны 20 жилийн ойн баярын мэнд дэвшүүлье

   1996 оны хоёрдугаар сарын 9-ний өдөр анхны хурлаа хийж байсан Монголын Барилгын Инженерүүдийн холбоо өдгөө 20 насны ойтойгоо золгож байна.

   Хуучнаар Улсын Барилгын Зураг Төслийн институтийн хэсэг инженерүүдийн санаачилгаар удаа дараа уулзалт зохион байгуулж, санал бодлоо нэгтгэсний дүнд Монголын Барилгын Инженерүүдийн Холбоог албан ёсоор байгуулсан түүхтэй.

   Салбарын инженер мэргэжилтнүүд та бүхэнтэй салшгүй холбоотой энэхүү Түүхт 20 жилийн ойн баяр нь өнгөрсөн хугацаанд хийж бүтээснээ дүгнэн цэгнэж, барилгын салбарынхны амжилт бүтээл, хөгжил дэвшил, бүтээн байгуулалтын их үйлсийн төлөө хамтдаа зүтгэх хүсэл тэмүүлэл, эрч хүчээр дүүрэн он жилүүдээ угтаж буй түүхэн тэмдэглэлт үйл явдал билээ.

   Улс орныхоо хөгжил цэцэглэлтийн манлайлагч нь болсон инженерүүд та бүхэнтэйгээ ирэх он жилүүдэд ч мөн хамтдаа байж, үндэсний мэргэжлийн холбоогоо хөгжүүлэн бэхжүүлэх, Монгол улсынхаа барилгын инженерүүдийн орон зайг олон улсын хэмжээнд гаргаж ирэх их үйлсийн төлөө хамтдаа урагшилцгаая!

   Монголын Барилгын Инженерүүдийн Холбоо нь ойн баяраа угтсан “Бүтээлч 20 ажил”-аа дүгнэсэн хаалтын ажиллагаагаа “MACE-20” Шинэ жилийн цэнгүүн дээр хийх юм.

   Монгол улсын хөгжлийн тод илэрхийлэл болсон барилгын салбарын хөгжлийг хурдасгагч Эрхэм Инженерүүд та бүхэндээ Монголын Барилгын Инженерүүдийн Холбоо үүсэн байгуулагдсаны 20 жилийн ойн баярын мэндийг дэвшүүлье.
 
 
“БАРИЛГА.МН” СЭТГҮҮЛ
Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.