Намрын улиралд тохируулж гэрийн интерьерээ хэрхэн өөрчлөх вэ

Б.Бурмаа
Нэмсэн: 2016-10-14

Намрын улиралд тохируулж гэрийн интерьерээ хэрхэн өөрчлөх вэ

     Намар бол жилийн бас нэгэн гайхалтай цаг үеийг илтгэсэн улирал мөн гэдэгтэй маргах хүн гарахгүй биз ээ. Тэгвэл намрын улиралд тохируулан гэрийн интерьер, унтлагын өрөөгөө тусгайлан тохижуулах нь гэрт амар тайван уур амьсгалыг бий болгож, тав тухтай орчныг бүрдүүлдэг билээ. Тиймээс энэхүү зөвлөгөөг хэрэгжүүлж, гэртээ тохирохуйц санааг хэрэгжүүлээд үзээрэй. Энэ улиралд зориулан гэрээ тохижуулахдаа, зочны өрөөнд шинэ тавилга худалдан авахын оронд буйдан дээрх дэрнүүдээ сольж, түүнд хослох бүтээлэг, сандлуудыг нэмж болно.

     Хэрэв энэ улиралд тохируулан гэрээ тохижуулах хямд төсөр арга хайж байгаа бол тавилгаа хучих, өнгийг нь өөрчлөх нь танд хамгийн хэрэгтэй арга мөн.



     Улбар шар, улаан, шар ногоон болон гичний шар гээд ялгаатай боловч өөр хоорондоо уусдаг нүдэнд дулаахан өнгөнүүдээр унтлагын өрөөний ханаа будаарай. Мөн унтлагын өрөөндөө сэтгэл хөдлөм ямар нэг утга агуулгыг илэрхийлэхийг хүсвэл, нэг ханаа намрын улирлыг тодотгосон өнгөөр будах хэрэгтэй. Түүнчлэн та өөрийн дуртай намрын өнгөнүүдийг оролцуулсан өдөн хөнжил болон гоёлын дэрнүүдийг сонгон, унтлагын өрөөндөө тансаг өнгө аясыг нэмж болно шүү.



     Намрын анхилам үнэрийг санагдуулам лаа сонгон, тэдгээрийг кофены ширээн дээр тавьж үзэмж нэмсэн ч болно. Алимны шүүс, халуун орны модны холтос, нарс, задь болон хулууны үнэр шингээсэн маш олон төрлийн тансаг үнэрт лаанууд дэлгүүрүүдэд элбэг байдаг болсон шүү дээ.



     Унтлагын өрөөндөө зөөлөн дулаан өнгө аяс нэмэхийн тулд гоёлын ургамлууд, анар жимс, царсны боргоцой болон хулуу зэрэг чимэглэлийн зүйлсийг ашиглан хийсэн байгалийн цэвэр бүтээгдэхүүнийг цуглуулаарай. Харин гал тогооны өрөө болон хоолны ширээг гоёмсог харагдуулахын тулд модны боргоцой, эрдэнэ шишийн иш, царсны боргоцой, хөвд ургамал зэргээр чимэглээрэй.



     Унтлагын өрөөний дотоод орчноо амар тайван болгохын тулд тасалгааны жижиг усан сантай чимэглэл ашиглаад үз. Унтлагын өрөөнийхөө харагдах байдлыг бүхэлд нь өөрчлөх хамгийн сайхан санаа бол намрын байгалийн гоо үзэсгэлэнг дүрсэлсэн уран зураг, хулуу, хөдөө нутгийн болон бусад намрын улирлыг илэрхийлсэн маш олон төрлийн дүрс зургуудыг худалдан авах явдал юм.



     Та гэртээ зочид хүлээн авахдаа, хаалга руу харсан ханандаа тэрхүү зураг, эсвэл эрдэнэ шишийн иш ашиглан хийсэн титэм, хулуу гэх мэтчилэн намрын улиралд элбэг дэлбэг байдаг чимэглэл болчихоор бусад хүнсний ногоо, ургамлыг ашиглавал илүү тохиромжтой. Мөн унтлагын өрөөг илүү том харагдуулах энгийн арга бол ханандаа том толь өлгөх явдал юм шүү.



Эх сурвалж: Барилга.МН сэтгүүл

Сэдэв: ИНТЕРЬЕР


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.



Холбоотой мэдээ


Дэлхийн хамгийн шилдэг ханын пийшингийн 40 загвар Дэлхийн хамгийн шилдэг ханын пийшингийн 40 загвар
Задгай зуух зөвхөн өвлийн улиралд зохимжтой гэж үү? Сүүлийн үеийн зуух илүү гялалзсан, хараа ... 2015-10-19 16:04
Тээврийн чингэлэгийг ашиглан байшин барих нь Тээврийн чингэлэгийг ашиглан байшин барих нь
Тээврийн чингэлэг гэдэг ойлголтыг халж орон сууц гэсэн чиг хандлагаруу оржээ. Орчин үеийн хөгжлийн ... 2015-09-07 10:15
“ХҮСЭМЖИТ” 25 ШҮРШҮҮРИЙН ЦУВРАЛ /2/ “ХҮСЭМЖИТ” 25 ШҮРШҮҮРИЙН ЦУВРАЛ /2/
Өчигдөр бид та бүхэндээ “Хүсэмжит” 25 шүршүүрийн эхний цувралыг хүргэсэн билээ. Тэгвэл ө... 2014-10-28 14:13
“ХҮСЭМЖИТ” 25 ШҮРШҮҮРИЙН ЦУВРАЛ “ХҮСЭМЖИТ” 25 ШҮРШҮҮРИЙН ЦУВРАЛ
Угаалгын өрөө бол бидний өдөр тутмын хэрэглэдэг, сахилгагүйхэн хэлэх юм бол “Эрхэмсэг оршихуй&... 2014-10-27 11:17

Дээшээ буцах