Эзэмшил газраа өөрсдөө тохижуулцгаая

С.Баярмаа
Нэмсэн: 2016-10-12

Эзэмшил газраа өөрсдөө тохижуулцгаая

       “Жигүүр гарден” ХХК-ийн үүсгэн байгуулагч, Ландшафтын Архитектор Н.Ариунбилэг


         Намар цаг ирж, мод тарих хугацаа тулсан энэ үед уншигчиддаа зориулан газраа хэрхэн тохижуулах бяцхан зөвлөгөөг хүргэж байна.
         
Газраа тохижуулахын тулд мэдээж хэрэг нэн түрүүнд газраа цэвэрлэж, цэгцлэх хэрэгтэй. Хуучин хог хаягдал болон зэрлэг ургамлын үндсийг авах ёстой. Харин газрын хотгор, гүдгэрийг заавал тэгшлэх гэсний шаардлагагүй. Таны төлөвлөсөн зүйлд саад болоогүй л бол хэвээр үлдээх нь илүү донжтой харагдаж болох талтай. Төлөвлөлтөө гаргасан бол талбайдаа эхлээд ландшафтын хатуу элементүүдийг байршуулах нь зүйтэй. Үүнд, явган зам, гэрэлтүүлэг, сандал ширээ, саравч зэрэг болно. Ингэхдээ явган зам болон машины зогсоолыг хамгийн түрүүнд гүйцэтгэнэ. Байгалийн чулуу, асфальт, модоор гээд аль нь ч байж болно. Зуслангийн газарт чулуу илүү тохиромжтой байх нь элбэг.



Үүний дараа тухлан суух саравч, сүүдрэвч хийх бол мөн хийж гүйцэтгэх ёстой. Дундаж хэмжээтэй 3*3 хэмжээтэй саравч ойролцоогоор 3-4 сая орчим төгрөгийн зардал гарна. Байнга байх саравчнаас илүүтэйгээр байгалийн чулуун талбай бэлдэж түүн дээрээ ил гал түлэх зориулалт бүхий байхаар төлөвлөх нь илүүтэй шийдэл юм. Ингэснээр сүүдрэвчид суухыг хүссэн үедээ дэлгэж, бусад үед талбайг ашиглахын тулд хураах нь илүү зай талбай хэмнэсэн төлөвлөлт болно. Сүүдрэвчийг байшинтайгаа залгаж хийвэл илүү бага зардалтай.

























Том газарт тохижилт хийж байгаа бол хүүхдийн тоглоомын талбайг орхигдуулж яагаад ч болохгүй. Нарлан суух талбайн чанх урд төлөвлөж өгвөл сайн. Тогоомууд модон байх нь хүүхдэд ээлтэй. Эсвэл хөнгөн маягаар элс асгасан талбай ч байж болно.

          Эдгээрийг хийсний дараа мод бут сөөгөө тарих нь зүйтэй. Мод шилжүүлэн тарих хугацаа нь хавар 4 сарын сүүл 5 сарын эхээр, намар 9 сарын сүүл 10 сарын эхээр байдаг. Иймд одоо 10 сард мод шилжүүлэх тохиромжтой хугацаа болж байна. Мод бутаа 1-2 настай суулгацыг сонгох нь зүйтэй. Үндсийг гэмтээгээгүй мөн үндэсний шороо болон үндэс өөрөө хатаагүй байгаа эсэхийг сайтар шалгах ёстой. Модны захад байдаг бол гоёл чимэглэлийн болон жимсний бут сөөг суулгавал тохиромжтой.

Мод нь төрлөөсөө хамааран шилжүүлэн суулгах, арчлах арга технологиуд нь өөр өөр байдаг. Навчит мод тарих гэж байгаа бол 70-80 см диаметртэй 50-60 см гүн тогоо ухаж бэлдэнэ. Тогоондоо урьдаас бэлдсэн бордоог доор нь дэвсэж өгч бас болно. Модны үндсийг жигд байхаар байрлуулж гол ишийг яг эгц барьж нүхийг хар шороогоор булаж дээр нь гишгэж нягтуулна. Дүүргэсэн шороо нь нүхний амсраас дор хаяж 10 см дор байх ёстой. Ингээд суулгасан модоо 60-80 л усаар услана. Суулгаснаас хойш өглөө оройдоо 40-50 л усаар 7-10 хоног услах шаардлагатай. Өвөл цасаар хучиж байвал сайн. Хавар тарьсан модонд намар усалгааг сайтар хийж өвөлжүүлэх нь зүйтэй. Үүнээс хойш модонд залуужуулах огтлол, хэлбэр гаргах тайралт зэргийг хийж байвал зохино.

Амьд хашлагыг мөн төлөвлөж өгөх нь маш сайхан харагдуулдаг. Амьд хашлагад манайхан шар хуайс болон хайсыг өргөн ашиглаж байна. Шар хуайсны өнгөлөг ногоон өнгөтэй навч нь жижиг зууван хэлбэртэй мөн шар жижиг цэцэг гардаг гоёл чимэглэлийн өндөр ач холбогдолтой сөөг юм. Иймээс үнийн хувьд харьцангуй үнэтэй. Хямд төсөр байдлаар гүйцэтгэх гэж байгаа бол тэхийн шээг тун тохиромжтой. Учир нь үнийн хувьд ялгаагүй ч, уртааш метрт суулгах тоо нь 3 дахин бага байдаг.


Үүний дараа зүлэгжүүлэлтийн ажлын хийнэ. Тухайн шавар байгалиасаа ширэгтэй бол түүнийг хуулах шаардлагагүй. Манайхан үр суулгавал илүү сайхан зүлэг гарна гэж бодоод байгалийн зүлгээ шатаасан байдалтай олон таарч байсан. Хэрэв зүлэггүй нүцгэн газар бол олон нас зүлэг суулгахыг зөвлөж байна.

Мөн цэцгийн мандлыг гайхалтай зохиомжлон хийвэл газар маань өнгө ороод л явчихна. Манай оронд 10 шахам төрлийн мандлын цэцгийг тарьж ургуулж байгаагаас хамгийн их хэрэглэгдэж байгаа нь “Хун” цэцэг юм. Хун цэцэг нь модорхог иштэй байдаг тул манай орны эрс тэс уух амьсгалд гайхалтай сайн дасан зохицож, ургадаг.



Эдгээрээс гадна жижиг цөөрөм, усан оргилуур зэрэг тохижилтын элементүүдийг байршуулж, хүссэн тохижилтоо хийгээрэй.
 
Эх сурвалж: Барилга.МН сэтгүүл

Сэдэв: ландшафт тохижилт Жигүүр гарден


Сэтгэгдэл (5)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Зочин 2016-10-13 10:12 122.201.31.150

    Маш хэрэгтэй зөвлөлгөө өгсөн тань талархая. Мэргэжлийн хүний ийм зөвлөгөө олныг өгч байгаарай. Амжилт!
    Зочин 2016-11-10 10:28 103.26.195.54

    Хоосон газар дээр нь очиж, зөвлөгөө өгөх үү, ямар үнэтэй бол?
    Зочин 2016-11-10 10:28 103.26.195.54

    Хоосон газар дээр очиж, зөвлөгөө өгөх үү, ямар үнэтэй бол?
    С.Баярмаа 2016-11-10 17:37 112.72.15.202

    Сайн байна уу. “Жигүүр гарден” ХХК, 88802826 энэ дугаараас лавлана уу
    Зочин 12 өдрийн өмнө 103.9.88.162

    Хэрэгтэй зөвлөгөө өгсөнд баярлалаа.
}

Холбоотой мэдээ


Ханын цэцэрлэгийн 10 загварыг танилцуулж байна Ханын цэцэрлэгийн 10 загварыг танилцуулж байна
Та хүн амын нягтралшил ихтэй хот суурин газарт амьдардаг бол хүрээлэн буй орчиндоо цэцэрлэгжилт хий... 2015-09-22 09:00
Гэр бүлийн “Цэцэрлэгт хүрээлэн”-тэй болцгооё Гэр бүлийн “Цэцэрлэгт хүрээлэн”-тэй болцгооё
Зун боллоо... Бороо зөөлөн шивэрч заримдаа ширүүсч... /тэнгэр дуугарна,/ борооны дараа солонго тата... 2014-07-03 09:57
Явган хүний зам хэрхэн хийх вэ? Явган хүний зам хэрхэн хийх вэ?
Хашаандаа явган хүний зам тавьж гэрийнхээ гадаад өнгө үзэмжийг сайжруулах хүсэлтэй хүн бүхэнд ашиг... 2014-04-15 16:41
Цонх ямар байх ёстой вэ? Цонх ямар байх ёстой вэ?
Өвлийн улирал ирлээ. Та өвлийн бэлтгэлээ бүрэн хангасан уу? Манайхан вакум цонхыг өргөнөөр хэрэглэ... 2013-01-09 10:25

Дээшээ буцах