Зөөврийн чингэлгийг тохилог оффис болгон тохижуулжээ

Зөөврийн чингэлгийг тохилог оффис болгон тохижуулжээ

     Сүүлийн жилүүдэд зөөврийн чингэлгийг олон төрлийн зориулалтаар ашиглах болжээ. Тухайлбал, Хятадын Шянси мужийн Тайюань тосгонд чингэлгийг оффис болон үзүүлэнгийн танхим болгон засч тохижуулах нь элбэг болж.

     Бээжин хот дахь Ард түмний архитектур оффис байгууллагынхны шинэчлэн зассан эдгээр чингэлгүүдийг хэд хэдээр нь нийлүүлэн цогц болгож, зиг заг хэлбэртэйгээр шаталсан маягаар дарааллуулан байрлуулж, нүд булаам тод улаан, хурц шар өнгийг хослуулан будсан байна.



      Өвс, мод, ногоон байгууламж бүхий цэцэрлэгт хүрээлэн дотор энэхүү чингэлгэн оффисыг байрлуулсан ба улаан чингэлгүүд дээр шаруудыг нь перпендикуляр байдлаар өрж, хүрээлэн буй газарт нь чингэлгийн хэлбэрийг дүрсэлсэн дизайны өвөрмөц шийдлийг гаргасан аж.



        Байшингийн дээврийг терраз болгон ашиглаж, хотын байдал болоод эргэн тойрноо харах боломжтой болгожээ. Хамгийн гол нь энэхүү чингэлгэн оффисыг задалж, зөөвөрлөн өөр газарт аваачиж угсрах боломжтой.



     Хананд цонх, хаалга гаргаж хөндөлгүйгээр интерьерийг саруулхан харагдуулах байдлаар зассан байна. Ингэхдээ чингэлгийн доторх агаарыг хоёр дахин нэмэгдүүлэх үүднээс дээврийн төв хэсэгт нь цонх гаргажээ. Ингэснээр дотор талд байгалийн гэрлийг хангалттай тусгаж, чингэлэг бүрийг сайтар гэрэлтүүлэх боломжтой аж. Харин цагаан өнгийн сандал, ширээнүүд нь шалыг улам тодруулж өгөх юм.



     Оффисын дотор талд жижиг цөөрөм, гадна талд элсний багахан талбайг хийж өгсөн нь тохижилтонд багагүй чимэг нэмж өгчээ.














Холбоотой мэдээ