ЭМГЭНЭЛ - Монгол Улсын зөвлөх инженер Чанравын Баатарсүрэн \1944-2016\


ЭМГЭНЭЛ -  Монгол Улсын зөвлөх инженер Чанравын Баатарсүрэн \1944-2016\

        Бидний хайрт аав, халамжит хань, элбэрэлт өвөө, ах, эрхэм хүн, хамтран зүтгэгч Бэсүд хөх Дан овогт Чанравын Баатарсүрэн хүнд өвчний улмаас тэнгэрийн орондоо одлоо.

     Ч.Баатарсүрэн 1944 оны 3-р сарын 15-нд Говь-Алтай аймгийн Чандмань сумын нутаг Тэвшт хэмээх газар малчин ард Ч.Чанрав, Н.Тогтох нарын дөрөв дэх хүү болон мэндэлжээ. Тэрээр 1953 онд Чандмань сумын бага сургуульд элсэж, 1963 онд нийслэлийн 10 жилийн 12 дугаар сургуулийг алтан медальтай төгсөн, Польш Улсын Варшавын Политехникийн дээд сургууль, МУИС-ийг барилгын материалын технологич инженер мэргэжлээр дүүргэн насан эцэслэх хүртлээ барилгын салбартаа үр бүтээлтэй ажилласан бүтээн байгуулалтын салбарын нэр хүндэт зүтгэлтэн байлаа.

     Ч.Баатарсүрэн 1970 оноос Барилгын яаманд мэргэжилтэн, Барилгын техникумд багш, Ханын материалын комбинатад ерөнхий инженер, ДБЯ-нд Барилгын материалын үйлдвэрийг удирдах газрын дэд дарга, Барилга, хот байгуулалтын яаманд ахлах мэргэжилтэн, “Барилга.МН” сэтгүүлийн ерөнхий эрхлэгчээр өнөөг хүртэл ажилласан, Монгол Улсын зөвлөх инженер, ТШУ-ны мастер цолтой, Барилгын материал үйлдвэрлэгчдийн холбооны дэд ерөнхийлөгч, МЗЭХ-ны гишүүн, яруу найрагч хүн байлаа. Тэрээр чин шударга зантай, хүнлэг энэрэнгүй сэтгэлтэй, үр хүүхэд бидэндээ элбэрэл хайр дүүрэн эцэг, ахан дүүс, анд нөхөддөө сэтгэлийн гүнээс тусалдаг, хамтран ажиллагсад, ойр дотныхондоо үг сургаалиа хайрласан түшигтэй сайхан буурал, нутаг усандаа нэр хүндтэй, бахархал дүүрэн хүн байлаа.

    Тэрээр Монгол оронд барилгын материалын үйлдвэрийн салбарыг хөгжүүлэх үйлсэд насан турш зүтгэхдээ мэргэжлийнхээ дагуу олон арван өгүүлэл, судалгааны материал бичиж хэвлүүлсэн онолын мэргэжилтэн, барилгын материалын анхны мэргэшсэн инженерүүдийн нэг байв.

     Түүний зэрэгцээ өсөх наснаас үгийн урлагт дурлан шүлэг найраг бичсээр яруу найргийн анхны түүврээ 1995 онд “Нутгийн салхи” нэрээр хэвлүүлснээс хойш “Мэргэн шагай”, “Тооноор туссан гэрэл”, “Болор талстууд”, хүүхдэд зориулсан “Дуутай мөнгөн хонх”, “”Өрхний хошуу”, ”Дуулим цэнхэр хорвоод”, “Үнэний өмгөөлөл, шүлгүүд минь”, “Алтай сайхан нутгаар”, “Миний орчлон”, “Гэгээн сэтгэл” шүлгийн 12 түүвэр , дурсамж нийтлэлийн “Домог амилах цаг”, “Барилгын салбарын удирдагч”, “Алтай сайхан нутгаар”, “Барилгаар нэрээ мөнхөлсөн хүн”, “Хүн уул”, “Дууриалтай үйлстэн, дурсагдах буянтан” зэрэг 9 ном хэвлүүлсэн сэтгүүлч, яруу найрагч байсан юм.

     Түүний хөдөлмөр зүтгэлийг төр засгаас үнэлж, Засгийн газрын жуух бичиг, Алтан гадас одон, Хөдөлмөрийн гавьяаны улаан тугийн одонгоор шагнаж байв. Та минь эх нутгийнхаа тэнгэр дор эгнэгт мөнх нойрс доо. Ум сайн амгалан болтугай.
 
Хань, үр хүүхэд, ач, зээ, ахан дүүс, анд нөхөд, хамт олноос нь

“Барилга.МН” сэтгүүл, МБМҮХ
Эх сурвалж: Барилга.МН сэтгүүл

Сэдэв: барилгын салбар


Сэтгэгдэл (2)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Бямбаа 2016-09-30 16:11 150.129.140.27

    ээ бурхан минээ маш их харамсч байна. ум ма ни бад мэ хум.
    Дорж 2016-09-30 17:46 202.9.44.230

    Гүн эмгэнэл илэрхийлье УМ САЙН АМГАЛАН БОЛТУГАЙ
}

Холбоотой мэдээ


МБҮА-д шинээр 8 гишүүн компани нэмэгдлээ МБҮА-д шинээр 8 гишүүн компани нэмэгдлээ
Монголын Барилгын Үндэсний Ассоциаци нь Удирдах зөвлөлийн 2017 оны анхдугаар хурлын үеэр шинээр 8... 4 өдрийн өмнө
ИПОТЕК-ийг нэмэгдүүлэх боломжтой ИПОТЕК-ийг нэмэгдүүлэх боломжтой
Ирээдүйн тэтгэврийн нөөц сангаас ипотекийн зээлийг санхүүжүүлэхээр 2016 оны 1-р сарын 22-нд ИР... 5 өдрийн өмнө
БЗТЗХ-ны санаачилгаар нээлттэй хэлэлцүүлэг зохион байгууллаа БЗТЗХ-ны санаачилгаар нээлттэй хэлэлцүүлэг зохион байгууллаа
Барилга, хот байгуулалтын яамнаас “Барилгын салбарын мэргэжилтний давтан сургалт, мэргэшлийн... 5 өдрийн өмнө
Цэвэрлэх байгууламжийн шинэ технологийг танилцууллаа Цэвэрлэх байгууламжийн шинэ технологийг танилцууллаа
Барилгын салбарт тулгамдсан олон асуудлын нэг нь технологийн асуудал юм. Монголчуудад хэдийнэ тани... 6 өдрийн өмнө

Дээшээ буцах