Найман хувийн зээлийг үргэлжлүүлж, таван хувийн зээлийг зогсоолоо

Б.Бурмаа
Нэмсэн: 2016-09-29

Найман хувийн зээлийг үргэлжлүүлж, таван хувийн зээлийг зогсоолоо

     УИХ-ын дарга М.Энхболдод өнөөдөр /2016.09.29/ Монголбанкны ерөнхийлөгч Н.Баяртсайхан “Төрөөс мөнгөний бодлогын талаар 2017 онд баримтлах бодлого батлах тухай” УИХ-ын тогтоолын төслийг өргөн мэдүүлсэн юм. Энэ үеэр тэрбээр ипотекийн зээлтэй холбоотой асуудлаар мэдээлэл хийв.

     Монголбанкны ерөнхийлөгч Н.Баяртсайхан, “Ипотекийн зээлийн хөтөлбөрийг анх Монголбанк санаачилж, Засгийн газарт шилжүүлсэн. Шинэ Засгийн газар байгуулагдаад эргээд Монголбанканд шилжүүлж байх шиг байна. Ипотекийн зээлийн хөтөлбөрийг Монголбанк цаашид үргэлжлүүлнэ гэсэн байр суурьтай байна” хэмээн мэдэгдэв.

     Ипотекийн зээлийн хөтөлбөрт тав болон найман хувийн хүүтэй хоёр төрлийн зээл байгаа бөгөөд таван хувийн хүүтэй зээлийг улс орны эдийн засгийн нөхцөл байдал, зах зээлийн зарчмыг үндэслэн зогсоохоор болсон байна. Тодруулбал, Монголбанкнаас мөнгөний бодлогын хүүг 15 хувиар тогтоосон. Тус банкнаас гарч буй зээлийн хүү 2 хувь, үүн дээр арилжааны банкууд 3 хувийн хүүг нэмж 5 хувийн хүүтэй зээлийг орон сууц худалдан авч буй иргэдэд олгож байсан.

     Гэтэл бодлогын хүүгээ 15 хувь болгосон атал арилжааны банкууд ийм бага хүүтэй зээл гаргах нь зах зээлийн зарчимтай нийцэхгүй байгаа учраас ийнхүү зогсоох шийдвэр гаргасан байна. Өнөөдрийн байдлаар таван хувийн хүүтэй ипотекийн зээлэнд хамрагдахаар хүсэлт, өргөдлөө гаргасан нийт 4,000 гаруй иргэнд 90 орчим тэрбум төгрөг зарцуулахаар байгаа аж.

     Харин найман хувийн хүүтэй ипотекийн зээлийг Засгийн газартай хамтран цаашид үргэлжлүүлнэ гэдгээ Монголбанкны Ерөнхийлөгч Т.Баяртсайхан мэдэгдлээ.

     Уг зээлийн хөтөлбөрийг 80 хүртэлх ам.метр талбайтай орон сууц худалдан авах иргэдэд үргэлжлүүлэн олгож80 ам.метрээс дээш талбайтай орон сууцыг зах зээлийн зарчмаар арилжааны банкны зээлийн хүүгээр худалдан авах нь зүйтэй гэсэн байр суурьтай байгаагаа илэрхийллээ.
Эх сурвалж: УИХ-ын Тамгын газрын хэвлэл мэдээлэл, олон нийттэй харилцах хэлтэс

Сэдэв: Ипотекийн зээл


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


МЭНГОА ЦЕМЕНТ ХУУРАМЧААР ҮЙЛДВЭРЛЭЖ, БОРЛУУЛЖ БАЙНА МЭНГОА ЦЕМЕНТ ХУУРАМЧААР ҮЙЛДВЭРЛЭЖ, БОРЛУУЛЖ БАЙНА
Нийслэлийн мэргэжлийн хяналтын газрын шалгалтаар "Мэн Гао" үйлдвэрийн цементийн сав ... 19 цагийн өмнө
Барилгын тусгай зөвшөөрөлтэй аж ахуйн нэгж байгууллагуудын анхааралд Барилгын тусгай зөвшөөрөлтэй аж ахуйн нэгж байгууллагуудын анхааралд
​ Барилга, хот байгуулалтын Сайдын тушаалаар Хот байгуулалтын баримт бичиг, барилга, байгууламжийн... 2016-09-29 12:34
БНХАУ-аас олгох буцалтгүй тусламжийг гэр хорооллын дахин төлөвлөлтөд з... БНХАУ-аас олгох буцалтгүй тусламжийг гэр хорооллын дахин төлөвлөлтөд зориулна
БНХАУ-ын Төрийн зөвлөлийн Ерөнхий сайд Ли Көцян өнгөрөгч долоодугаар сард манай улсад айлчлахдаа ... 2016-09-07 16:34
Илүү гарсан орлого тутамдаа 25 хувийн татвар төлнө Илүү гарсан орлого тутамдаа 25 хувийн татвар төлнө
Хувь хүний орлогын албан татварыг 10 ба 25 хувь гэж хоёр шатлалтай болгохоор 2016 оны улсын төсви... 2016-08-30 11:19

Дээшээ буцах