Америкийн үл хөдлөх хөрөнгийн мэдээлэл, судалгааны нэгэн сайтад дэлхийн шилдэг 10 жуулчны бааз хаана хаана байдаг тухай сонирхолтой мэдээлэл нийтэлжээ. Энэхүү мэдээллийг онцлон хүргэж байгаагийн учир нь, уг жагсаалтын 9 дүгээр байрт манай орныг тодруулсан явдал юм.

Мэдээлэлд:

Урин дулааны цагт хүмүүс гэр бүлээрээ хаа нэгтээ амарч, хүүхдүүддээ газар үзүүлэхээр аялал зохион байгуулдаг. Тэд ихэвчлэн байгалийн сайхан, газарзүйн онцлог, түүх соёлын үнэт баялагтай газруудад аялах сонирхолтой байдаг нь нууц биш юм. Гэхдээ нөгөө талаараа томчууд хүүхдүүдээ орхиод, яагаад өөрсдийн хүссэн, өвөрмөц сонин газар руугаа чөлөөтэй аялж болохгүй гэж?

Ингээд дэлхийн шилдэг 10 жуулчны баазыг танилцуулъя.

Тус бүр онцлогийг нь тодотгон бичсэн амралтын газруудын уг жагсаалтанд:

10. RIDGWAY ADVENTURE, АРДМОР, ШОТЛАНД УЛС
9. PIONEER EXPEDITIONS, МОНГОЛ УЛС
8. ZOMBIE SURVIVAL COURSE, НЬЮ-ЖЕРСИ, АНУ
7. EAT.PRAY.MOVE, МАРРАКЕШ, МОРОККО УЛС
6. GLADIATOR TRAINING COURSE, РОМ ХОТ, ИТАЛИ УЛС.
5. LES VOYAGEURS, МИННЕСОТА, АНУ.
4. DOMAINE DU BOISBUCHET, ЛИМОУЖС, ФРАНЦ УЛС.
3. ROCK’N ROLL FANTASY CAMP, ЛАС-ВЕГАС ХОТ, НИВАДА МУЖ, АНУ
2. ACE CAMP, ХЭД ХЭДЭН УЛС ОРОНД БАЙДАГ.
1. JOHN C.CAMPBELL ҮНДЭСТНИЙ СУРГУУЛЬ, БРАССТАУН, УМАРД КАРОЛИН, АНУ.



Харин энэхүү жагсаалтын 9 дүгээр байранд тодорсон Монгол орны талаар өгүүлэхдээ,



“PIONEER EXPEDITIONS, МОНГОЛ УЛС – Салхи ихтэй, цөлөрхөг тал хээр нутагтай, нууцлаг бөгөөд баялаг түүх, түүхэн хүмүүсийн өлгий гэдгээрээ Монгол улс дэлхийд хэдийнэ танил болсон. Гэхдээ дээрх аяллын компани нь танд Монголыг гадны ертөнцөд танил болгосон, дэлхийг чичрүүлсэн эзэн хаан Чингисийн түүхт орноор хийх ес хоногийн аяллыг санал болгоно.

Энэ ес хоногийн турш та Дундад зуун руу эргэн очиж, 13 дугаар зууны үе дэх их байлдан дагуулагчийн амьдарч байсан шиг зоог барин, мөн унтаж амрах юм. Энд байх хугацаандаа, нум сум, хээрийн хоол хэрхэн хийдэг болон адуу хариулах, хээр хонох гээд олон зүйлийг сурах боломжтой. Мэдээж хэрэг хамгийн чухал зүйл бол, та өөрийн гэсэн байлдан дагуулалтыг хийхийн тулд их хааны байлдааны тактикаас мөн суралцах болно” хэмээн өгүүлсэн байна.