Дэлхийн хамгийн нэр хүндтэй ууган стандартын байгууллага болох Британийн стандартын байгууллага \BSI\ групп нь удирдлагын тогтолцооны олон улсын тэргүүлэх стандартуудыг боловсруулж, тэдгээрийг олон нийтэд хүргэхийн тулд сургалтын модулиудыг мөн боловсруулан гаргадаг.

     Сүүлийн жилүүдэд удирдлагын тогтолцооны ISO стандартуудад томоохон өөрчлөлтүүд орсонтой холбогдуулан BSI-н Монгол дахь төлөөлөгчийн газар BSI Академиас шинэчлэгдсэн стандартын цуврал сургалтуудыг зохион байгуулж  эхэлжээ. Тодруулбал, ирэх долоо хоногт буюу есдүгээр сарын 26-наас ISO 9001:2015 чанарын удирдлагын тогтолцооны цуврал сургалтыг Монголын Менежментийн Зөвлөхүүдийн Холбоотой хамтран зохион байгуулах гэж байна.

   Энэ удаагийн сургалт нь ISO 9001:2015 шинэ стандартыг танилцуулах, хэрэгжүүлэх, дотоод аудиторын  гэсэн гурван модулийн дагуу явагдах ажээ. Мөн  модуль тус бүрээр BSI Aкадемийн олон улсын гэрчилгээ олгогдож байгаагаараа онцлогтой юм.

   Аж ахуйн нэгж байгууллагаа өрсөлдөх чадвар бүхий тэргүүлэх компани болгоход тань туслах гарц болсон олон улсад хүлээн зөвшөөрөгдсөн стандартын сургалтад хамрагдаарай. Сургалтад хамрагдсанаар олон улсын стандартыг байгууллагадаа нэвтрүүлэхэд  шаардлагатай мэдлэг ур чадварыг олж авах болно. Тиймээс аж ахуйн нэгж байгууллагын удирдлага, чанарын менежер, зөвлөхүүдийг сургалтад өргөнөөр хамрагдахыг уриалж байна. 

   Сургалттай холбоотой мэдээллийг https://www.facebook.com/moncertf/?fref=ts хуудсаас аваарай! Мөн bsimongolia@gmail.com мэйл болон 89009207 утсаар холбогдоорой.