Долоо хэмжиж, нэг огтол /Дүнзэн байшингаа хэрхэн чанартай барих вэ?/

Б.Бурмаа
Нэмсэн: 2016-09-20

Долоо хэмжиж, нэг огтол /Дүнзэн байшингаа хэрхэн чанартай барих вэ?/

   Дүнзэн байшинг хэрхэн барих, юуг анхаарах, учирч болох санхүүгийн эрсдэлээс хэрхэн сэргийлэх, мөн ямар материалууд илүү тохиромжтой байдаг талаар мэдээлэл хүргэж байна.

     Дүнзэн байшин нь зөвхөн тансаг үзэмжтэй байгаад зогсохгүй байгаль орчинд ээлтэй, хүний эрүүл мэндэд нэн тустай эко байшин учир сүүлийн жилүүдэд ард иргэд ихээр сонирхох болсон. Мөн уг байшингийн ашиглалтын хугацаа нь бетон, тоосгон барилгыг бодвол 100-300 жил байдаг тул өв хөрөнгө болгон үе дамжуулан үлдээх давуу талтай.

     Харин дүнзээр байшин барих нь хүүхдийн Лего тоглоом өрөхтэй адил гэсэн ташаа ойлголт түгээмэл байдаг аж. Үнэн хэрэгтээ дүнзэн байшинг барихад маш нарийн тооцоолол, зөв төлөвлөлт, архитектурын оновчтой шийдлүүд зайлшгүй шаардлагатай. Үүнийг бетонон байшинг цутгах, эсвэл тоосго өрөхтэй адилтгах боломжгүй. Дүнз нь байгалийн цэвэр материал учир агшиж сунах, суулт өгдөг уян материал юм. Тиймээс нарийн тооцоолол шаардлагатай бөгөөд буруу барьсан тохиолдолд байшин буруу суулт өгч гажих, хазайх, хагаралт өгөх, цонх хаалга дарагдах, дулаан алдах гэх зэрэг олон асуудалтай тулгарна.

    Хэрэв та дүнзэн байшин бариулахаар төлөвлөж байгаа бол мэргэжлийн байгууллагад хандах нь таныг олон талын эрсдэлээс хамгаалж, цаг хугацаа, санхүүг тань хэмнэх болно.
 
Дүнзэн байшингийн ашиглалтын хугацаа нь бетон, тоосгон барилгыг бодвол 100-300 жил байдаг тул өв хөрөнгө болгон үе дамжуулан үлдээх давуу талтай.

     Дүнзэн байшин барихад юуны түрүүнд загвар дизайн болон өрөөний зохион байгуулалтыг тодорхойлох хэрэгтэй. Гэхдээ загвар дизайн нь байшингийн бүрэн зураг төсөл гарсан гэсэн үг биш. Ердөө санаа өгөх зураг төдий бөгөөд өөр хувилбарыг сонгож, интернэт орчноос дуртайгаа татаад авах боломжтой.

     Харин мэргэжлийн зураг төсөл нь тухайн байшингийн хэмжээ, загварт тохирсон техникийн оновчтой шийдэлтэй байх ёстой. Чулуун каркасан барилгыг бодвол өөр, өвөрмөц аргаар баригддаг. Модон байшинг барихад ямар ч хатуу бэхэлгээ байж болохгүй, бүх материал элементүүд нь өөр хоорондоо хангалттай уусч суугаад нягт болгон барих шаардлагатай. Ингэхдээ барилгын бүх ажиллагаа нэгэн жигд явагдах ёстой байдаг.



     Барилгын энэ ажилд мэргэжлийн мэдлэг зайлшгүй хэрэгтэй, мэргэжилтнүүд ч үйлчлүүлэгчиддээ мэргэжлийн байгууллагад хандахыг зөвлөдөг. Мэдээж ийм ажилд багагүй хөрөнгө мөнгө, зураг төсөл бэлэн болох хүртэлх хугацаа шаардагддаг. Гэхдээ энэ бүхэн барилгын ажил явагдахад маш их зүйлийг хэмнэнэ. Байшинг барихад өнгө үзэмж, дизайн, төлөвлөлт байхад л хангалттай гэж үзвэл хожим нь асар их хохирол учирч болзошгүй. Туршлагатай архитекторууд байшингийн загвараас хамааран даац, ачаалал суултын түвшинг нарийн тооцон гаргаж барьдаг.

     Оновчтой тооцоолж барьсан байшингийн суулт нэгэн жигд байдаг бөгөөд хатсаны дараах суулт өгснөөр хаалга, цоож, цонх зэрэг нь гажилт өгөхгүй, дүнзний цууралт босоо хэмээр бус, хөндлөнгөөр өгдөг. Энэхүү зөв суултын цууралт нь гол руугаа орохгүй бөгөөд байшингийн чанар сайн, ашиглалтын хугацаа урт байхад онцгой нөлөөтэй.
 
Суурь

     Бэлэн зураг авчраад, түүнийхээ дагуу байшин бариулах хүсэлтэй иргэд олон байдаг. Гэхдээ тэдгээр зургуудыг үзэхэд архитектур, угсралтын зураг болон планыг мэргэжлийн түвшинд хийж гүйцэтгээгүй байдгаас энэ нь барилгын ажлын явцад чанарт шууд сөрөг нөлөө үзүүлдэг. Тэгэхээр зураг төслийг дахин хийхээс өөр аргагүй болно.



    Энэ нь үйлчлүүлэгчийн цаг, мөнгийг барсан ажил болдог. Тиймээс байшингаа бариулах компанитайгаа зураг төслөө тохиролцох нь таныг төлөвлөөгүй зардал, саад бэрхшээлүүдээс аварна. Зарим компани өөрсдийн зураг төслийн инженертэй байдаг бөгөөд та байшин захиалах тохиолдолд зураг төслийг нь байшингийн үнэд шингээн төсөвлөдөг.
Байшингаа эхлэхээс өмнө “Долоо хэмжиж, нэг огтол” гэдэг үгийг та бүхэн санаарай.

     Зарим иргэд зураг төслөө гаргуулахаас өмнө сууриа цутгаад, түүндээ тохирсон байшин барих гээд толгойгоо гашилгадаг тохиолдол ч бий. Мэдээж эхлээд зураг төслөө сонгоод, түүнийхээ дагуу сууриа цутгах нь илүү ухаалаг хэмнэлттэй  шийдэл юм. Энэ нь яг л байхгүй байгаа бүсгүйд таамгаар туфли авчихаад, дараа нь гэрлэх сүйт бүсгүйгээ хайгаад явахтай адил хэрэг юм. Байшинг хүн амьдралдаа нэг эсвэл олон удаа ч барьж болно. Гэхдээ үүнд маш няхуур, нарийн тооцоотой, ухаалгаар хандах хэрэгтэй. Бид цаасан дээр байшингаа өөрчилж, ханыг нь хааш нь ч зөөж зурж болох ч, амьдрал дээр тэгэх боломжгүй. Тиймээс суурийг нэгэнт хийсэн бол загварыг өөрчилнө үү гэхээс суурийг хөдөлгөх боломжгүй болно. Үүнээс болж нэмэгдэл зардал гарах магадлалтай. Иймд бариулахаар захиалсан компаниараа суурийн зураг, хэмжээг гаргуулах нь зөв болов уу. Байшингаа эхлэхээс өмнө “Долоо хэмжиж, нэг огтол” гэдэг үгийг та бүхэн санаарай.



     Дүнзэн байшингийн суурь нь бүрэн цутгамал, шугаман болон босоо баганан байж болно. Суурь нь тухайн байшин барих талбайн газар шороо, намаг цэвдгээс хамааран өөр өөр байна. Жишээ нь, намаг цэвдэг ихтэй хөрсөнд гүн ухаж суурилуулсан баганан суурь илүү тохиромжтой бол, тэгш хуурай газарт энгийн шугаман суурь хийх боломжтой. Суурийг арматур зангидан хийх нь илүү найдвартай, учир нь суурин дээр олон тонн жинтэй хүнд дүнз давхарлан тавигдах учир байшингийн ханыг даах бат бөх суурь хэрэгтэй.

     Суурийн ажил хийгдсэний дараа байшингийн дүнзэн өрөлгөө буюу угсралт явагддаг. Тухайлбал, хүн амьдрахад хамгийн тохиромжтой бөгөөд дулаан хадгалалт сайтай, өртгийн хувьд боломжтой гэж мэргэжилтнүүд үздэг хэмжээ нь 24см диаметртэй нарс мод юм. Харин 24см-ээс (огтлолт) доош диаметртэй дүнз саун, беседкенд илүү тохиромжтой бол ийм нарийн дүнз нь байшинд хангалттай дулааныг өгч чаддаггүй.

     Урьд өмнө оросууд хөвд ашиглан байшингаа дулаалдаг туршлага байсан бол өнөө үед илүү боловсронгуй болсон эсгий ноосон дулаалгыг манай улс ашигладаг болжээ. Энэ нь дүнз хоорондын зай завсар, нүхийг сайн бөглөж, байшингийн дулааныг сайн хадгалж, хорхой шавжид идэгддэггүйгээрээ давуу материал юм.



Хямд үнийг чанар дагадаггүй
 
     Зардал хямдтайг нь бодоод туршлагагүй компани, хувь хүмүүсээр байшингаа бариулаад хохирсон хүмүүс цөөнгүй байдаг.

Тэдний хохирлыг ангилж үзвэл:
 
- Буруу технологиор бариснаас болж торхны суулт буруу өгөх
- Цонх хаалганы суулгалтыг буруу хийх
- Дүнз хооронд их хэмжээний зай завсар гаргах
- Гэрийн аргаар гаргаж авсан, эсвэл хямд үнэтэй лакаар байшинг бүрснээс болж өнгө нь гандах
- Дээврийн холболт, суулгалтыг хямд материалаар буруу хийснээс болж дээвэр хууларч унах, бороо цасны дусаал гоожих зэрэг олон асуудал тулгардаг.
 
     Чанар муутай барьсан байшингаас болж цаг хугацаа алдаж, санхүүгийн хохирлыг араасаа дагуулдаг. Хүмүүс дүнзэн байшин барих нь хүүхдийн Лего эвлүүлдэг тоглоомтой адил гэж боддогт л гол алдаа бий. 20 гаруй дүнзэн байшин барьсан хүнийг туршлагатайд тооцож болох ч, 5-10 байшин барьсан хүнийг суралцагч гэж үздэг. Иймд ганц, хоёрхон удаа барьсан хүмүүсийн талаар ярих нь илүү хэрэг биз ээ.



     Тиймээс та бүхэнд барилгаа мэргэжлийн хүмүүст хандан бариулж, нэг насаараа амьдрах байшиндаа гар таталгүй сайн чанарын материал сонгохыг зөвлөж байна. Үүнд дээвэр, цонх хаалга ч хамааралтай. Хэрэв чанартай үйлчилгээ та нэг удаа сонгоод, мэргэжлийн хүмүүсээр хийлгэвэл олон жил санаа амар амьдарна шүү дээ.

     Манай компани дүнз, модон бүтээгдэхүүнээ ОХУ-ын Эрхүү мужаас авчирч, захиалагчийн газар дээр барьж өгдөг бөгөөд инженер, техникийн ажилтнууд, гүйцэтгэгчид маань олон жилийн туршлагатай, Орос мэргэжилтнүүд байдаг.
Бидний гол зорилт бол “Өндөр чанар, тав тухтай амьдралыг танд бэлэглэх” юм.
 
 
Бэлтгэсэн: <<СР МОД Интернейшнл>> ХХК
Хаяг: Улаанбаатар хот, ХУД, Ажилчдын гудамж, 91-Залан Энержи бааз
Утас:976-91238722
 
Жинхэнэ орос чанарын дүнзэн байшинг
 “Ср Мод Интернейшнл” компаниас
Эх сурвалж: Барилга.МН сэтгүүл

Сэдэв: Амины орон сууц


Сэтгэгдэл (1)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

    Байгалмаа 2016-09-21 13:34 112.72.15.202

    Bayarlalaa, Heregtei medeelel ugsund
}

Холбоотой мэдээ


Газар хөдлөлтийн өндөр баллын эрчимтэй талбайд барилга барьж болох уу? Газар хөдлөлтийн өндөр баллын эрчимтэй талбайд барилга барьж болох уу?
Барилгын салбарт үйл ажиллагаа явуулж буй аж ахуйн нэгж, байгууллага болон иргэдэд тулгардаг нийт... 2016-12-05 11:43
Барилга дахь нарны шууд тусгалын ач холбогдол Барилга дахь нарны шууд тусгалын ач холбогдол
Нарны шууд тусгал буюу инсоляцийн хэрэгцээ, шаардлага Нарны шууд тусгал буюу инсоляци нь хү... 2016-11-23 10:28
Тоосгон өргийг хэдэн давхар хүртэлх барилгад хэрэглэж болох вэ? /Барил... Тоосгон өргийг хэдэн давхар хүртэлх барилгад хэрэглэж болох вэ? /Барилгын салбарын түгээмэл асуултууд/
БАРИЛГЫН САЛБАРЫН ТҮГЭЭМЭЛ АСУУЛТУУД Барилгын салбарт үйл ажиллагаа явуулж буй аж ахуйн нэгж ба... 2016-11-22 10:12
Суллах боломжтой жорлон гэж юу вэ Суллах боломжтой жорлон гэж юу вэ
Эко жорлон нь Бүхээг, Суурь, Нүх гэсэн 3 хэсэгтэй. Эко жорлонгийн гол зарчим нь өтгөн шингэнийг ... 2016-11-07 09:54

Дээшээ буцах