Архитектур: Ruetemple
Байршил: ОХУ, Москва хот
Талбай: 47.0 м2
Ашиглалтад орсон хугацаа: 2016 он

Бүрэн цутгамал хоёр өрөө байрны  интерьер загварыг сонирхолтой аргаар орон зайг нь хэрхэн цэлгэр уужим байлгахаар тохижуулсныг танилцуулъя.

Уншигч та өрөөний гол төвд тавилга эсвэл өрөө хоорондын тасалгаа ч гэж хэлж болох шийдлийг харж байгаа байх. Дараах интерьерт зай талбайг төгс ашиглаж чадсан төдийгүй байгалийн гэрэлтүүлгийг нэвт гэрэлтүүлсэн байна. Ердөө 47 м2 бүхий хоёр өрөө байранд ажлын өрөө, агуулах, ариун цэврийн өрөө, гал тогоо, унтлагын өрөө, зочны өрөө, шат зэргийг нэг дор төлөвлөн, шийдэж өгснөөрөө онцлогтой. Эдгээрийг дан ганц модоор хийсэн. Энэхүү модны шаргал өнгө нь амар тайван орчныг бүрдүүлж байгаа аж.