Наамал дүнзэн байшинг хэрхэн барих вэ?

Б.Бурмаа
Нэмсэн: 2016-09-06

Наамал дүнзэн байшинг хэрхэн барих вэ?
     “Эм Си лог хаус” ХХК-ийн Мод боловсруулах үйлдвэр нь 2015 оны 5 дугаар сард Нийслэлийн Сонгино хайрхан дүүрэг, Баянголын аманд ашиглалтад орсон.  
 
     Энэ нь Тайвань улсад үйлдвэрлэсэн, орчин үеийн хамгийн шинэ, шилдэг технологи бүхий өндөр хүчин чадалтай, техник, тоног төхөөрөмжөөр иж бүрэн тоноглогдсон, цахим удирдлага бүхий шинэ үйлдвэр юм. 
 
     Финлянд технологийн наамал дүнзэн байшин, цул наамал хавтан, барилгын модон вакум цонх, хаалга, шал болон барилга, гэр ахуйн зориулалттай бүх төрлийн модон хийц, эдлэлүүдийг захиалгаар болон бөөнөөр үйлдвэрлэдэг. 

     Тус үйлдвэрт өндөр мэргэжлийн, дадлага туршлагатай технологич, архитектор, дизайнер, тоног төхөөрөмжийн механик, цахилгаан, КиПиАвтоматикийн инженерүүд болон өндөр ур чадвартай мэргэжлийн ажилчид ажиллаж байна.
 
Наамал дүнзэн хийцтэй байшин угсрах нь

     Дүнзэн хийцийн барилга угсралтын ажлыг модон байшин барих туршлагатай компаниар гүйцэтгүүлнэ. Барилгын ажлыг хууль тогтоомж, норм дүрмээр техникийн баримт бичгүүдийн дагуу хийж гүйцэтгэх шаардлагатай. “Наамал дүнзэн байшин”-г угсрах ажил нь суурийн усны хамгаалалтыг чанар сайтайгаар хийхээс эхэлдэг.

     Суурь нь барилгын ачааг хүлээн авч буурьт дамжуулах үүрэгтэй барилгын бүтээцийг суурь гэж нэрлэдэг. Суурийн доод гадаргууг түүний ул гэж нэрлэх ба улнаас газрын гадаргуу хүртэлх эгц босоо зайг суурийн суулгалтын гүн гэнэ. Суурь бол барилгын нэгэн элемент болох бөгөөд түүний хийц хэлбэр хэмжээ нь суурийн хөрснөөс хамаарна.

     Эхний үеийн хамгийн чухал ажилбар бол “үнэмлэхүй тэг” буюу улаан шугамыг татах, тэмдэглэх ажил юм. Дээд зэргээр цутгасан суурь ч гэсэн төгс тэгш гадаргуутай байж чаддаггүй. Ул дүнз болон гадаргуугийн хамгийн өндөр хэсэг хоёрын хооронд ойролцоогоор 20 мм байхаар эхний үеийг тавина. Дараа нь дүнз болон суурийн хоорондох зайг угсралтын хөөсөөр дүүргэнэ.

     Үүнийг дүнз болон бетоны хооронд хийж өгөх ба энэ нь хөгцрөлөөс хамгаалах үүрэгтэй. Мөн ул дүнз суурийн дээд хэсэг хоёрын хооронд ус чийгний тусгаарлагч хийх шаардлагатай.

     Суурийн ажил бэлэн болсны дараагаар байшингийн ул дүнз ба торхыг угсарч эхэлнэ. Байшингийн бүх эд ангийг үйлдвэрийн нөхцөлд хийж, дугаарласан байна. Байшинг угсрах үед агаарын нөлөөллөөс урьдчилан сэргийлнэ.



     Байшинг барьж эхлэхээс дээвэрлэх ажлыг 15 хоногоос илүүгүй хугацаанд хийх ёстой. Хийцийг хамгаалалтгүй байдлаар 3-аас дээш хоног байлгаж болохгүй.

     Хананы эхний үеийг тавьсны дараа суурьтай бэхлэх гэж яарах хэрэггүй. Тэнхлэгүүд болон диагоналийн дагуу хэмжээсүүд тохирч байгаа эсэхийг сайтар шалгасны дараа эхний үеийн бэхэлгээг хийж болно.  



     Үйлдвэрт хийсэн булангийн углуургуудад /заадас/ буюу салхинаас хамгаалах ховил татсанаар энэ нь өнцөг буланг дулаан, салхи орохооргүй болгодог. Хамгийн хүйтэн жаварт ч байшинд дулаахан байна. Үүнийг салхины хамгаалалтын үе гэж нэрлэдэг.



     Хэрэв булангийн огтлолын хэсгүүд шулуун бус бөөрөнхий мэт хэлбэртэй байвал угсралтын талбай дээр хийдэг.  Дүнзийг өрөхдөө үе хооронд нь дулаалгыг заавал хийх хэрэгтэй. 

     Дүнз хоорондын дулаалгад эрт дээр үеэс хөвдөөр дулаалга хийж ирсэн. Одоогоор орчин үеийн шинэ технологийг нэвтрүүлсэн “KHAAN WOOL” компанийн эсгийг дүнз хоорондын дулаалгад ашиглаж байна.


     Дүнзний үеүдийг зориулалтын эрэг, шураг болон нагел /шүд нь Ш25-30мм/-ийг ашиглан холбох арга түгээмэл байдаг. Нагелийг хананы өнцгөөс 100-20мм-ийн зайд хооронд нь 1-2м зайтайгаар тавина. Дүнзэнд нэвт нүх өрөмдөх ажлыг тусад нь хийх ёстой. Өрчихсөн хананд нүх өрөмдсөнөөр үртэс нь дүнз хооронд орж, ханыг хооронд нь нягт татагдах бололцоогүй болгодог. Тиймээс цэвэрлэгээг цаг тухайд нь хийж байх шаардлагатай.



     Өнцгийн холбоосын дараачийн эд анги бүрийн нүхний хоосон зайг угсралтын хөөсөөр бөглөнө. Хийцийн босоо эд ангиуд болох багануудыг угсрахдаа тохируулагч компенсатор буюу тавтай боолтуудыг хэрэглэнэ. 



     Наамал дүнзэн байшингийн цахилгаан болон гэрэлтүүлгийн кабел шугамыг өөр аргаар татна. Цахилгаан хангамжийн далд системийг байшингийн угсралтын явцад тайрдсуудын онгорхой дахь тусгай ховил болон хананы нэвт нүхээр дагуулан хийнэ. 



     Байшинг угсарч дууссаны дараа дээвэрт зориулсан модон хийцийг угсарна. Цаг агаараас шалтгаалан торхыг муутгахгүйн тулд дээвэрлэх ажлыг хойш тавих хэрэггүй. Дээвэр бэлэн болсны дараа дотоод засалд орж, дээврийн дулаалгыг хийж, таазыг тогтоон, шаллаж, цонх, хаалгыг суулгана. 



Цонхыг суулгахдаа цонхны хропын дээр 30-40 мм-ийн зай авна.



     Хаалганы хропын дээд талд 30-40 мм-ийн зай авч, суулгасан хропыг өнгөлж засаад, дараа нь галын био хамгаалалтыг болон нарны цонолт төөнөлтөөс хамгаалах тусгай бодисоор модон гадаргууг боловсруулна. Зассан дүнзний гадагш илүү гарсан хэсгийн холбоосыг борооны ус нэвтрэхээс хамгаалах зорилгоор силикон ба акрил суурьтай герметик бодис хэрэглэж, тайрцын хальсаар хучиж өгнө.  

     Байшингийн дулаалгын хувьд уламжлалт усан, пийшин, дулаан шал болон хананы цахилгаан халаагууруудыг ашиглана. Пийшин халаалтын үед модон хийц болон утааны яндангийн хооронд галд үл шатах материалаар 380мм-ээс багагүй тусгаарлагч хийж өгнө.

     Байшинг ашиглах явцад байшингийн доторх агаарын чийгшилтэд онцгой анхаарч байх ёстой. Жил бүр дараах байдлаар шалгаж, шаардлагатай үед үүссэн доголдлуудыг арилгана. Үүнд:
  • Татуургыг чангалж, шаардлагатай үед богиносгоно.
  • Багануудын суултын нөөцийг шалгана.
  • Дээврийн гулсалт болон гулсалтын металл бэхэлгээг шалгана.
  • Суултын шурагны суурийн тохиргоог хийнэ.
  • Хөнгөн хамар ханануудын суултын нөөцийг шалгана.
  • Дүнзнүүдийн жигд суултыг шалгана.
  • Гадаргуугийн боловсруулалтыг шалгана.
 
Наамал дүнзэн байшингийн хийцийг буулгах зөвлөмж:
 
     Байшингийн хийцийг буулгах болон угсрах үед зөвхөн 120 мм-ээс багагүй голчтой зөөлөн аргамжийг хэрэглэнэ. 

Наамал дүнзийг хадгалах зөвлөмж:

     Хийцийг буулгахын өмнө барилгын талбайг бэлтгэнэ. Байшинг барих байршлын 4 талд уг барилгын суурьтай чацуу өндөрт босгосон модон тавцангууд дээр хийцийг байрлуулах нь хамгийн тохиромжтой. Ингэх боломжгүй үед газарт зориулалтын гялгар уут дэвсэж, түүн дээр 150 мм-ээс багагүй өндөртэй 3 хөндөл мод тавьж, дээгүүр нь боодолтой дүнзүүдийг хөндлөнгөөр нь тавина. Боодолтой дүнзүүдийг нэг хавтгайд байрлуулах бөгөөд ингээгүй тохиолдолд удаан хадгалах үед эд ангиуд гулзайж тахийна.

     Дүнзийг ялгах ажлыг хуурай цаг агаартай өдрүүдэд хийж, хур тунадастай үед бүх эд ангийг гялгар хальсаар хучсан байна. Ингээгүй тохиолдолд дүнзний ховилд ус орж, мод хавагнаж, эд ангиуд нь хоорондоо нягт наалдахгүй болно. Харин хамгаалалтын хальс нь хөндөл модны дээд хэсэгт орох ёсгүй.

     Учир нь хамгаалалтын хальсны доогуур ус орж, түүнд дулаан, нарны гэрэл нөлөөлснөөр хөгцрөх нь модны хувьд хамгийн тааламжгүй үзэгдэл болдог. Цаг агаар сайжрах үед баглаж боосон хальсыг хуулан авч, дүнзүүдийг сайтар хатааж, ус нэвтрээгүй байсан ч дахин хучна. Энэ нь хучилтын хальсанд хөгц үүсэхээс сэргийлэх зайлшгүй хийх ажил юм. Ингээгүй тохиолдолд модлогт хөхрөлт үүснэ.

     Нимгэн хальс нь хэт ягаан туяанаас хамгаалахгүй учир хальсан доорх дүнз түлэгдэлтэд идэвхтэй өртдөг. Иймээс дулаахан, хурц нартай өдөр ч дүнзийг тусгай гэрэл, ус үл нэвтрэх хальсаар хучсан байна.

     Байшинг өвлийн улиралд угсрах үед дүнзийг хана болгон өрөхөөс өмнө дүнз бүрийн гадаргууг түүнд наалдсан цааснаас сайтар цэвэрлэнэ. Дүнзний тайрдас нь хавтгай гадаргууг бодвол чийгийг илүү шингээдэг. Ийм учраас байшинг барьж эхлэхийн өмнө тэдгээрт тайрцын цууралтаас хамгаалах тусгай бодисийг уусгаж өгөх хэрэгтэй.
 
Анхаарал хандуулсан та бүхэнд баярлалаа.

“Эм Си Лог Хаус” ХХК
И-мэйл: 
welmon.bz@gmail.com 
Утас:       +976-94023132
Хаяг:       Сонгино хайрхан дүүрэг, 1 дүгээр хороо, Баянголын ам,
Шуудангийн хайрцаг-486, Улаанбаатар-210624, Монгол улс
Веб сайт: mcloghouse.mn 



 
Эх сурвалж: Барилга.МН сэтгүүл

Сэдэв: Амины орон сууц


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


Газар хөдлөлтийн өндөр баллын эрчимтэй талбайд барилга барьж болох уу? Газар хөдлөлтийн өндөр баллын эрчимтэй талбайд барилга барьж болох уу?
Барилгын салбарт үйл ажиллагаа явуулж буй аж ахуйн нэгж, байгууллага болон иргэдэд тулгардаг нийт... 2016-12-05 11:43
Барилга дахь нарны шууд тусгалын ач холбогдол Барилга дахь нарны шууд тусгалын ач холбогдол
Нарны шууд тусгал буюу инсоляцийн хэрэгцээ, шаардлага Нарны шууд тусгал буюу инсоляци нь хү... 2016-11-23 10:28
Тоосгон өргийг хэдэн давхар хүртэлх барилгад хэрэглэж болох вэ? /Барил... Тоосгон өргийг хэдэн давхар хүртэлх барилгад хэрэглэж болох вэ? /Барилгын салбарын түгээмэл асуултууд/
БАРИЛГЫН САЛБАРЫН ТҮГЭЭМЭЛ АСУУЛТУУД Барилгын салбарт үйл ажиллагаа явуулж буй аж ахуйн нэгж ба... 2016-11-22 10:12
Суллах боломжтой жорлон гэж юу вэ Суллах боломжтой жорлон гэж юу вэ
Эко жорлон нь Бүхээг, Суурь, Нүх гэсэн 3 хэсэгтэй. Эко жорлонгийн гол зарчим нь өтгөн шингэнийг ... 2016-11-07 09:54

Дээшээ буцах