5, 9, 12-р давхрын сууцнууд хамгийн их борлогдож байна

5, 9, 12-р давхрын сууцнууд хамгийн их борлогдож байна

     2016 оны байдлаар Улаанбаатар хотын төвийн 6 дүүргийн хороолол бүрээр санамсаргүй түүврийн аргаар 95%-ийн итгэх магадлалтайгаар нийт 760 хуучин орон сууцыг хамруулан Улаанбаатар хотын хуучин орон сууцны зах зээлийг судаллаа.

     Нийслэл хот дахь 2000 оноос өмнөх хуучин орон сууцны дундаж үнэ, 2 өрөө байрны хувьд  сүүлийн 6 сард тогтвортой байна. Харин 1, 3, 4-өөс дээш өрөөтэй байрнуудын үнэ буурсан хандлагатай байна. 

Зураг 74 Судалгаанд хамрагдсан хуучин орон сууцны түүврийн тоо



     Судалгааны түүвэрт 2000 оноос хойших барилга нь нийт хуучин орон сууцны 63%-ийг эзэлж байна. Үүний дотор зах зээл дээр борлуулагдаж буй хуучин орон сууцны хувьд  ашиглалтад ороод удаагүй 2013 оноос хойших барилга 31%-ийг эзэлж байгаа юм.

     Зах зээлд дахин борлуулагдаж буй хуучин орон сууцны хувьд 2000 оноос өмнө баригдсан барилгуудын 5 болон 9 давхрын сууцнууд хамгийн ихээр худалдаалагдаж байгаа бол 2000 оноос хойш баригдсан барилгуудын 5, 9 болон 12-р давхрын сууцнууд хамгийн өндөр хувьтай худалдаалагдаж байгааг харж болно.

Зураг 75 Хуучин орон сууц, давхрын тоогоор



2016 оны 4-р сарын байдлаар УБ хотын хуучин орон сууцны 1м.кв-ын дундаж үнийг өрөөний тоотой харьцуулан судлахад дараах байдалтай байна.

Зураг 76  Хуучин орон сууцны м2-ийн үнэлгээ, өрөөний тоогоор




     Хуучин орон сууцны дүүргүүд дэх нийт дундаж үнэ 1м.кв-1.8 сая төгрөг байна. Үнийг дүүргүүдээр харьцуулан үзэхэд СХД-т хамгийн хямд буюу 1.3-1.4 сая төгрөг байна. Хамгийн өндөр үнэтэй нь СБД-т 2.1-2.4 сая төгрөг байна.

Зураг 77 Хуучин орон сууцны м2-ийн дундаж үнэ, сая.төг, дүүргээр



Хуучин орон сууцны үнийн өөрчлөлт
 
     2016 оны 3-р сарын байдлаар төвийн 6 дүүргийн хуучин орон сууцны үнийг урьд оны 3-р улирлын үетэй харьцуулан үнийн өөрчлөлтийг дүүрэг тус бүрээр судлан авч үзлээ.

     Өмнөх оны мөн үетэй харьцуулахад хуучин орон сууцны үнэ ерөнхийдөө буурсан байна. ЧД болон ХУД-ийн 1 өрөө хуучин байрны үнэ хамгийн өндөр буюу 22-25%-иар буурчээ. 2 өрөө байрны хувьд ЧД болон БГД-ийн хуучин орон сууцны үнэ 16-17%-иар буурсан бол 3 өрөө байрны хувьд СХД болон БЗД-т байрлалтай хуучин орон сууны үнэ 10-14%-иар буурсан үзүүлэлттэй байна.
 
      Харин СБД-т байрлалтай 3 өрөө хуучин байрны дундаж үнэ өмнөх оны 1-р улиралтай харьцуулахад 10%, ХУД-т байрлалтай 3 өрөө байрны дундаж үнэ 1%-иар тус тус өсчээ.

     Орон сууцны дундаж үнийг дүүрэг тус бүрээр харахад ЧД-т 1 өрөө байр 62.1 сая буюу бусад дүүргээс өндөр, 2 өрөө байр СБД-т 115.0 сая төгрөг буюу бусад дүүргээс өндөр, 3 өрөө байр ЧД-т 164.8 сая буюу бусад дүүргээс өндөр үзүүлэлтүүдтэй байна.  

 
Дэлгэрэнгүйг: “Барилга үл хөдлөх хөрөнгийн судалгааны тайлан 2016”-гаас,
Барилга Эм Эн ХХК, Судалгааны алба, 99058841, 77111777
 
 


 
Эх сурвалж: "Барилга, үл хөдлөх хөрөнгийн судалгааны тайлан-2016"

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.