Ойн баярууд давхацсан намрын шинэ дугаар – “БАРИЛГА.МН” сэтгүүл


Ойн баярууд давхацсан намрын шинэ дугаар – “БАРИЛГА.МН” сэтгүүл


    Барилга, үл хөдлөх хөрөнгийн салбарынхандаа мэдээ мэдээлэл, мэргэжлийн зөвлөмжүүдийг хүргэж байдаг “БАРИЛГА.МН” сэтгүүлийн энэ намрын ээлжит дугаар Монгол Улсад орчин цагийн барилгын салбар үүсч, хөгжсөний түүхт 90 жил, барилгын зураг төслийн байгууллага байгуулагдсаны 90 жилийн ойн баярт зориулагдан хэвлэлтээс гарсныг уншигч та бүхэнд дуулгая.
         
      Шинэ цагийн бүтээн байгуулалтын эхлэлийг тавьж, Монгол улс барилгын инженер, техникийн ажилтнуудыг бэлтгэн, хот төлөвлөлтийн үндэс суурийг тавьсан түүхэн цаг мөчүүдийг бахдан дурсаж, ирээдүйгээ итгэл төгс харах цаг үеийн нэгэн тэнхлэг дээр бид зогсож байна.



     Улс орныхоо хөгжил дэвшлийн тод илэрхийлэл бүтээн байгуулалтын эзэд болсон барилгачиддаа зориулан БХБ-ын Сайд Г.Мөнхбаяр, “БАРИЛГА.МН” сэтгүүлийн эрхлэгч, МУ-ын Зөвлөх инженер Ч.Баатарсүрэн, МУ-ын Гавьяат барилгачин, хурандаа генерал Со.Лувсангомбо, Монголын барилгын үндэсний ассоциацийн Ерөнхийлөгч Д.Цэрэнжигмэд нарын зүгээс дэвшүүлсэн ойн баярын мэндчилгээг та бүхэнд уламжилъя.


           
     Тиймээс Монгол улсын барилгын салбарыг 25 жил удирдан ажилласан, энэ онд 100 насны ой нь тохиож буй төр, нийгмийн нэрт зүтгэлтэн, их эрдэмтэн доктор Дамдинжавын Майдар агсны тухай дурсамж, барилгын зураг төсөл гэх өндөр хариуцлагатай бөгөөд нэр хүндтэй эрхэм мэргэжлийг эзэмшиж, 40 гаруй жил салбартаа үнэнчээр зүтгэж, хөдөлмөрлөсөөр яваа МУ-ын Зөвлөх инженер Д.Намсрайтай хийсэн сонирхолтой ярилцлага зэргийг ойн баяраа тохиолдуулан хүргэж байна.
                      
     Байр авах гэж буй иргэд, орон сууцны төслөө борлуулах гэж буй хэн бүхэнд хэрэгцээт мэдээллийг нь хүргэж байдаг “Онцлох судалгаа” буландаа зэрэглэл тус бүрээр нь гаргасан “Шинэ орон сууцны үнэ ханш”-ийн судалгааг бэлтгэлээ. Эндээс үнэ ханшийн мэдээллийг байршил, зэрэглэл тус бүрээр нь ялган харах боломжтой.


           


     Амины орон сууцаа өөрөө барих гэж байгаа  болон мэргэжлийн хүмүүсээр бариулах гэж байгаа бол танд яг тохирсон зөвлөгөөг манай сэтгүүлийн идэвхтэн бичигчид хүргэж байна. СИП хавтангийн болон дүнзэн байшинг хэрхэн чанартай барьж, ашиглалтын хугацаанд нь зөв арчилж хамгаалах талаарх дэлгэрэнгүй мэдээллийг аваарай. Түүнчлэн дүнзэн байшинд зориулсан интерьерийн шинэ үеийн сонгодог шийдлүүдийг хүргэж байна.
            
     “ОРОН СУУЦНЫ БИРЖ”-д байршсан шинэ орон сууцны 60 гаруй төслийн мэдээллийг харьцуулан харж, сонголтоо хийх боломжтой. Аж ахуйн нэгжүүд төлбөрийн уян хатан нөхцөлийг санал болгохоос гадна урамшуулал хүртэх, сугалаат худалдаанд оролцох, компанийн хувийн зээлээр байртай болох гээд олон боломжийг санал болгож байна.


           
    Удахгүй Улаанбаатар хотноо баригдаж эхлэх 15,000 хүний суудалтай, архитектур дизайны өвөрмөц шинэлэг шийдэлтэй хөлбөмбөгийн стадион, барилгын зураг төслийн талаарх мэргэжилтний шүүмж, “Харах өнцөг” булан дахь зураг төслийн инженерүүдийн зөвлөмж ярилцлага болон сантехникийн шугам сүлжээний зэв арилгах дэвшилтэт шинэ технологи, Хөшигийн хөндийн олон улсын онгоцны буудлын зураг төсөл, архитектурын шийдэл зэргийг зөвхөн “БАРИЛГА.МН”-ээс унших боломжтой.


           

 

Сэтгүүл захиалгын дэлгэрэнгүй мэдээллийг 9100-0233, 9100-0222 дугаараас лавлана уу.

Сэтүүлээ онлайнаар захиалаад ҮНЭГҮЙ хүргүүлээрэй =>  


 
Эх сурвалж: Барилга.МН сэтгүүл

Сэдэв: Барилга.МН Сэтгүүл


Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

}

Холбоотой мэдээ


Орон сууцны, хямдрал урамшуулалтай өдөр Орон сууцны, хямдрал урамшуулалтай өдөр
“ОРОН СУУЦНЫ БИРЖ”-ээс тогтмол Улаанбаатар хотод байрлалтай шинэ орон сууцыг танилцу... 18 цагийн өмнө
“Хямралын үеийн бизнес төлөвлөгөө, стратегийн зөв бодлого” сэдэвт сург... “Хямралын үеийн бизнес төлөвлөгөө, стратегийн зөв бодлого” сэдэвт сургалт боллоо
Barilga.mnсайт гишүүн байгууллагууддаа зориулж,Барилгын сургалт хөгжлийн академитай хамтарсан &l... 1 өдрийн өмнө
2025 он хүртэл агаарын бохирдлыг бууруулахад 9.9 их наяд төгрөг зарцуу... 2025 он хүртэл агаарын бохирдлыг бууруулахад 9.9 их наяд төгрөг зарцуулна
"Агаарын бохирдлыг бууруулах үндэсний хөтөлбөр"-ийг 2017-2018 он хүртэл буюу богино хугацааны, 20... 1 өдрийн өмнө
Барилгын салбарын түгээмэл асуултаас Барилгын салбарын түгээмэл асуултаас
Барилгын салбарт үйл ажиллагаа явуулж буй аж ахуйн нэгж байгууллага болон иргэдэд тулгардаг ний... 1 өдрийн өмнө

Дээшээ буцах