Өнөөдөр “Барилга, Орон сууц-2016” үзэсгэлэн яармагийн хаалтын үйл ажиллагаа болж өндөрлөлөө. Гурав хоногийн турш зохион байгуулагдсан тус арга хэмжээнд орон сууц, барилгын материал нийлсэн 110 гаруй аж ахуйн нэгж оролцож, үзэсгэлэнгийн нэрэмжит асуулт хариултын АХА тэмцээн болон үзэсгэлэнгийн шилдэг оролцогчидийг шалгаруулах хаалтын арга хэмжээ боллоо.

Шилдэг төсөл, хөтөлбөр хэрэгжүүлэгч- “ТЕСО” ХХК Содон хороолол
ТЕСО ХХК нь улс орныхоо бүтээн байгуулалтад үнэтэй хувь нэмрээ оруулж, 3520 айлын иж бүрэн Содон стандарт цогцолбор хорооллыг байгуулав.

Шилдэг үйлдвэрлэгч-“Хараа Сүмбэр” ХХК
Хараа сүмбэр ХХК нь импортыг орлох барилгын 12 нэр төрлийн материалыг олон улсын стандартын дагуу дотооддоо 22 жилийн турш үйлдвэрлэж, улс орныхоо бүтээн байгуулалтын салбарт үнэтэй хувь нэмрээ оруулж яваа үйлдвэрлэгчдийн нэг юм.

Шилдэг ханган нийлүүлэгч-“Ти Энд Жи” ХХК
Тус компани нь 1996 онд байгуулагдаж, “Decra”, “Hormann” гэх зэрэг Шинэ Зеланд, Германы өндөр чанар, өргөн сонголт бүхий бүх төрлийн хаалга, дээврийг аж ахуйн нэгжүүдэд нийлүүлж, угсралт суурилуулалтын үйлчилгээг хэрэглэгчиддээ найдвартай хүргэсээр байна.

Шилдэг дэвшилтэт технологи нэвтрүүлэгч-“Пирамид индастри” ХХК
“Пирамид индастри” компани нь 1996 онд Монголын анхны дулаалгын хөөсөнцөр хавтангийн үйлдвэрийг ашиглалтад оруулж, 2013 онд анхны чулуут өнгөлгөөний материалын үйлдвэрийг байгуулав.

Шилдэг орон сууц-“Morning Star Land” ХХК
“Сингапур чанар-тансаг шийдэл” уриатай, 315 айлын дээд зэрэглэлийн “Morning Recidence” хороолол

“Morning Star Land” ХХК-ийн маркетингийн менежер н.Наранбаатар, Бид “Барилга Эм Эн” ХХК-ийн энэхүү үзэсгэлэнд 2006 оны хавраас эхлэн “Morning Recidence” хорооллын төслөөрөө дөрөв дэх удаагаа оролцож байна. Өнөөдөр Шилдэг орон сууц номинаци авсандаа манай хамт олон маш их баяртай байна. Манай компанийн энэхүү төслийг “Барилга Эм Эн” компанийн хамт олон өндөрөөр үнэлж байгаад талархал илэрхийлье.

Пирамид индастри ХХК-ийн менежер О.Батбаатар, Манай компани нь барилгын материал үйлдвэрлэгч Монголын ууган компанийн нэг. “Барилга, Орон сууц-2016” үзэсгэлэн яармагийн нэрэмжит “Шилдэг дэвшилтэт технологи нэвтрүүлэгч” компаниар шалгарлаа.