Жил бүрийн намар уламжлал болон зохион байгуулагддаг “БАРИЛГА, ОРОН СУУЦ-2016” үзэсгэлэн яармаг энэ жил Монгол улсад барилгын салбар үүсч хөгжсөний түүхт 90 жилийн ойн хүрээнд болж байна.

     Мишээл Экспо төвд ердөө гурав хоног үргэлжилдэг уг үзэсгэлэнгээс иргэд та бүхэн хүсэл сонирхолдоо төгс нийцсэн шинэ байраа авах, амины орон сууцаа барих барилгын материал, шинэ дэвшилтэт техник технологитой танилцаж, сонголтоо хийх боломжтой.

     Үзэсгэлэнд шинэ орон сууцны төсөл хэрэгжүүлэгч, барилгын материал үйлдвэрлэгч, импортлогч гээд гадаад болон дотоодын 110 гаруй аж ахуйн нэгж, байгууллага оролцож, нэг цэгээс олон төрлийн мэдээллийг иргэд, худалдан авагчдад өгч байна. Түүнчлэн байр авахаар төлөвлөж буй иргэд, залуу хосууд та бүхэн шинэ орон сууцны үнэ ханшийн бодит мэдээлэл, байршил, барилга үл хөдлөх хөрөнгийн компаниудын тухай ойлголтыг нэг дор авах боломжтойг дуулгая. Мөн компаниудын өөрсдийн гаргасан зээлд иргэд хамрагдан байраа авах нөхцөлийг цөөнгүй байгууллага санаачлан гаргаад байгааг үзэсгэлэнд ирж танилцаарай.

     Оролцогч компаниуд үзэсгэлэнгийн хугацаанд иргэдэд зориулан тусгай хямдрал урамшуулал зарлахаас гадна байрны захиалгын урьдчилгаанаас хамаарсан төлбөрийн хөнгөлөлт, сугалаатай худалдаа, дэлгүүрээс тавилга, гэр ахуйн цахилгаан бараа сонгох урамшуулал болон хонжворт сугалаатай худалдааг явуулж байгаа.

     Ипотекийн зээлд хамрагдах тухай зөвлөгөө, хэрхэн чанартай орон сууц худалдан авах, шинэ байрны төслүүдийн ялгаа, үнийн зөрүү, компаниудын мэдээлэл танилцуулга, хамгийн гол нь орон сууцны бодит үнэ ханшийн тухай бүх мэдээллийг та өөрийн биеэр ирж сонирхох боломжтой.

Үзэсгэлэн Мишээл экспод өнөөдөр 18:00 цаг хүртэл үргэлжлэх тул та бүхэн яаравчлан ирээрэй.

Үзэсгэлэнгийн талаарх дэлгэрэнгүй мэдээллийг 99000981, 91000222 утсаар авна уу.