Орон сууцны үнэ ханшийн бодит мэдээллийг “БАРИЛГА.МН” сэтгүүлээс
Сар бүр тогтмол хэвлэгдэн гарахдаа Барилгын салбарын чиглэл тус бүрийг онцлон мэдээлэл бэлтгэдэг “БАРИЛГА.МН” сэтгүүл энэ удаад “Орон сууц, үл хөдлөх хөрөнгө” сэдвийг хөндлөө.
Жил бүрийн намрын улиралд орон сууцны борлуулалтын оргил үе тохиодог онцлогийг харгалзан, уншигчиддаа шинэ орон сууцны үнэ ханшийн дэлгэрэнгүй мэдээллээс гадна хуучин орон сууцны зах зээлийн мэдээллийг хүргэж байна.
Эдийн засгийн нөхцөл байдал тааруу, борлуулалт сул байгаатай холбоотойгоор “БАРИЛГА.МН” сэтгүүл компаниуд төслийн борлуулалтаа үр дүнтэй хийхэд юу хэрэгтэй, мөн иргэд байр худалдан авахдаа юунд анхаарах шаардлагатай талаар мэргэжилтэн судлаачдын зөвлөмж, ярилцлагуудыг бэлтгэлээ.
Сэтгүүлийн энэхүү дугаараас та бүхэн,
- Салбарын онцлох мэдээлэл болон дэлхий дахинд болсон онцлог үйл явдлууд,
- Хуучин орон сууцны зах зээлийн судалгаа, шинэ орон сууцны үнэ ханшийн дэлгэрэнгүй мэдээлэл,
- Байр авахаар сонирхож буй иргэдэд зориулсан зөвлөмж,
- Орон сууцны төсөл борлуулагч компаниудад зориулсан мэргэжилтнүүдийн ярилцлага,
- СӨХ-ны үндэслэлгүй төлбөрийн талаар гомдол мэдээлж, шалгуулах боломжийн талаар,
- Наамал дүнзэн байшинг хэрхэн зөв, чанартай барих тухай,
- Гэрийн сантехникийн системийнхээ талаар анхан шатны мэдэгдэхүүнтэй болох зөвлөмж,
- Шинийг санаачлагч, бүтээлч залуусын ирээдүйн мөрөөдлийн талаар,
- Монгол Улсад Барилгын салбар үүсч хөгжсөн ойд зориулсан “Түүхт 90 жилийн ойд” булан
- Архитектур, интерьерийн онцлог шийдлүүд гээд олон талын сонирхолтой мэдээ мэдээллийг уншаарай.
Мөн энэ намрын барилгын салбарын хамгийн том үзэсгэлэн болох “Барилга, Орон сууц-2016” үзэсгэлэн яармагийн мэдээллийг “БАРИЛГА.МН” сэтгүүлээс авах боломжтойг дуулгая.
Сар бүр бидний бэлтгэсэн мэдээллийг уншиж, хэрэгтэй зөвлөмжүүдийг амьдралдаа хэрэгжүүлж байдаг уншигч та бүхэндээ баярлалаа.
