Евроблокоор амины орон сууцаа барих нь

Евроблокоор амины орон сууцаа барих нь
ТАНЫ НАСАН ТУРШИЙН ҮЛ ХӨДЛӨХ ХӨРӨНГӨ ЕВРОБЛОКОН ХАУС

     Амьдран суух амины орон сууцаа өөрсдөө барихаар төлөвлөсөн, эсвэл аль нэгэн компаниар бариулахаар сонирхож буй уншигчиддаа зориулан “Евроблок”-оор амины орон сууц барих зөвлөгөөг хүргэж байна. Үүнд, “Евроблок”-ийн тухай товч мэдээлэл болон жишээ болгож 114.7м² талбайтай амины орон сууцны зураг төсөл, ерөнхий төсөвт өртгийн тооцоо зэргийг орууллаа.
 
“Евроблок”-ийн тухай товч мэдээлэл

Өндөр хэмийн даралтат уурын сав буюу Автоклаваар боловсруулсан хийт бетоныг 1924 онд Швед улсад анх үйлдвэрлэж, Европт төдийгүй дэлхийн олон оронд хамгийн түгээмэл хэрэглэгддэг барилгын материал болон тархсан байна.

Шинж чанарын хувьд “Евроблок” нь хөнгөн, бат бэх, даац өндөртэй, дулаан хадгалах чадвар сайн, суулт өгдөггүй, шатдаггүй, дурын хэмжээсээр үйлдвэрлэх боломжтой, хүн болон байгальд ээлтэй, орчин үеийн дэвшилтэт технологийн дагуу үйлдвэрлэгдсэн бүтээгдэхүүн юм.

Автоклавт жигнэж бэхжүүлсэн энэхүү бүтээгдэхүүнийг хувийн орон сууц, үйлдвэр, сургууль, эмнэлэг, зочид буудал зэрэг иргэний болон үйлдвэрлэлийн зориулалттай барилга байгууламжийг барихад өргөн ашиглах боломжтой.

“Евроблок”-ийн бүтцийн 60-85%-ийг жигд тархан байрласан, 1-2 мм-ийн хэмжээтэй хий бүхий вакуумжсан бөмбөлөг, хийн сүвэнцэрүүд бүрдүүлнэ.

Материалын хатуу хэсэг нь талстсан холбогч материал буюу “Tobermorite” гэсэн эрдсээс тогтдог. “Tobermorite aircrete” нь кварц болон бусад эрдсүүдийг бага хэмжээгээр агуулдаг. "Tobermorite”-ийн химийн найрлага нь цахиурын давхар исэл, кальцийн оксид болон ус байдаг.

Бүтээгдэхүүний үндсэн найрлагад кварцын агууламжтай элс, шатаасан шохой, цемент, гөлтгөнө, хөнгөн цагааны нунтаг ордог.

Хувийн жин

Барилгын дүүргэгч бусад материалтай “Евроблок”-ийг харьцуулахад түүний жин нь ойролцоогоор 50% хөнгөн байдаг. Энэ нь барилгын даацыг багасгаж, суурийн зардлыг бууруулан хөрөнгө оруулалтыг хэмнэснээр барилгын 1м.кв талбайн үнийг бууруулах боломжийг танд олгоно.

Хэмжээний өргөн сонголт

“Евроблок” нь 500мм-с 75мм өргөнтэй гадна дотор хананд зориулагдсан стандарт хэмжээтэй.

Дулаан хадгалалт

“Евроблок”-ийн дулаан дамжуулалт-λ=0,09-0,13 Вт/м°С, учир дулаан хадгалах чанар сайн. Тухайлбал, Тоосгоноос 3-5 дахин дулаан учир халаалт, хөргөлтийн зардлыг хэмнэнэ. Монгол орны нөхцөлд (–40 +40˚-ийн хэмд) “Евроблок”-ийн 40 см-ын зузаантай хана нь нэмэлт дулаалгын материал хэрэглэхгүйгээр дулаан хадгалах үзүүлэлтийг бүрэн хангана.

Бат бэх чанар

“Евроблок” нь 400-500кг/м³ нягттай учраас ердийн бетоноос 5 дахин хөнгөн ба 600 x 400 x 250мм хэмжээтэй стандарт блок нь 100 тн ачаа даах чадвартай.

Зүсэлтийн нарийвчлал

“Евроблок” нь угсрахад хялбар, өөгүй тэгш хэмжээсийг барих боломжийг бүрдүүлсэн ба урт, өргөн, өндрийн хэмжээнд хүлцэх алдаа нь 1,5 мм-ээс ихгүй байна.

Дуу чимээний тусгаарлалт

“Евроблок”-ийн сүвэрхэг мөн вакуумжсан хийт бөмбөлөгт бүтэц нь дуу чимээг маш сайн тусгаарладаг. (Rw=40-50 dB)

Ажлын бүтээмж өндөр

Жин болон хэмжээний харьцаа, гар бариул зэрэг нь барилгын ажилд нэн тохиромжтойгоос гадна өрлөгийн ажлын хугацааг 4 дахин бууруулна. Евроблокт хадаас хадах, мөн тастаж, хөрөөдөх, дурын хэлбэр гарган механик боловсруулалт хийх боломжтой ба мэргэжлийн өрлөгчин шаардагдахгүйгээр 1м² ханыг 1 хүн 15-20 минутад өрнө.

Галд тэсвэртэй

“Евроблок” нь 100% байгалийн эрдэст материалаас бүрдсэн ба шатдаггүй, галыг дэмждэггүй, ингэснээр барилгын бусад хэсэгт гал тархахаас хамгаалах чадвартай.

Ус, чийгэнд тэсвэртэй

“Евроблок”-ийн найрлагад нь усанд үл уусах эрдсүүд багтдаг. Иймд чийгийг өөртөө тогтоохгүй, гадагшлуулах шинж чанартай.

Хорхой шавжид идэгдэхгүй

“Евроблок” нь ямар нэгэн химийн процессод идэгдэж ялзрал явагдахгүй ба хорхой, шавж болон мэрэгч амьтад үүрлэх боломжгүй.

Эко бүтээгдэхүүн

Бүтээгдэхүүний найрлагад химийн ямар нэгэн хортой нэгдэл агуулаагүй учраас хүний эрүүл мэнд болон байгаль орчинд сөрөг нөлөөгүй.














Зөвлөмжийг бэлтгэсэн:
РОЯАЛ ХАУС КОНСТРАКШН ХХК by ‎MIMC 
Канад / Төмөр карказ / Бүрэн цутгамал / Евро блок
Дэлгэрэнгүй мэдээллийг: 9910-8990, 8802-8973
Вэб сайт: www.MIMC.mn
Хаяг: БЗД, 2-р хороо, Ундрам плаза 4-р давхарт 403 тоот 
‪#‎Зуун_хувь_Цэвэр_агаарт_амьдарцгаая.
Эх сурвалж: Барилга.МН сэтгүүл

Сэтгэгдэл (0)

АНХААРУУЛГА:Уншигчдын бичсэн сэтгэгдэлд barilga.mn хариуцлага хүлээхгүй болно.
Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.